[poem=font="Simplified Arabic,7,white,bold,normal" bkcolor="indigo" bkimage="" border="groove,4,orange" type=2 line=0 align=center use=ex num="0,black"]
( اليا توارى شخص با الحيل تغليه )
الطيب يا القناص بانت مواريه=موجود با اللي مثلك الصدق مبداه
لمست جرحن متعبن قلب راعيه=كان انت تقدر طالبك دور دواه
لو هو يخفى كان حاولت اخفيه=جرحي كبير ويا ابن الاجواد ما اقواه
جرح الفراق معذبن وين اوديه=لو عافته روحي فوادي تبناه
والقلب ما له غير خلاق يهديه=حاولت به عيا مع الوقت يسلاه
تعبت من جور الزمان وبلاويه=يا عل به تكفير ذنبن جنيناه
لو القصايد لا نظمناه تحييه=خلدت كل ابيات شعري لذكراه
اقلها با الشعر يا خوك نفديه=ما دمت عاجز عن معانق محياه
اليا توارى شخص با الحيل تغليه=على الاقل ابكه ليا حل طرياه
لا تذكر عيوبه وعدد حسانيه=خله عزيز مكرمن عند مولاه
وادع الله انه من ذنوبه ينقيه=ويسلمه ربك كتابه بيمناه
واطلب من اللي صورك يجمعك فيه=في جنة الفردوس تسعد بلامآه[/poem]
رد مع اقتباس
