للعزوبيه فقط... لا اشوف الحريم

[العجراء]

خلال هاليومين اللي زلت يعني اللي راحت قعدت اجمع حروف لين كونت سؤال الا وهو ...

سؤال لكل عزوبي .. يتسدح بالملحق ؟

هل تنام على بطنك ؟ او تخم الوسادة بالليل ؟ او تعفس الكنب وتعضه وتسعبل عليه وانت نايم .. او تنام في الشوارع كأنك قطو .. او تنام على الكنب وانت تقرأ الجريده ، او تنام ويطلع سرك ستر الله سرك.

إذا كانت الاجابة بنعم فإن كل هذه اعراض لرغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد لك :
" الله لا يبارك في الساعة اللي جبنا فيها شغاله ".

.
لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه ..
مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني .


اولاً : مرحلة ما قبل الزواج :

كيف تعرف انك استويت عزيزي الشاب وحان قطافك من بنت الحلال :


أ: علامات الرغبة في الزواج عند الشاب :

1 - إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس ) >>>> التقسيط متاح بدون كفيل في مؤسسة مباري للعرس على النوته

كذلك إذا صرت تتابع الفيديو كليب وتهج اثمك ولو يناديك ابوك ما ترد عليه.

2– إذا بديت تقول يا زين بيروت والـ إل بي سي والمستقبل ؟ فاعلم اخي انك لو انتظرت سنتين ستصدّي صواميل ظهرك وتصير بلا مستقبل.

3– إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون نعناعه ) فاعرف انك على مشارف انك تكون ( شبهه) وشهار ما يقبلك ولا منتسب .

7 – إذا بديت تعطّر بعطور نسائيه وتقول ما فيها شيء ( العطورات ليست حكرا على احد ) .. فاعرف انك بديت ( تخق ) لذلك اكرب عمرك واعرس.


ثانيا : اثناء الخطبة :

1 – انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.

لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) بوجيه المصلين كأنك تدور اخوانك.<<<< ما احب هالحركه.

2 – لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم لأن الخطيبة مصيرها تعرف ان السياره مو سيارتك وبالتالي تطيح من عينها .. بكيفها ..

3 - اثناء الشوفه لا تستحي ابدا وان قالوا شيء .. قل لهم حديث الرسول صلى الله عليه وسلم " فلينظر اليها وتنظر اليه فأنه احرى ان يؤدم بينهما "
وكما قال الشاعر ( لسان الفتى نصف ونصف فؤاده ,,,,,,,, فلم يبق الا صورة اللحم والدمِ ) <<<< يضيع مع اللحم في الضحايا خصوصاً الكبدة يا بعد كبدي.. لا يرووووووووووح بالكم بعيد.

4- في الخطبة ان صار فيه مكالمات بعد ما يوافقون عليك .. فلا تصير لصقه وعلة وريد كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟ وش تسوين ؟ انت على السرير وإلا في المقلط ؟ << يخرب بيت السؤال ؟

5 - لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله .. لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( عصير تكرونيه عند الحرم )..

كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال .. فيصير بيتك كأنه ( حراج ابن قاسم ) من كل بحر قطره. فتصير مثل اللي بيتهم طين وعندهم ( رولز رويس ).

6 – اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا .. مو تصير حبيّب بالخطبة ومشاكل بعد الملكة.



ثالثا : ليلة الزواج :

ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي
ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام .. صدقني راح تقول البنت إللي هذا اوله ينعاف تاليه
.. فلنفرض انك قمت من الكوشه !!!!
بعد ما تخلص هل بترجع وتجلس مع العروس مره ثانية ؟؟
وإلا بتطلع من هناك ؟
بالعربي .. انت بتبلش بلشة ما بعدها بلشة

أما إذا رجعت بيقولون الحريم ( جاه بلاوي) اجل إذا راحوا الشقة بلحالهم وش بيسوي هالخواف.؟
فتصير علك في فم الرايح والجاي وملطشه للصغير والكبير. وياويلك لو صرت علك في فم الحريم بتصير حديث المدينة

2 – ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت. <<<<<<< وش دراك؟

3 - خلك ذوق واسحب يد البنت وحطها على ( القير حق السياره ) وحط يدك فوقها ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي ) بعدين تصدم باشاره >>> لاحقين خير ان شاء الله .. لا تتصربع الله يطامنك باسمه..

4 - إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ما تدخلون ( ارقع ) ذيك الزغروته اللي تهز اركان البيت .. ثبت الله اركانك .

