[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
بفرانكفورت أمسيت والفكر مزعـوج= وعيت هجوسي يابن عمـي تروقـي
سافرت أدور راحـة البـال وادوج =ورجعت وهمومي بداخـل خفوقـي
تأخذني الدنيا علـي كـف مرجـوج =مره تجـي تحتـي ومـرات فوقـي
أغوص في بحر تلاطم بـه المـوج =ومعاد أعرف شفوقهـا والشروقـي
عجزت لاعدل زماني عـن العـوج =حاولت في شتى الطـرق والطروقـي
يضيق صدري صح قد ضاقت فجوج =واصبر علي الصكات واخذ حقوقـي
أسج رجلي للعـلا واتـرك البـوج =وعز نفسي عـن خطـات السلوقـي
يالله ياللـي خالـق الكـون ببـروج= محصي عددها وعالمـا بالصدوقـي
أشكي عليك الحال من حب عمهـوج= نجديتـن فيهـا القصايـد تلـوقـي
قلبي عقب فرقاه والله مخلـوج =حبه سكـن فـي داخلـي بمعلوقـي
درب الهوي للناس سنـه ومنهـوج =وهو غايتي ومناي حبـي وشوقـي
فيه الحلا والنور مـا خالطـه روج =سبحان من سـوي جمالـه فروقـي
الشعر لعيونـه يجـي دوم منسـوج =والشعر باسبابـه بداخـل عروقـي
أمسك عنان الشعر بخطام وسـروج =وأعسف بنات الشعـر علـه يفوقـي
من شانها كن القصايد تجـي فـوج =ياكثرها لـو هـي تسمـع طروقـي
أكتب لها الاشعار مـن دون منتـوج =وياليتهـا تـدري بحبـي وعوقـي[/poem]