كبسة فاهم الخاصه ..(للعزوبيه فقط)

[فاهم]

مساكم الله بالخير كلن باسمه


والله يا جماعة الخير اني مستحن منكم وانا اضيف ذا الموضوع
ما شالله اشوف الطبخات الللي عندي (بروستد ربيان )( ودجاج دكسي بالباربكيو )(وكعكة شوقلاطه) ومن هالاكلات الطيبه
فقلت يا ولد يا فاهم

وش انت تعرف تسوي
قلت والله اعرف ابربسلي كبسه بس انها تطلع ما عليها تنوكل :)


لذلك هذي نصيحه للشباب اللي ما يعرف يطبخ كبسه تعال اعلمك وشلون تنطبخ

1 - قطع الدجاج والا اللحم عاد انت وذوقك...و قطع بصل اللي الله يقدرك عليه يعني بصلتين ثلاث وان كانكم مجموعه واجده ست سبع (عاد انت قس ) وكثرة البصل مهيب تضر بس مهوب تملالي القدر بصل وتقعد الاذاك تدعي علي ...فانتبه


2 - احمسه في زيت الين ما تشوف انه احمر وبدا يتغير لون البصل ...

3- هالحين كبلك صلصه بالمقدار اللي تبي بس لا تكثر يعني علبه والا علبتين همن كب عليه الدجاج وزد عليه مويه الى ثلاث ارباع القدر تقريبا

4- حط ملح ولا تكثر يعني حط شوي وذق حط شوي وذق الين ما تطلع المرقه مالحه شوي ( يعني ما يصلح تنشرب مرق من زود الملوحه يعني ) ولا تكب الملح كب وحط مها بهارات وحركات وكل ما شفتا شين عندك في الدولاب كبه في الرز :)

5 - غط القدر واصبرله نص ساعه ان كانه دجاج وان كانه لحم الله يعينك على الصبر يعني اذا اوفيتلك ربع ساعه رح شف اللحمه هي لانت والا لا
عاد اذا صار حاشي اهيييييييه يبيلك تصبر صبر ايوب الين ما تستوي اللحمه :)

6- بعد كذا طلع الرز واغسله على مقدار الشخص (وغالبا اذا كانو كل الشله شباب كل شخص عن كاس ) وكب الرز على البرابيس اللي انت سويتها قبل شوي

7- اصبر للرز حدود ثلث ساعه وتكون النار عليه خفيفه اين ما يتشرب الرز المرق

8- جبلك ملاس وانسبلك في بلم (وااللي في الجدر يطلعه الملاس )<== على قول اخواننا الكويتيين

9- بعد ما غرفت الرز في بلم كله بالهنا والعافيه بس تكفى لا تدعي علي :)

[أبوعبدالرحمن]

فاهم الله يهديك

الحين قلت بتجيب لنا طريقه جديده

نبي لمسات فنية على الكبسة

هذي اللي قلته يسويه (مجيب) في الاستراحة عندي

لا وبعد يسوي حركه جديده يغطي القدر بمنشفة منتنه لو تشوفها عفت الاكل سنه

واحيان تحترق المنشفة من تحت ويطلع طعم المنشفة في الرز ( طبعاً اذا سمينا اللي يسويه رز)

[الأميرة الناعمة]

يسلمووووووووووو مراميرووووووووووووووو


طيب الكبسة هذه تصلح للعازبات


طبعا هي تصلح رضى او طيب :D


حثووووووووووووثة يمي يمي

[فاهم]

خخخخخخخخخخخخخخخخخخخخخخخخخ خخخخخخخخخخخخخخخخخخ
خخخخخخخخخخخخخخخخخخخخخخخخخ خخخخخخخخخخخخخخخخخخ
عشق ليل ياخيي والله بلاي مدري وش اسوي
لكن اوعدك في الطبخات الجايه اني ابعلمكم وشلون تسوون بيض عيون وصدقني راح تكون طبخة الموسم
الا يا عشق ليل ذا الهندي حقك يغطي دزدره بفوطتن مخنزه بس في الاخير شين يسمى كبسه اما ذا اللي انا كاتبه مدري وش يصنف ضمن اي نطاق من نطاق الطبخ:)
وتشكر يا حوووووبي


حساسه :
والله عاد شوفي هي على حسب ان كان جالتس خلق هاك اليوم واهلتس كانو بايعينها ولا لهم نفس يتغدون فسويلها لهم وصدقيني ما راح تندمين بس هم اكيد بيندمون :)
تحياتي لتس

[][*+عجــايب+*][]

الله عليك يا فاااااااااهم

ياهلا بالحامل والمحمول



هات القدر عنك خلني أغرف الرز

استريح ,, استريح ,,, شكلك تعبت وانت تسويها لنا

الله يعطيك العافية



تصدق عاد اني فرحت بهالمشاركة الحلوة منك بالمطبخ

وهالكبسة تساعد الشباب المبتدئ في الغربة عن أهله

>>> مثل اللي توهم ساكنين بسكن الجامعة مثلا أو توهم متعينين خارج ديرتهم

وناس كثير كثير راح يستفيدون منها >>> يعني لا يهمك كلام عشق ليل

ولا تخليه يأثر عليك ويحطمك ,,,, تراه شاطر بالتحطيم


قو قلبك واكتب لنا ولا تتردد

وإذا كانت الخطوط مشغولة فيرجى معاودة الاتصال رضاؤكم هدفنا>>>قلبت دعاية

المهم..

المهم ..

نورت المطبخ بقدومك

تحيااااااتي المقررررررررررمشة

أحلى شيفة عجيـــبــــكووووو|4|

[أمل عبدالعزيز]

يافاهم الغلط مهوب منك لا من أللى دلك على المطبخ

ولا لو ه العالم هنا تفهم كان فتحت لك مطبخ فى الغربلة

ثمن غربل أبو جد الكبسة

سؤال ولاتستحي يافاهي :

هل سبق وأن عزمت أبو قهر على كبسة مثل السابقة؟

ولو كانت إجابتك بيس = ايه فهل لازال حي؟ وهل نستطيع أن نعتبر هذا الأمر هو السبب الحقيقي فى كراهيتك؟

ياليت تفيدنا أفادك الله

وموضوعك هذا أعتبره أنا من أحس ماقيل فى الشعر والطبخ


سلاااااااااااااااام