رابعا ً : سواليف ليلة العرس :

الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :

–1 انتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير ( كخا ).
2 – انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري .. الله ياخذ ابليسك انت وامك لا هالحين ادخل وامغطك بالعقال <<<<<<<< يعصب احيانا بدون سبب مقنع .. ما عليه رجعت طبيعي .. نكمل ..

مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ، ممكن تأجل الموضوع لليلة اخرى.

3 – امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه | ..
حتى لو كنت ( كمخه وشينة ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون ( الكذاب الصادق ) .. فهذا من شأنه انه يحسس المدام انها جميله بعينك ، ويرفع روحها المعنوية ، ويخليها تهضمك يا ابو كوع ( بني )<<< مفروك لين قال بس فتغير من اسود الى بني .

4 – انبته ثم انتبه انك تصير عاطفي او تخق ومن اول ليلة تقول للبنت ( بصراحه انا احبك وميت فيك ) .. لانها مؤكد انها مو مصدقتك ( ما امدى بسم الله تحبها ).
بصراحه كثير من الشباب محروم من ( كل شيء ) <<< وافهموها .. عاطفيا و... و . واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : آآآه الله لا يحرمني منك ، احبك احبك احبك .. ويمكن بعد اسبوع اكرهك اكرهك اكرهك.>>> يااااي .

5- خلك ثقل وخلي سلوكك هو اللي يقول للبنت اني احبك مو اساليب ( قردنه ) احبك بعدين تقول لها ( وش رايك نلعب عريس وعروسه )؟ ترى هالحركات ما تمشي على البنات التاليات .

معاني الكلمات :

قردنه : محاولة اقناع جاده يتخللها وضع اليد على الكتف مع تــنــزيل الرأس وكأنك بتقول سر للطرف الآخر مع الاتجاه ( لقرنة ) الغرفه.

خامسا : ملابس ليلة العرس

1 - بعد ما تفسخ ثوبك وشماغك وعقالك .. تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه ) تنظفوا ( ابتل ) اعلمكم ... همااااه ؟

بعد الانتهاء انتبه تلبس ملابس تظهر مفاتنك .. مثلا تجي بلبس داخلي وفانيلة علاقي وتصير كأنك من ذولاك المصاريه اللي اسود وابيض ويتطببون على المسبح في النادي من جماعة ( هاااااااااااااااااي شله )..

2 - انتبه تصير قروي وتلبس سروال ابو حبل ذاك اللي يخليك كأنك بقره رايحين يبيعونها ، او بيجامة نوم مخططه فتصير كأنك ( ,,,,,,,,,,,,,,,,,,,,,,,,,,,,,,,, وحش ) يتكلم عربي.

اختر اللبس المناسب لجسمك ..
مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام..
وفاجأها في الصباحية .
إذا كنت سمين البس ملابس فضفاضة شورت وفانيلة X X X L <<<< انتبه ترى ما اقصد القناة .


3 – للإحاطة فإن قمصان النوم النسائية ناعمه.. انتبه يسول لك ابليس وتقول ( اففف البنت خربانه ) .. من هالحين لبست كذا؟؟
ترى الموضة كذاااااا وتطوروا عجزت اعلّم فيكم .

إذا لبست لك المدام ( قميص نوم راااايق ) ترى مو معناهاااا ( طب عليّ ) .. خلك ثقيل وإلا جيت هالحين أربط ثقالات برجليك.

ترى سمعت بقصه ان واحد طلق الزوجه ليلة الزواج بعد ما شافها لبست له ( لبس نعومي زيادة).. قال العم : اكيد انها سيئه؟ وحركاتها ما ني متطمن لها << طيب يا كولومبو. <<<<< احتمت ( كبدي ) يوم سمع القصة من القهر .

سادساً : الخطة المحبوكه للقاء الحميمي :

1 - حذاري ثم حذاري وهذاني اقول لك ( حذاري ) .. تتحرش بالبنت ,,,,*يا حتى لو كانت زوجتك .. فكما يقال ( احذر ان تبدأ حياتك الزوجيه بحادث اغتصاب ).
لان البنت مو معنى انها صارت زوجتك وكتبت هالوريقه يعني انها فصخت الحياء وتبيها تصير لعبة بين ايديك .

2 - اجعل بداية حياتك الزوجيه قصة رومانسية متعددة الفصول .. ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت امسك يدها ولا تتعدى لاشياء اخرى .. عسى يدك الكسر ( ممدين ) همااااه .

3 - اليوم الثاني انتبه تستقبل أية زيارات من الاهل .. او من اهلها .. واعزمها في مطعم راقِ ولا تجلس تجرجر بالبارتشنز وتقعد تناظر فيه فتحه صغيره مع هالجهه او مع ذيك .. وتسدد فيها وتصير كأنك مهندس ( صنادق حمام ).
اركد وخلك طبيعي وإلا قالت البنت وش ( هالعومه ).

