(حكم حرفي + راح يزعل) 1x2 حصرياً

[فايز آل بذال]

[align=center]السلام عليكم

تحيه للجميع في غرابيل المحبه

أسعد الله أوقاتكم بكل خير

الكثير من الشعراء يحاول نكران ماضيه وبداياته

لدرجة أن بعضهم قد يتبرأمن قصائد البدايات

خصوصاً إذا كانت لاتوازي حاضره الشعري

رغم إن الشعر هو بالأصل تعلم في أغلبه وليس المرء يولد شاعراً

سبق ونشرت قصيدة شاعر الهيل الأولى حصرياً في غرابيل

وهنا قصيدتين هي الثانيه والثالثه على التوالي

آتيت بهما هنا كما كتبتها أول مره بلا تنقيح أو تلميع أو إضافه

وفاء لمرحلة البدايات التي هي الأجمل في مسيرة كل شاعر


( حكم حرفي + راح يزعل )


لكم حصرياً


حكم حرفي

.
.[/align][poem=font="Simplified Arabic,5,blue,normal,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
أنا لامن أسرت الحرف ما ذله=اناجيبه نجوم الليل واسريبه
ويطرالي وليف ٍ غاب وارسله=قصايد في هجيع الليل تهذيبه
عطر شرقي ليى جا الليل يحصله=شذا عطره يثير الكون وادريبه
مثل بلسم دوا للجرح ويدله=شفا قلب ٍ تزايد حيل تغريبه
أواسي به خليل ٍ راح عن خله=واسلي به خفوق ٍ نار تصليبه
واذا طفل ٍ بكى في ليل برحله=لجل عينه أسوق الحرف ما اخطيبه
وللمخطي أقول اخطيت واغفر له!!=عسى الزله تكون اسباب تهذيبه !!
أنا الفارس ورسن الخيل ماحله=على الظالم بكون اظلم بتعذيبه
حكم حرفي أكون السيف ويسله=أنا سيفه وهو لي خيل واغزيبه
كذا ليلي يطول الوقت ما مله=وذا شعري لقاله قاف يغري به[/poem]




[align=center]راح يزعل

.
.[/align]
[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
راح يزعل يوم شفته ليه ما اعطيته يميني=ما درى اني يوم شفته شفت روحي في يدينه
أرتبكت وقلت سترك لا أجيه ولا يجيني=ولا إني ما أجيه الا ذبيح لرمش عينه
يوم جاني وشفت زوله قلت لا والله يبيني=كنه الديان يمي جا يطالبني بدينه
مدري إن قصده يعاتب أو يحاول يحتويني=تسبق الكلمات سالت فوق خده دمعتينه
يوم سلم ( قلت والله ) قال بالله محتريني؟=عندها الدنيا بعيني دارت وويني ووينه
قلت لا بالله دخيلك يالهنوف لتسمعيني=غير يا ذيك النواعس وين درب رضاك وينه
ما عرفت اجمع كلامي وقتها قلت اسمعيني=ردت وقالت حبيبي أقبل بزينه و .......
قلت طالب منك خدمه طالبك ما تمنعيني= غير هذا النور كله ودي اقطف وردتينه
إسمحي لخلك يجيلك كان ما ودك تجيني= وافضحت خافي خجلها حمرة ٍ في وجنتينه
اندمجت بروح خلي واندمج برضاه فيني=التقينا وارتوينا وراح ما بيني وبينه[/poem]



[align=center]





وسلامتكم



شرايكم بداية إفلاس ؟ :icon_conf [/align]

[نايف عبدالله العتيبي]

وللمخطي أقول اخطيت واغفر له!!
عسى الزله تكون اسباب تهذيبه !!
أنا الفارس ورسن الخيـل ماحلـه
على الظالم بكون اظلـم بتعذيبـه

،
،

كذا ليلي يطول الوقـت مـا ملـه
وذا شعري لقاله قالف يغـري بـه << قالف شكله خطأ أملائي ^_^

،
،

راح يزعل

،

اندمجت بروح خلي واندمج برضـاه فينـي
التقينا وارتوينـا وراح مـا بينـي وبينـه


::


