[align=center]--------------------------------------------------------------------------------
حكايتي مع الزير
مراحب ياحلوين
اليوم برويلكم قصتي المأساويه وان شالله ماكون ثقيله عليكم
هذا طال عمركم قبل فتره ماهي بطويله
كنت نايمه وجاني هاتف بالحلم يقلي
((انتي لسه نايمه ..فزي على حيلك وجيبي ورقه وقلم وسوي اللي اقلك عليه)) :افكر:
قلت طيب طيب لا تصارخ بجيب
المهم
دونت كل اللي قال لي عليه
ولما صحيت اليوم الثاني قمت وجمعت كل الخرده اللي كانت بغرفتي
وقلت لبنت الجيران هاتي اي شي انتم ماتستعملوه اي خرده او اي شي
قالت ليه وش تبي تعملي فيهم
قلت يامال اللقافه مالك شغل جيبيهم وبس
<<<<<<((شحاذه وتتشرط))
المهم جمعت اشياء كثيره من بيتنا وبيوت الجيران اللي حواليناوجلست بالقبو حق البيت
وجبت مسامير وعده..وقعدت اطبق الوصفه اللي جتني
ويوم خلصت لاقيت اني مزينه مركبه فضائيه جنااااان :شاطر:
ونمت من كثر التعب والارهاق..الا ويجيني هالهاتف مره ثانيه يقول
يامال البلا انتي نايمه قومي فزي وشوفي ايش صار بالمركبه
قمت على طول ولاقيت نور ابيض يلوح فوق المركبه
وشدتني بشكل لا ارادي لداخلها
ومن غير ما احس طارت بي المركبه لزمن غير الزمن ومكان غير المكان
لاقيت نفسي بعصر قديم
شفت غدير وبنات جالسات يضحكو مع شاب معاه زجاجة نبيذ ويضحك بصوت عالي
المهم..يوم شافوني هربو واتخبو ورا الشجره
ولما طلعت من المركبه تقدم لي الشاب وقال:من انت ايها المخلوق الجميل
<<<<<<<<((تلمح انها حلوه))
قلت انا شهووده انت من
قال انا الزير سالم
وااااااااااو المركبه رجعتني لعهد الزير
قلتله السالفه وقام اخذني عند كليب
وكل ماحد يشوفني ونا ماشيه يستغرب من لبسي..بنطلون وقميص وطاقيه
المهم..حكيتلهم السالفه..ونط الزير اريد أن اركب هذا العصفور الكبير معكي
قلتله :اقول انثبر انت وشوشتك وين تروح وتترك قبيلتك ترا بيصير كذا وكذا وكذا
وسردتلهم ايش بيحصل من احداث التاريخ
قام الزير يقول :حلو لا رحت معاكي بيتغير التاريخ ومايموت كليب
قلت لا حول طيب بس بشرط..انك ماتشرب ابد ابد
قال حسنا ونا عند كلمتي ومسكلي على شواربه
ركبنا المركبه وطارت فينا
لما طلعنا شفنا نفسنا بوسط التايتنك ..قال ماهذا
<<عمره ماشاف سفينه كبيره
قلت واويلي حنا بالتايتنك ياثور قم خلنا نتمشى ونشوفها قبل لا تغرق
ونمر على أقسام السفينه..صراحه.رووووعه..وشف� � جاك وروز وكل ابطال التايتنك
وشوي تجي السفينه بتخبط قلت انت ياللي جالس تغازل البنات هناك ماهو وقته اركب لا بارك الله فيك الحين بنغرق
قال :لا عليك مني اذهبي واتركيني مع الجميلات..واقوم اشده من شوشته وادخله المركبه..وما امدانا نطير الا وغرقت التايتنك
قال:ماااااهذا كنت سأموت معهم
قلت ايه من طفاستك انت ووجهك ماتشبع ابد
ويقوم هالزير ويتلقف ويضغط زر من الازرار
وتدور بنا المركبه تدور ..تدور
وتوقعنا على غابه..قال حلو انا جوعان ..وهنا استطيع ان اصنع نبيذاً
قلت هاه يالدب حنا وش اتفقنا عليه..لا نبيذ ولا شي خلك عاقل احسن لك..ويالله نمشي ندور على شي ناكله
وما امدانا نبعد الا نوقع بشبكه كبيره..واجتمعو علينا الهنود الحمر