4 - في ليلة اليوم التالي غالبا يكون فيه عشاء عند اهل الولد تعشوا واطلعوا ورح انت وياهااا ( كوفي شوب ) وانتبه تقرأ الجرايد او المجلات , وعطها وقتك كله.

5 – اليوم الثالث :
حاول تسافر بها عمره بعدين ودها مدينة جده (( لسكان المملكة العربية السعودية )) .. او مدينة اخرى لسكان الخليج .. او ( لقريح وابو زنه لباقي الدول ).

6 - اللقاء الحميمي لا يمكن تحديد الوقت المناسب له .. بل يعتمد على الظروف والمتغيرات والتي لا يمكن ان اعرفها فأنت الذي في ارض المعركه ، فحدد أنت ؟ لانه لا يمكن يجي احد يحارب عنك .
واللي ما يجي اليوم .. يجي بكرا .


كني اشوووف بنات تقراء انا وش قلت هاه......


اضحكو شوي ... وبس

[ندى الحروف]

" فلينظر اليها وتنظر اليه فأنه احرى ان يؤدم بينهما "

بس بدون تفصيـل :مزون:

و الله موضوعك يطول و يطول .. و اترك تعليقه لأصحابه..
لكن سؤال اشرافي مُلح.. < مو تعمل زي بعض الناس و تقرأها ملح عكس السكر :مزون:

أنت كاتب الموضوع بيدك و لا ناقله؟

و تنبيـــــــــــه للي بيردوووو..
أنتبهوا من كــــــــــــــلامكـم و لا تزودوهــــــــــا عن حدهـا

[ندى الحروف]

للمعلـــــــــــــــــــو ميـة و الفائـدة..
في الشوفـة على قولتك .. لها شروط ..
النظر في موضعه ..الوجـه الكف القدم الرأس..
و أن ينظر اليها بدون شهوة أو تلذذ..
و أن يكون معها محرم..
و أن يغلب على ظنه أنها اذا طلبها اجابته فان لم يغلب هذا على ظنه لا يراها قبل الزواج ..

و هذه الفتـوى :مزون:

السؤال : جزاكم الله خيرا ما هو اللباس الذي تظهر به المرأة المسلمة أمام خطيبها والتي عقد عليها وهل يجوز أن تلبس لباس زينة أمامه؟

الجواب :أما التي عقد عليها فلها أن تلبس لباس الزينة أمام زوجها وأن تتطيب أما بالنسبة للمخطوبة قبل العقد فإن المخطوبة قبل العقد أجنبية من الرجل كالمرأة التي لم يخطبها لكن من أجل المصلحة العظيمة أذن الشرع للخاطب أن يرى من المرأة ما يدعوه إلى نكاحها والرغبة العظيمة من أجل المصلحة العظيمة التي تترتب على ذلك فإن النبي صلى الله عليه وسلم قال إن ذلك أحرى أن يؤدم بينهما أي أن يؤلف بينهما وتحصل المحبة والاجتماع فينظر إلى الوجه وإلى الشعر وإلى الكفين وإلى القدمين ولكن لا تخرج إليه خالية به بل لابد أن يكون عندها محرم أو أمها مثلاً ولا تخرج إليه متجملة بل تخرج بثيابها العادية ولا تخرج إليه متطيبة لأنها أجنبية منه ولا تخرج إليه متمكيجة متزينة بكحل أو غيره لأنها حتى الآن لم تكن زوجته فهي أجنبية منه ثم إنها لو تبهت له بمكياج أو محمر أو كحل لرآها لأول وهله وكأنها من أجمل النساء ثم عند الدخول تتغير نظرته إليها فيكون عنده رد فعل والخلاصة أن الإنسان إذا عقد على امرأة فهي زوجته تخرج إليه متجملة ويخرج بها ويستمتع بها إلا في الجماع فيه التفصيل الذي ذكرناه آنفاً وأما إذا كانت مجردة خطبة فإنه لا ينظر إلا إلى ما يظهر غالباً وما يدعوه إلى التقدم إلى نكاحها وهو الوجه والرأس والكفان والقدمان ولا تخرج إليه متبرجة ولا متطيبة ولا يخلو بها.

