[align=center]صلوا على سيدنا محمد شفيعنا يوم الحشر اللهم صلي وسلم عليه [/align]
[frame="7 80"][poem=font="Arabic Transparent,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
كشوف الزمن
يا هجوسي ليا من المساء لف شاله=حول روس الجبال وكل ديرة سترها
والقمر باشر السهران وأرخاء دلاله=في عيون(ن) ترنح من زمان(ن) قهرها
غردي وإنصفي خاطر مسرح حلاله=في وجيه(ن) على القالات يربا بطرها
مرجعي في فتاوي الوقت وحي الشكاله=تجرت(ن) "يا علي" ما كل شارب تجرها
تجرة(ن) ما بها عربون ولا دلاله=كاشها الفعل والأعماق جاء من سبرها
حسبة(ن) والحساب يشب مثل السلاله=والجمل مبتدها ينفهم من خبرها
كسوتي لا إكتسى الجاهل بزايد رياله=وأعتلا القمه إلي في حلومه نضرها
قام يهرف لجمهوره ويسرد خصاله=كنه إلي صفا الناموس بيده عصرها
ما دراء إن المكارم والشرف والجماله=ورثة(ن) للولد من قسمة(ن) ما حضرها
جته من شرق عمه . جته من غرب خاله=جت على إثنين والثالث خذا مختصرها
مطلق(ن) جاء بفعله واليمين ونضاله=إن ضرب ميز المضراب وأدما نحرها
ما عشق فتنة الحاضر وعدد خصاله=المواقف بعد موته ينور بصرها
ما بغى يتصف بالغير لحظة كماله=قال أبي يوصف بي بعد موتي دهرها
وإسمع إلي طموحه ما تعدا ضلاله=سيرته في المجالس كل ليلة نشرها
بالسوالف يضيع مرزقه راس ماله=شمر إيده لكان وقام ينهش ضهرها
ما عرف للمفازه هلك واهلك جماله=واحة العز حوله ما تفيا شجرها
يسقط إسمه من إكشوف الزمن والثماله=تبغي إلي يجدد عمرها ويعمرها
عاش يومه ولا ورث لتالي عياله=غير في جمعة العميان يحمد عورها
محمد بن دوشان
اخو سلمى
[/poem][/frame]
رد مع اقتباس
[/align]
المشاركة الأصلية كتبت بواسطة مهدي بن مسفر بن عليان
[/align]