وربطونا على شجره يبو يحرقونا
طالعت على الزير بحقد وقلتله ياخي انت ربشه كله منك..يجيلك يوم ياشيخ
والهنود زي الهبل كل واحد فيهم يرقص ويتمايل وبيده شعلة نار
يبو لما يخلصو طقوسهم يعملونا دجاج مشوي
ولما جا واحد يحط النار علينا ونا اصيح ذاك الصوت ..اللي خلى كل الهنود يخافو ويهربو بسرعه
ابتسمت بقوه وقلت جبناء والله
التفت علي الزير وقال..ثكلتكي امكي يا فتاة انظري من قدم
ولا ديناصور ضخم جا صوبنا ويشيل الشجره اللي حنا مربوطين عليها واطيح انا والزير على الارض وهاتك ياهرب
والحمد لله مانتبه علينا هالوحش
واخر المتمه شفنا بيت حلو مره مره..قال الزير انا جوعان..لنذهب ونطرق هذا الباب عسى ان نجد عندهم ما نأكله
انت ماتفكر الا ببطنك يالدب يالله وامرنا لله..امش
وندق الباب وتطلع لنا عجوز طيبه قالت حمد لله على سلامتكم تفضلو
بيني وبينكم قلبي ماكان مطمن لهالعجوز من يوم قفلت علينا الباب بقوه وقالت الحمد لله عشاي زاهب اليوم
وجلستنا في غرفه..واطالع من خرم الباب واشوفها تجهز قدر كبير اسود وتحظر الكشنه وتسن السكينه
قلت يالدب خلنا نرجع لسفينتنا احسن لا تاكلنا هالعجوز
قمنا واكلنا الجدار انا وياه وهربنا لانه كان معمول من الفطير
ولما قربنا نوصل للسفينه قرر يرجع ابو كشه للعجوز
قلته يامال العمى بقلبك تبي تموت انت
قال..السيف الذي اعطاني اياه كليب مازال عندها ونا لن ابرح مكاني الا به
قلتله روح لحالك حبيبي انا ماني مستغنيه عن عمري والله
والله والأخ ماكذب خبر وراح
وطول ونا انتظره وقررت اروح بس هالمره اخذت معي عصا قويه وبف باف تحسبا
<< جبتهم علشان للصراصير
واروح القى العجوز حاطاه بالقدر وهو يبكي ويستغيث من حرارة المويه
قمت واخذت البف باف ورششته على عيونها وخبطها بالعصى على راسها وانقذته
قلت له..قوم يابابا قوم
انت شكلك رجال على الفاضي قوم يالله
وقام المسكين وهو يتلوى من الوجع...يستاهل
وركبنا المركبه وضغطت زر الرجوع ..ولاقى نفسي بالبيت الابيض بامريكا
وااااو عند بوش مره وحده
دخلت عليه المكتب شوي شوي
والاقاه جالس يسوي شي فضيع..شي مايليق برئيس جمهوريه..انا ماراح اتكلم شوفو انتم الصوره واحكمو
.
.
.
.
.
.
.
.
.
.
.
.
.
.
ولما شافنا قال انتم جايين تتجسسو علي بخلوتي وانا امارس هوايتي المفضله..اقبضو عليهم
ونا اسحب هالدب المنبهر من شوشته وهو جالس يلم زجاجات النبيذ
وقلت انت ماتتوب يالدلخ..ادخل راح تموتنا انت بغبائك..لابارك الله فيك
وضغطت على الزر ورجعنا لمضاربه
و لاقينا الدنيا حايسه وكليب ذبح والحاله فوضه
قلت له..شوف انت واحد لبشه
ومن خرج من داره اتقل مقداره..خلك هنا احسن لك
ورجعت للمركبه ولبيتي
وقمت كسرت المركبه باللي فيها
وقلت انا من يوم شفتك ماجاني منك الا المصايب روحي لا بارك الله فيكي روحه بلا رجعه
وارجع لغرفتي واسمع ان راشد منزل شريطه الجديد
ابعد عن الشر ياعمري وغنيله
قلت ايه والله ياراشد صدقت
والحمد لله من يومها ماجاني لا هاتف ولا تلفزيون حتى
وسلامتكم
طولت عليكم عارفه
بس امانه شو رايكم مو حلوه
محبتي[/align]
رد مع اقتباس
المشاركة الأصلية كتبت بواسطة سعود
