[align=center]السلام عليكم ورحمة الله
اخواني اخواتي
يسرني اجابة دعوة اخي الشاعر عبدالناصر العالي والانضمام لكم
مصافحه متواضعه لا تصل الى مستوى اقلامكم المميزه
اقبلوها مني[/align]
[poem=font="Simplified Arabic,5,burlywood,bold,italic" bkcolor="darkblue" bkimage="" border="groove,4,darkred" type=2 line=0 align=center use=ex num="0,black"]
من كثر ماعندي هموم وتفاكيـر=عجزت لاكتب في شهر لي قصيده
عجزت افسر كايدالوضع تفسيـر=مثل الذي في عجته ضاع صيـده
واليوم راح العام بالشر والخيـر=وتو مابتدا التقويم صفحه جديده
وجنك بنات افكار فكري مصاديـر=والشعر عندي اليوم فكيت قيـده
ياصاحبي وشفيك طبعك معي غير=وشهو الذي ماجاك وانته تريـده
ياصاحبي ماجاك في الحق تقصير=يومن حبـي تنقصـه ماتزيـده
اما لفعلك تعطـي اليـوم تبريـر=ولا تـرا رجـواك منـي بعيـده
اما سمحت وقلت ياصاحبي خير=ولا انتهينا جتـك جملـه مفيـده
ماقول انا جساس ولاسالم الزيـر=انا الذي لا قلت قولـي ماعيـده [/poem]