قبل كل شئ اتمنى ماحد يزعل لانه يعلم الله اني أخترت الاعضاء المرحين واللي أمون عليهم
======== الشخصيات المشاركه ==========
الصويب: المدير العام <<< ماهوب فيه بس ماعليه نحشه بالعشر الاواخر
قوت القلوب: السكرتيره
شقران : امين الصندوق
منيف : موظف
عشق ليل: موظف
طيف الوله: موظفه
حساسه: موظفه بنت الشمال
سهم المنايا: موظف
==============================
======= صباح يوم السبت ========
الصويب : السلام عليكم
قوت : وعليكم السلام .. اهلين سعادة المدير
الصويب : هلا فيك .. هاتي دفتر حضور الموظفين والحقيني المكتب لو سمحتي
قوت القلوب : ابشر انشاءالله
======== قوت القلوب تتصل بمكتب الموظفين=======
قوت القلوب : الوه .. السلام عليكم
طيف الوله : الوه .. معك مغسلة الصويب للمشويات .. هع هع هع >> رايقه على الصباح وتستهبل
قوت القلوب : اقول روقينا على الصباح .. وشوفي سهيمان داوم والا باقي
طيف الوله : كم الساعه الحين .. ساعتي نسيتها بالبيت
قوت القلوب : الساعه ثمانيه ونصف
طيف الوله : اوووووووه مستحيـل يجي قبل الساعه عشره
قوت القلوب : طيب اذا حظر المدير يبيه ضروري
======= قوت القلوب عند المدير =======
قوت القلوب : هذا دفتر الحظور
الصويب : ياااااالله .. هذا جاب لي الشيب .. وبعدين معاه
قوت القلوب : واضح انه مايحب العمل كل يوم متأخر ويجي بعد الساعه عشره يكشر ويقول انا جيت
الصويب : ههههههههههه .. عموما سوي له قرار حسم ( 10) ايام ولفت نظر وجيـبـيـه لي اوقعه الحين
======= مكتب الموظفين =========
حساسه : وش رايكم بنكته على الصباح
منيف: هاتي وش ورانا غير النكت والضحك
طيف الوله : لا ماوراك شئ ابد !! ماغير هالعشر معاملات اللي من اسبوع والغبار عليها
عشق ليل : ههههههههه لا .. وهذا وانا مخلص نصفهم بعد
منيف : بدينا نمن .. طيب تجمل وكمل هذولي بعد
حساسه : تدري يامنيف ان المعاملات اللي على مكتبك بعظهم لطيف .. من تطلع انت تروح تحطهم على مكتبك
طيف الوله : بل عليك .. لا تحاولين تـفـتـنـيـن ترا ماتمشي علي حركاتـك
عشق ليل : اقول ازعجتونا بالمعاملات من سمعكم قال معاملات مجلس الشورى
منيف: الا سهيمان وينه ؟ وش بلاه متأخر
حساسه : زي كل يوم .. شوي وهو داخل علينا تقول حرامي أس أس أس السلامو عليكم ويكشر ويقول انا جيت
عشق ليل : الله يرجه ومدري متى بـيـعـقل وينتبه لدوامه
طيف الوله : ههههههههههه المسكين الراتب يجي مخصوم منه نصفه
سهيمان :أس.. أس00السلامو عليكم .. انا جيت .. احد سأل عني
طيف الوله : ايه سألت عنك السكرتيره
سهيمان : يعـني انخصم اليوم علينا
حساسه : أذا على يوم الامر يهون ههههههههههه روح للمدير طالبك
========= سهيمان عند السكرتيره ========
سهيمان : السلاموووو عليكم .. بشري كيف اخلاق المدير اليوم
قوت القلوب : اخلاقه زي العسل دايم .. لكن من يشوف اسمك متأخر يتعكر مزاجه
سهيمان: طيب ممكن تدخلين عليه وتـقولين له اني جيت
قوت القلوب : وانت ليش ماتروح
سهيمان : انا ان دخلت عليه بـيشخط فيني
قوت القلوب : روح .. روح .... مافيه شئ جديد اصلا انت تعودت على كذا
========= سهيمان داخل على المدير========
سهيمان : صباح الخير والاحساس والطيبه >>> بيلطف الجو
الصويب : طنش مارد
سهيمان : كح كح .. انا جيت طال عمرك
الصويب : عارف انك جيت يا أنت جيت لكن متى جيت !!
سهيمان : انا جيت الساعه 10
الصويب : والدوام متى يبدأ
سهيمان : اللي تشوفه طال عمرك
الصويب: >>> ارتفع ضغطه من بروده
الصويب : اقول روح لمكتبك وبلغ زملاءك راح افتش عليهم اليوم
======== سهيمان عند امين الصندوق=====
سهيمان : ياهلا والله بشقران .. تصدق وحشتني جيت اسلم عليك
شقران: هلا والله .. وش عندك جاي اكيد فيه مصيبه
سهيمان : المدير خصم علي 10 ايام
شقران : طيب ... تستاهل اكثر بعد
سهيمان : خاف ربك انا وراي 20 بزر ومن ويم بيعـيشون
شقران : انااااا لله .. والله بهذلـتـنا معـك .. خليـتـنا نخون الامانه
سهيمان : يارجال .. تراني مظـلوم وعندي كومة لحم بالبيت يعني ماتخون الامانه
شقران : حسبي الله عليك .. خلاص بنزل الحسميه على دفعات كل شهر يوم>> صارت اقساط
((البقيه تحت))
رد مع اقتباس
