يالله ياستار ياعز والي ...نواف الناصر

[نواف الناصر]

[align=center]بسم الله الرحمن الرحيم



قدر الله وما شاء فعل
ولا حول ولا قوه الا بالله




هذه هي الكلمات اللتي نجد بها الروحانيه والارتياحيه حينما تمر علينا الاخبار الفاجعه والمصائب الدنيويه كفانا الله واياكم منها ..
لا اطيل عليكم ..
كل ابن انثى ولو طالت سلامتة // يوما على آلةٍ حدباء محمول
وهذه مشيئه الرحمن حينما اخذ وديعتة ..والدي رحمه الله ..
كتبت له ابتهال ..ودعوات من قلب ابن يرجو السلامة لوالده ..
اعرف انها متأخره ولكن ..تلبية لرغبة الكثيـر ..
اليكم متواضعتي واسف على الاطالة..


يالله ياستّار ياعز والي
..............................ياحي يا قيوم ياذا الجلالي
طالبك يارحمن ان تشفي ابوي
............................اليك وجهت الدعا و اتكالي
ابوي ناصر ياعسى عمره يطول
....................يالله عساه من المرض دوم خالي
ابوي ناصر سافر اليوم للغرب
....................سافر ودمعي فوق الاوجان سالي
ابوي ناصر ياعسى وضعك بخير
......................عساك باضرار المرض ماتبالي
ابوي ناصر ذايع الصيت والطيب
...........................مدت يدينه تقلب المر حالــي
ابوي ناصر يشكي الضيم هاليوم
........................دعواتكم ياهل القلوب الوجالي
ويجيره اللي خالقه مايخلّيه
........................الشافي اللي بالسماوات عالي
يالله عسى دربه رياض وتساهيل
........................يالله عساه اليوم فرحن وسالي
اسألك يا رحمن انك تشافيه
...........................ياواحدن مالك شبيهن بحالي
يالله عسى ذنبه بهاليوم مغفور
......................ز..انت الغفور وقاصدك بابتهالي
من عقب ماراح السند غابت (أ)نجوم
..........................وساد الظلام واهلكتنا الليالي
ياقلب راح اللي تحبه وتغليه
.........................غصبن يسافر للعلاج ويحالي
ياشين حالي دونك اليوم يابوي
......................ماقدر اصور لك يبه اليوم حالي
لاداله فبعدك ولا القلب ناسيك
..........................دايم تصّور لي طيوفك فبالي
فرقا ابوي اليوم مابيه مابيه
......................اسكت وابكي ضيق حالي لحالي
وامي تناديلك عسا صوتك يجيب
......................وتشكي زمانن ابعد اليوم غالي
وامي تناديلك عسا الصوت توحيه
.............................تدعي الاهٍ مايرد السؤالي
واخواتي اللي كل يومن بطاريك
........................يرجون شوفك ياكريم السبالي
حتى حلالك يفقد اليوم صوتك
.......................ما الوم لو يبكي عليك الحلالي
ماجور ياللي بالمواقف نشاكيه
...........................ياللي تحت مدة يدينه ظلالي
ماجور ياللي وافياتٍ مساعيه
.....................وياجعل قلبك امن الاتعاس خالي
وختامها صلو على منبر الدين
.......................محمد المرسول من عند عالي
عداد زهرن نابتن وسط فيضه
..........................وعداد وبلٍ منتثر بانهمــالي


رحمك الله واسكنك فسيح جناته يا والدي


نواف بن ناصر الناصر
__________________[/align]

[صلاح الأحمدي]

.
.

فرقا ابوي اليوم مابيه مابيه
......................اسكت وابكي ضيق حالي لحالي
وامي تناديلك عسا صوتك يجيب
......................وتشكي زمانن ابعد اليوم غالي
وامي تناديلك عسا الصوت توحيه
.............................تدعي الاهٍ مايرد السؤالي
واخواتي اللي كل يومن بطاريك
........................يرجون شوفك ياكريم السبالي
حتى حلالك يفقد اليوم صوتك
.......................ما الوم لو يبكي عليك الحلالي
ماجور ياللي بالمواقف نشاكيه
...........................ياللي تحت مدة يدينه ظلالي
ماجور ياللي وافياتٍ مساعيه
.....................وياجعل قلبك امن الاتعاس خالي


اللهم صلِ وسلم على الحبيب

ماجور ان شاء الله

:

نواف الناصر


صحـ لسانك وقلبك .. مدد

قصيدة جميلة ورائعة

ابدعت

يعطيك الف عافية

تحيتي

.
.

