[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالواهل العشـق يامجروح لو تكتب رساله = للعيون الساحرات الي تهدك مـن حورها
قلت ! ياستار! رف بالروح ماعندي بساله = ذي بحورٍ للهوى والظن تخفق في صورها
هي رموز الحب والا النص مايطرب جماله = هي لهيب العشـق لو ضنّت وقلبك ماعبرها
اعذب الأشعار فيها كالعسل! جتنا! مُساله = لاجلها كم من قلوبٍ غارقه وابدت خورها
شفتها خلف اللثام أبسـوق صار القلب واله = ثانيه! واليوم لي مده ! وانا اتذكر مورها
ساقت سهوم الهوى بفتونها وامسيت داله = اتذكر طرفها الساحر وفي نفسي قهرها
هو صحيح اللحظ مايرحم ولاعنده جمـاله = يقتل العشاق بين احجاجها ثابت قدرها
بس حقيقه هي ملاك الحسـن ونهاية مجاله = فنها ملموس واما الغيب للمولى عِبرها
العيون الناعسه ! من شافها صابته حاله = والوساع الموت يا شعار من لفتة نظرها
والحور فتان ذا معروف روعه في كماله = والعيون الزرق حساسه تبين من سهرها
للعيون الفاتنات الوصـف هذا في عجاله = اعذروا روحي وخلوها تصالي مابهرها
لاتقولوا به جنون وحالته صارت مــحاله = العيون وسهمها ثابت وفي نظمي خبرها[/poem]