فضيلة الشيخ ابن عثيمين

[ندى الحروف]

للمعلـوميـه و الافاده..
عن حكـم مكالمة الخطيب لخطيبته قبل الزواج عبر الهاتف :مزون:

نص السؤال مكالمة الخطيب لخطيبته عبر الهاتف؛ هل هي جائزة شرعًا أم لا‏؟‏

نص الإجابة مكالمة الخطيب لخطيبته عبر الهاتف لا بأس به ، إذا كان بعد الاستجابة له وكان الكلام من أجل المفاهمة وبقدر الحاجة وليس فيه فتنة وكون ذلك عن طريق وليها أتم وأبعد عن الريبة‏‏ ، أما المكالمات التي تجري بين الرجال والنساء وبين الشباب والشابات وهم لم تجر بينهم خطبة وإنما من أجل التعارف كما يسمونه ، فهذا منكر ومحرم ومدعاة إلى الفتنة والوقوع في الفاحشة‏‏ ، يقول الله تعالى‏‏ : ‏( ‏فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا ) ‏[‏الأحزاب : 32‏]‏ ، فالمرأة لا تكلم الرجل الأجنبي إلا لحاجة وبكلام معروف لا فتنة فيه ولا ريبة‏‏ ، وقد نص العلماء على أن المرأة المحرمة تلبي ولا ترفع صوتها‏‏ ، وفي الحديث‏‏ :‏ « ‏إذا أنابكم شيء في صلاتكم فلتسبح الرجال ولتصفق النساء » ‏[‏‏صحيح البخاري‏ ‏]‏‏‏ مما يدل على أن المرأة لا تسمع صوتها الرجال إلا في الأحوال التي تحتاج فيها إلى مخاطبتهم مع الحياء والحشمة .‏

فضيلة الشيخ صالح بن فوزان بن عبد الله الفوزان

[TαlαL]

هل تنام على بطنك ؟ او تخم الوسادة بالليل ؟ او تعفس الكنب وتعضه وتسعبل عليه وانت نايم .. او تنام في الشوارع كأنك قطو .. او تنام على الكنب وانت تقرأ الجريده ، او تنام ويطلع سرك ستر الله سرك.

اخم الوساده وصارت تشتكي من كثر مالعن جدها وانا نايم

وانام باي مكان ياستراحه بالخيمه بالحوش بالدوانيه بالغرفه << ماوراه

حرمه تسأل عنه ياحرام ويسكرون عليه الباب باليل ويدق تلفون

ماحد يرد عليه

إذا كانت الاجابة بنعم فإن كل هذه اعراض لرغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد لك :
" الله لا يبارك في الساعة اللي جبنا فيها شغاله ".

ههههههههههههههههههههههههه هههههههههههههههههههههههه

هههههههههههههههههههههه ويقول ليت امك طموح ذاك اليوم او ليتهم رقدوا :مزون:

- إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال

<<< مارته هالاعراض لا وبعد بادي يكتب شعر يعني الحق

الشايب واقوله ابي اعرس طيب وان سطني بخمس وقالي

انت وجه عرس ياورع وش اقوله

2

– إذا بديت تقول يا زين بيروت والـ إل بي سي والمستقبل ؟ فاعلم اخي انك لو انتظرت سنتين ستصدّي صواميل ظهرك وتصير بلا مستقبل

ههههههههههههههههههههه مو تصدي وبس الا تتحلل وتصبح كسير الحال

لاحول لك ولاقوه خصوصاٌ اذا عندك شوتايم الله لايبلا :icon_mrgr

1 – انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.

كلام حلو

- لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله .. لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( عصير تكرونيه عند الحرم )..

ويمكن تقدمون ليلة الدخله :هاها:

بصراحه كثير من الشباب محروم من ( كل شيء ) <<< وافهموها .. عاطفيا و... و . واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : آآآه الله لا يحرمني منك ، احبك احبك احبك .. ويمكن بعد اسبوع اكرهك اكرهك اكرهك.>>> يااااي .

الضب ههههههههههههههههههههه ياخي اعذره بحياتوه ماشاف شي

حده فديو كليب او سيدي معطيه خويه ايضا ٌ فيه فديو كليب

او شايف شريط فديو مباراة البرازيل والرائد هههههههههههههههههههههه

العجراء

الله يسعدك اخوي دنيا واخره

وزجك الله بكراٌ حلوه ومدرسه بعد<<< رح وين راسك مدرسه :واو:

وتبقى مشاكل العزوبيه قائمتاٌ ليوم الدين

ولم يجد العلماء اي حل لهم هذه الفئه الي مرمطتها الحياه على كل جنب

هذه الفئه التي لاتجد من يهتم بها سوى العماله الاجنبيه

ان كان في غسيل ملابس اواكل او خدمه ذاتيه

العجراء ليه قلبت المواجع علينا :زعلان:

الله يسامحك روح

[العجراء]

