بسم الله والصلاه والسلام على رسول الله
متواضعه من الارشيف اقدمها لكم للتواصل فقط عسى ان تحوز على رضاكم ..
منزل الاحباب
[poem=font="Simplified Arabic,5,blue,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
يامنزل الاحباب مسيت بالخير = بالقلب علا عالي الشان منزلك
والله لو عنك حدتني المقادير = لاتحسب اني مع قسى وقتي ازهلك
اقطع على شانك طوال المشاوير= واسوق رجلي لاجل خاطرك واصلك
من حيث لك حشمه وقيمه وتقدير= غلاك مالكني وانا للغلا ملك
ابحث لاجل مرة ديارك معاذير = يقتادني لك من سلوك الغلا سلك
تطري علي واجيك من غير تفكير= لين آقف بجالك واقوم اتآملك
آطا على شانك وادوس المحاذير= لو بدلوني عنك ماني مبدلك
ناسي يلوموني وانا آعدهم بخير = ويكثر علي ملامهم كل ما ادهلك
مالي بهم لو زادو بلومهم مير = من لا يعرفك قالوا الناس يجهلك
عساك من غر المزون المزابير = وبل الحيا يسقى جنابك ويغسلك
تاخذ ثلاثه والمسايل محادير = حتى يجرح حدو سيله مسايلك
بعد ثلاث ليا فياضك مخاضير = لون الخضار احيا رسومك وعزلك
وبعد ثلاث وفيك كن النواوير = ميدان عرض الوان جا في تشكلك
يامنزل (ن) لك في خفى القلب تأثير = الله بعيني لو تشاين مجملك
من ذكرياتي كلها فيك شي غير = غلاك ثابت من غلا ايامنا تلك
سبب غلاي ان كان مطلوب تبرير = اغليك يارمز الغلا من غلا اهلك [/poem]
وسلاااااااااااااامتكم