[نواف الناصر]

استاذي صلاح الاحمدي

حياك الله اخوي

وصح بدنك يابعدي

نواف

[عنيد وحنوووووووون]

من عقب ماراح السند غابت (أ)نجوم
..........................وساد الظلام واهلكتنا الليالي

ياشين حالي دونك اليوم يابوي
......................ماقدر اصور لك يبه اليوم حالي

فرقا ابوي اليوم مابيه مابيه
......................اسكت وابكي ضيق حالي لحالي



حزنت وتأثرت كثيييييييييييير بهذه القصيدة


بما أن في هذا الشهر يكمل والدي السنة الثانية من وفاته


وقرأت قصيتدك وهي عن والدك


ماأقول غير الله يغفر لهم ويرحمه


ويسكنهم فسيح جناته


ويوسع عليهم وينور قبورهم


ويجعلهم في الفردوس الأعلى


كم تنميت أني شاعر لأكتب عنه دواوين لكم مافي اليد حيله


صح لسانك


تحياتي

[سـعـد الحويماني]

الله يرحمه ويرحم اموات المسلمين

معبره يالغالي

احتلرامي

[محمد الدغيري]

لك مني كل الود

صح لـ سانكـ

وبيض الله وجهكـ


تحيه عطره

[فالح المصعوك الغنّامي]

اخوي نواف الناصــر

الله ياجركم في مصابكم

ويرحم والدك رحمة واسعه

ويسكنه فسيح جناته..

وهذا مصيرٍ كلنا له بدون استثناء

اسأل الله ان يلهمكم الصبر

تحياتي القلبيه لك اخوي الغالي

[نواف الناصر]

من عقب ماراح السند غابت (أ)نجوم
..........................وساد الظلام واهلكتنا الليالي

ياشين حالي دونك اليوم يابوي
......................ماقدر اصور لك يبه اليوم حالي

فرقا ابوي اليوم مابيه مابيه
......................اسكت وابكي ضيق حالي لحالي



حزنت وتأثرت كثيييييييييييير بهذه القصيدة


بما أن في هذا الشهر يكمل والدي السنة الثانية من وفاته


وقرأت قصيتدك وهي عن والدك


ماأقول غير الله يغفر لهم ويرحمه


ويسكنهم فسيح جناته


ويوسع عليهم وينور قبورهم


ويجعلهم في الفردوس الأعلى


كم تنميت أني شاعر لأكتب عنه دواوين لكم مافي اليد حيله


صح لسانك


تحياتي

اخوي عنيد

ياهلا فيك اخي الكريم

وكم اتشرف بك يابعد حيي

مرورك مكسب لي والله يرحمهم اجمعين

ياحي ياقيوم

[نواف الناصر]

شاعرنا سعد الحويماني

صح بدنك

وجزاك الله الف خير

جعلك ماتفقد غالي

[نواف الناصر]

استاذي محمد الدغيري

حياك الله يا الغالي

صح بدنك

وجزاك الله الف خير

لاهنت

[نواف الناصر]

اخوي فالح الغنامي

ياهلا فيك اخوي

وصح بدنك

جزاك الله الف خير وجعلك ماتفقد غالي

مغليك/

[مسلط المغيري]

نواف



صح لسانك


ورحم الله والدك



متابع لك

[نواف الناصر]

اخوي مسلط

حياك الله يابعد حيي

كم اتشرف بك وبمرورك

دمت بخير

وجزاك الله خير

صح بدنك

[مشاعر حالمه]

نواف الناصر

اتشرف بمصافحتها ثانيه

ورحم الله والدك واسكنه فسيح جناته

صح السانك مليون ولاتهون

تحيتي لك / مشاعرحالمه

[نواف الناصر]

شاعرتنا

مشاعر حالمه

حياتس الله اخيتي

وصح بدنك

جزاك الله خير