في ثالث يوم من ايام العيد وبالصدفه في منتدى غرابيل عاشق حدث اكبر تجمع للاعضاء وهم عشق ليل والكايد وشرقاوي وسهم المنايا وطيف الوله وقوت القلوب وحساسه وحدث هذا الحوار بينهم :
عشق ليل : ياهلا والله بالجميع نور المنتدى .. ايه هذا اللي نبيه .
طيف الوله :الله يسلمك ابوعبدالرحمن هذا والله من طيبك .
سهم المنايا : وش رايكم يوم الله جمعنا بطلعة للبر
الكايد : والله انك جبتها .. من زمان ودي نسوي رحله للاعضاء .
قوت القلوب : رحله للبر .. مابه الحين الا البرد .
منيف : لا لا تصدق ياالكايد .. والله وناسه واذا رحنا نبي نقنص انا واياك
شرقاوي : صادق منيف .. وبعدين بالبر تتهيض قريحة الشاعر ويطلع لنا بقصيدة حلوه مثل قصيدة عطيه
مخاوف قلب : وش هي عطيه هذي ..
عشق ليل : اتركوا عطيه عنكم هالحين .. وكل واحد يعلمنا وش بيجيب معه ويعلمنا وش هي قدراته الفنيه عشان ننسق الاعمال بيننا .
مخاوف قلب : لا تقولون اني بطبخ لكم ترا ما اعرف اطبخ ( نصابه )
طيف الوله : انا اعرف .. لكن .. بس للاكلات البحريه ( صرفت نفسها )
قوت القلوب : وشلون يعـني .. جت في راسي انا
شرقاوي : لا تخافون .. بلاكم ماذقتوا مشويات السيف الولد متعلم على يد اتراك .. ولو تذقون كبسة الكايد كان تعافون الكبسات من بعدها .. والا سهم المنايا اذا حكر الكمونيه والكبده شئ خيالي
منيف : يعـني انا ما عـلي الا آكل بس .. والله وناسه .
عشق ليل : يمال الآكله .. انت تغـسل الصحون . (( الآكله )) <<< دعـوه اسمعها بس مدري وش تعني
منيف : احوووول لله .. هالصحون ورانا ورانا .. حتى في البر .
طيف الوله:لا تخاف انا بساعدك .. بس بشرط تترجم لي أي كلمة يقولونها وانا ماعرفها .
قوت القلوب :هههههههههههه خليه يجرب غسيل المواعين كيف .. لا تساعدينه
======= جمع التبرعات اقصد الاغراض============
عشق ليل :انا من عندي ثلاث خيام .. وحده للشباب ووحده للبنات والثالثه نخليها مطبخ .
الكايد : وانا من عندي تانكي ماء.. وعزبة القهوه والشاهي وجميع لوازمها .
قوت القلوب : وانا علي جميع لوازم الطبخ .. من قدور وبهارات ورز وغيرها .
سهم المنايا : وانا علي ماطور الكهرباء .. وجميع لوازم الاناره من اسلاك ولمبات
شرقاوي : وانا من عندي استـاجر ددسن حوض عشان نشيل فيها الاغراض .. وبجيب قز واسطوانه احتياط
مخاوف قلب : وانا من عندي ثلاجه غاز عشان مانموت عطش <<< هذا والجو شتاء يسلمو على الحرص
طيف الوله : وش بقيتوا لنا انا ومنيف .
منيف : وناسه .. يعني بنطلع بدون مانجيب شئ .
الكايد : لا يا عيوني .. انتم عليكم الخرفان ونبيها هرافي
سهم المنايا : ههههههههههه واحد يجزر والثاني يشلوط الرآس (( للاخوه الاجانب :يشلوط يعني يشوي الراس ))
طيف الوله : وانت قاعد تتمسخر .. علمونا من وين نجيب خرفان
عشق ليل : ما كثـّر الله الا بيوت الشعر .. تمرون اطرف بيت وتشترون لنا ثلاث هرافي نقوه
======= حملوا عفشهم .. وبعد ما وصلوا البر =========
الكايد : يالله شباب شدوا حيلكم وعلى بال ماتخلصون تكون القهوه والشاهي جاهزات
سهم المنايا : عشق ليل دقّ الوتد اللي عندك وانا بشد الطنب ( الطنب = حبل الخيمه للاخوه الاجانب )
عشق ليل : اررررخو العيال .. تآمر علي وانا اكبر منك
سهم المنايا : ياخي خلك سبور واترك الرسميات ترانا في بر
الكايد : دن .. دن .. دن .. دن <<< صوت النجر
قوت القلوب : مشينا يامخاوف قلب خلينا نجيب حطب
شرقاوي : أهل الخرفان تأخروا الله يستر لايكون غـرزوا
====== طيف الوله ومنيف عند راعي غنم =======
منيف : ايه هذا اللي عندك امسكه .
طيف الوله : شكله غالي ترا مامعنا فلوس تكفي
منيف : لا تخافين خبره بالنصب وقت البيع والشراء .
(((( الراعي : هذا بــ 450 ريال ))))
طيف الوله: راعنا بالسعر ترا بنشتري منك جمله
منيف : جمله مفيده هههههههههههههههههه
طيف الوله : وش رايك تسكت وتخليني اتفاهم معه يابو نصب واحتيال
منيف : افا .. ياعيب الشوم .. ابعدي خليني اتفاهم معه
طيف الوله: نشوف .. ورنا حالك
==== بعد ما اشتروا الخرفان ورجعوا (طبعا نصبوا عليهم) ====
الكايد : لا تعـبـتـوااااااا ..
