[poem=font="Simplified Arabic,6,black,normal,normal" bkcolor="orange" bkimage="" border="double,6,gray" type=0 line=0 align=center use=ex num="0,black"]
(بسم الله المعز المتكبر جلّ شانه)
*****************
الشرهـه ...الليل ...وهمسات دمع
من هنا اهدي نزفي لذائقتكم
*****************
زحـمـة الـشــرهـــه
*****************
الصبح بيدينه فهق قـذلة اللــيــل
عن الحدايق والمطر والسرايا
***************
يقطف من النعناع وينــادم الخيـــل
من نص اساطيره يسوق المـطايا
***************
يشبه كنوز الجن لاشـــع قنديــــــل
برّاقه استـوطن قـلــوب وقــرايـا
****************
وانا اعذب اشعاري لها البن والهيل
والبرد وانفاسي وعوج الحـنايـا
*****************
اخـلصت لحساسـي وسقت الفنـاجيل
للهـمسه اللي تستحـيهـا الشـفـايــا
*****************
والبدو لقالو العـزا فــــ المـقابيل
بعض العزا ماله عزا فـــ البرايا
******************
اقتــات من خبز اغترابي مواويــل
وانسج على جيد المعاني عزايــا
******************
وان روّحت تأويل وان جـت تأويـل
فكرة قـصيدي كونها هـو مدايــــا
******************
جغرفت من قاف القصيده مداهيل
وحروفي الثكلى بجرحي عـرايـا
******************
تســبح بتيار الشــقا والغرابــيـل
وتخيط في طهري بصدق النـوايـا
*******************
مانلتقي لو يلتقي الجدي وسـهيل
انا وحظــي ياســراب الـعـطايـــا
*******************
حاولت ياما والمنافي تساهيل
تفتح لي ابواب الرحيل الزرايا
*******************
والنزوّه اللي شلشلت بالمخاييل
ماعشوشبة غير القفار الضمايا
*******************
كذبه وتكبر في محيط المهابيل
مثل انعكاس النور عبر المرايا
*******************
والدمعه اللي همهمة للمنـاديـــل
في زحمــة الشرهـه تقود السرايا
*******************
مع امنياتي لكم بقراءه ممتعه ،
محبكم / متعب محمد بن زبار بن حشيان[/poem]
رد مع اقتباس