هلابك طلو الحال من بعض ودي افلها معك لكن تدرى ندىورانا ورانا هي ومقصها عاد الحين رقوها واذتنا المشكله الموضوع هذا خاص للعزوبيه من العيره ولا زم الردود يكون فيها شوية دخلات وبحدود بشوف هي تسمح ولا دليتك على منتدى نزلت فيه الموضوع وبتنبسط

[TαlαL]

8
8
8

هههههههههههههههههههههههه

لي صدقت مشكله من صارت مشرفه وهي كبر راسها


:هاها: هي منهي ندى ولا غيرها<<< يتغيشم

لا ندى مشرفه حبوبه الله يخليها :مزون:



العجراء



<<<<< توه يكمل قرائة الموضوع

العجراء الله يسعدك والله موضوع متعوب عليه

مصطلحات اعجبتني

المغمصه

( حراج ابن قاسم ) << مار عليه هالسوق :بفكر: هو حول النسيم الشرقي << كانه مايعرفه

ههههههههههههههههههههههه

تفغيص

( لقرنة )

بعد تعال ارسلس المنتدى الي نزلته فيه

نفسي اضحك والله

يسلمك ربي ياغناتي

[][ عبدالعزيز ][]

ههههههههههههههههههههههههه ههههههههههههههههههههههههه ههههههه

ههههههههههههههههههههههههه ههههههههههههههههه

حشى ماصار عرس هذا

< فاطسسسسسسسس

3– إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون نعناعه ) فاعرف انك على مشارف انك تكون ( شبهه) وشهار ما يقبلك ولا منتسب .

ههههههههههههههههههههههههه هههههههههههههههههههه

متأثر بالدعايات انت خخخخخخخخخخخخخخخخخخخخخخخخ

ثالثا : ليلة الزواج :

ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي
ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام .. صدقني راح تقول البنت إللي هذا اوله ينعاف تاليه
.. فلنفرض انك قمت من الكوشه !!!!
بعد ما تخلص هل بترجع وتجلس مع العروس مره ثانية ؟؟
وإلا بتطلع من هناك ؟
بالعربي .. انت بتبلش بلشة ما بعدها بلشة

ههههههههههههههههههههههههه هههههههههههههههههههههههه

<< لازال فاطسسسس

هذا وجهي اذا شربت شاهي قبل العرس بأسبوع اجل خخخخخخخخخخخ

كلش الا هالمواقف

فاضين احرجات حنا هههههههههههههه



(( العجراء ))

الله يوسع صدرك ياااااااااارب ويسلمك ربي يارب ويسلم يمينك
على هالنصائح

[العجراء]

مرحبا طاقيه زري فيه حاجه ثانيه غير الشاهي انتبه منها وهي الكافور تراه مصيبه اربعين يوم وانت صائم بس مالك الا الشوف يتقطع قلبك وتصبصب عويناتك وتاليتها ترقد ويمكن بنت الناس تمل وتروح لهلها والمشكله ماينفع معه اي دواء يعني خراب مالطا اتمنالك زواج سعيد بدون مشاكل شاهي ولا كافور

[ندى الحروف]

يا اخواني اتكلموا براحتكم بس كمان بحدود احترامًا للحريم اللي بالمنتدى ..
:مزون:

[العجراء]

وداعا
وداعا فهذه اخر زيارة لي لهذا المنتدى واستروا ما واجهتوا فلن اكتب بعد اليوم في هذا المنتدى


الى كل عضو في هذا المنتدى وغيرهم

فكرةمنتهيه ولكن اتخذت قراري بنفسي فلن اكتب بعد اليوم في هذا المنتدى


حاولت ان أقلم نفسي معه ولكن للأسف

وقد قيل لا تصاحب من هو اعلى منك ولا تصاحب الا من هو مثلك

وسوف ابحث عن من هم مثلي لاعيش بفكري بينهم


وانا استبيح كل من اخطأت في حقه وبالتاكيد من غير قصدي مني

وداعااااااااااااااااااااا اااا

[TαlαL]

وداعا
وداعا فهذه اخر زيارة لي لهذا المنتدى واستروا ما واجهتوا فلن اكتب بعد اليوم في هذا المنتدى

العجراء تستهبل انت وشو الي وداعاٌ يالحبيب وماوجهنا غير الطيب يالغلا

ولكن اتخذت قراري بنفسي فلن اكتب بعد اليوم في هذا المنتدى

لا ان شاء الله انك بترجع تكتب وانت ماتشوف الدرب :مزون:

العجراء

راجع قرارك وانا اخوك وترى الوضع هنا في الغربله كله

مزوح تجي وتروح