منيف : لا ندمت .. قم عطنا رايك بالخرفان .. يجملن والا لا .
عشق ليل : بهن البركه انشاءالله .. تعالوا تقهووا
شرقاوي : الكايد متى بيجي السيف
سهم المنايا : اليوم طيارته بتاصل ( وين جاي من باريس ابو الشباب)
طيف الوله : وين راحوا البنات
عشق ليل : راحوا يجيبون حطب .. لان مخاوف قلب ناويه تسوي خبزه على الجمر
قوت القلوب : احم .. احم .. ما اسرع ماحشيتوا فينا ما امدنا نروح
مخاوف قلب : اوووف .. مالقينا حطب ٍ يستاهل
سهم المنايا : ابشروا .. هذا السيف وصل .. الله حيه .. ياهلا
السيف: اس ..اس ..السلامو عليكم <<< جاي متحمس
عشق ليل : ياهلا والله .. عاش من شافك
منيف : تراني حاجز السيف لي خوي اذا لعبنا بلوت .
مخاوف قلب : بلوت بهالبر .. والله المزاج
====== بعد المغرب : والسيف مدهر بالمشويات ======
السيف : تبون كباب والا اخليها اوصال بس
قوت القلوب : اللي يجي .. ما نتشرط ابد اللي يجي بنرضاه
طيف الوله : اذا محتاج مساعده علمنا نجيك
السيف : اهم شئ ابعدوا عني سهيمان ومنيف وانا بالف خير
سهم المنايا : حنا الرباحانين اصلا .. والا تبينا ننشوي بهالنار
عشق ليل : اذا جوك علمني اشغلهم بأي شغله
=== الكايد شاب النار والدلال وعنده شرقاوي ومخاوف قلب ===
الكايد: من قال بياله (( بياله = كاسة شاهي ))
شرقاوي : ما نبي بياله .. نبي قصيد .. الشاهي ملحوق عليه
مخاوف قلب : عـطنا قصيدة يابنات المنتدى .. ترا ماسمعتها
===== السيف خدوده حمر من صلو الجمر وزعلان ===== (( صلو = حرارة اللهب))
السيف : انا لله .. وين الملح ياعالم
عشق ليل :الملح !!! .. قوت القلوب هي اللي جابت الا غراض
قوت القلوب : متأكده اني جبته .. لكن سهيمان مسرع اليوم وشكله طار من صندوق السياره (صرفتها بظهر المسكين)
عشق ليل :: يادي السهيمان اللي جنني .. تدرون انا بوريكم فيه هو وخويه .. سهيمان ,, منيف تعالوا ابيكم
سهيمان : سم .. آمر .
عشق ليل : شف الكيرم بالخيمه والعب انت ومنيف
منيف : مافيه بودره <<< صداق بقووووه
عشق ليل : حطوا من الطعس ينفع بودره بريه (( الطعس = رمل ناعم (( نفود ))))
قوت القلوب :: ههههههههههههههههههههه
منيف : طيب اذا خلص العشاء علمونا .
====== الفجر : الكايد توضأ وأذن للصلاه =======
عشق ليل :لا اله الا الله .. اصبحنا واصبح الملك لله
الكايد :ابو عبدالرحمن ترا اذا طلعت الشمس بآخذ سهيمان معي ونروح نقـنص
شرقاوي : بس لا تطول ترا الغـداء عليك اليوم
مخاوف قلب : لا .. على راحتك .. الغداء بسويه انا اليوم <<< غسلت يديها عقب مشويات السيف
الكايد : عشتي والله .. فكيتيني .. ترا ما اعرف اطبخ بس وهقوني فيها
===== الكايد شغل الددسن ناوي يقنص ========
الكايد : يالله ياسهيمان مشينا .
طيف الوله : وانا ابي معكم بشوف وش تقنصون
السيف :اذا الشغله محتاجه طرد .. ابشروا بولد ٍِ ماينلحق
قوت القلوب : وانا بعـد بروح .
عشق ليل : خوذوني خوي معكم لا تخلوني .
منيف : وانا ترا فنان .. وراح تشوفون المواهب .
عشق ليل :لا لا .. انت اقعد ساعد مخاوف قلب على الغداء
منيف : حرام عليك ابو عبدالرحمن وش مسوي لك انا ..
الكايد : خله يروح معنا .. الضاهر مابقى احد
منيف : اوريك ابو عبدالرحمن .. خـلـّـك تنام بس .. والله لا أنكد عليك نومتك .
عشق ليل : لا لا .. خلاص رح راحت روحك .. كلش ولا النومه
==== بعد مارجعوا من قنصهم ومخاوف قلب قافله معها =====
مخاوف قلب : زين اللي جيتوا .. وش فيكم تأخرتوا
السيف : وين الماء .. ميت عطش ..
الكايد : تقهووا على فنجال قبل الغداء
طيف الوله : قهوه .. قهوه.. ذبحتنا نبي الغداء
عشق ليل : يالله سهيمان روح اغرف الغداء
شرقاوي:ههههههههههه ايوه عشق ليل احشرهم حشررررر
عشق ليل : وانت ياشرقاوي قطع السلطه
منيف : هههههههههههههه والله ونفعت حركه النومه وافتكيت ليتني داري من اول ماجينا
عشق ليل : لا يالغالي .. انت خلك بالشمس ووقف على رجل ووحده وحافي بعد
منيف : يؤ يؤ يؤ .. ترا انكد نومتك
عشق ليل : اقول روح وراك .. ومن قال اني بنام .. يالله رح وقف هناك
منيف : رغبات القائد اوامر .. كيف اوامره عاد .
التكمله في الاسفل
رد مع اقتباس
