:
:
[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامغيّر أحبابه بخلان وأصحاب= عادي اذا حبيت يازين عادي
لكنّ لاتلبس معي ثوب الاحباب=دام النوايا تكتسي بالرمادي
لاملحقك شرهه ولاجايك عتاب=ولاني بمن ربع ٍ تحب الجهادي
شرهتك لو نياف ناقشك الاسباب=وشرهتك لو نعلن عليك الحدادي
من غير حلف ودين ياعذب الانياب=جتنا دلايلهابعلم ٍ وكادي
لانيب لاجاهل ولاني بلعاب=حتى تمشيها على غير قادي
دام انكشف مستورها بين الاغراب=بحسب حساب البيض قبل السوادي
ولاني بمتحسف ولاني بمرتاب=الزين واجد والليالي جدادي
نلقى العوض في سيد تلعات الارقاب=بنت الشرف ما دخلوها المزادي
ولاطبت الدسكو ولا لبست الكاب=ولا سولفت مع كل واوي وغادي
توه على اول طلعته حسن واداب=ماله ومال مجمعات الدوادي
وانته عليك تشوف غيري لك احباب=مثّلْ عليه الدور وانته جمادي
أعطه مشاعر زايفه زيده أكذاب=قله وقله كم شدى فيك شادي
خله يبادلك المشاعر والاعجاب=وتبي تحسف عند جني الحصادي[/poem]