شاعر الهيل

فايز آل بذال

صح لسانك يا القرم حتى ترضى

تقبل مروري

أخوكـ

[علي عبدالرحمن الأسمري]

الغالي فايز البذال
صح لسانك ياغالي
وتشرفت بمرورك الكريم
تحيااااااتي

[محمد الشمراني]

فايز آل بذال



رائع من بداياتك

أطال الله عمرك

على الإبداع

بوح عذب

صح الله السانك

[عبدالناصرالعالي]

صح لسااااااااااانك

حاضرك وماضيك ومستقبلك كله جميل في نظرنا صح لسااانك ياشاعرنا

[أبوعبدالرحمن]

وللمخطي أقول اخطيت واغفر له!!
عسى الزله تكون اسباب تهذيبه !!
أنا الفارس ورسن الخيـل ماحلـه
على الظالم بكـون اظلـم بتعذيبـه
حكم حرفي أكون السيـف ويسلـه
أنا سيفه وهو لي خيـل واغزيبـه



لله درك يا شاعر الهيل


جزل ومبدع في كل نص اقرأه لك


صح قلبك وكلك


وسلمت اناملك

تحيتي لك

[نياف العتيبي]

شاعر الهيل


لاجديد نسخه الماضي .. نشاهدها فالحاااضر


ابداااااعك يعتبر حلقات متصله ..


وبالعكس القصايد الاوله كانت اصدق من قصائدنا الان


لانها تمثل واقع ملموس


اما الان يغلب الخيال على مانكتب


تبقى في عين اخيك مميز .. وبقلبه غااااالي


الناااايف

[مرزوق الغنامي]

فايز آل بذال

صح لسانك حتى ترضى

كل ماتكتب جميل


دمت ودام ابداعك

[احمد مناحي]

فايز آل بذال

يازينك كلك من بداياتك الى حاضرك وان شاء الله مستقبلك احسن وازين

وان شاءالله انه راح يكون احسن فشاعر من طراز فايز ليس لابداعه حد

صدقني قصايد بداياتك اطلق من حاضر شعراء كثير لهم صوله وجوله في الاعلام

تقبل مروري مع خالص ودي وتقديري

[مصلح الحربي]

شاعرية عذبة

متدفقّة و تستحق المتابعة

صح لسانك اخي الغالي فايز

وسلم بو حك على هذا التميز و الروعة


ارق التحايا القلبية

[صلاح الأحمدي]

شاعر الهيل

فايز آل بذال


صح لسانك وقلبك..

سلمت الانامل

يعطيك العافية
ودي وتقديري
.

[أمل عبدالعزيز]

,
,
,
الرائع بصدق / فايز آل بذّال

يوم جاني وشفت زوله قلت لا والله يبينـي
كنـه الديـان يمـي جـا يطالبنـي بدينـه
مدري إن قصده يعاتب أو يحاول يحتوينـي
تسبق الكلمات سالت فـوق خـده دمعتينـه
يوم سلم ( قلت والله ) قال بالله محترينـي؟
عندها الدنيا بعينـي دارت ووينـي ووينـه
قلت لا بالله دخيلـك يالهنـوف لتسمعينـي
غير يا ذيك النواعس وين درب رضاك وينه

ماشاء الله ....
هنا يكمن سر الإبداع
شاعر هذه بداياته في الشعر كيف سيكون مساره سوى التألق والرقيّ
بدايات جميلة للغاية ... صح لسانك ونبضك
دمت رائعاً ...

ولك تقديري

[خــــالـــــد]

[align=center]
فايز آل بذال
ـــــــــــــــــــــــــ ــــــ
الأصيل دايم أصيل

صح لسانك وقلبك

وبيض الله وجهك



لا هنت
ـــــــــــــــــــــــــ ــــــ
أخوكـ/خالد
[/align]

[وجــــدان]

الأخ الشاعر فايز البذال

ماشاء الله عليك يافايز شاعر من يومك
بصراحه القصيدتين أحلى من بعض وان كنت أشوف الثانيه أقوى
صح لسانك وقلبك وبالتوفيق
لاهنت

تحيتي لك

[ناهس بن ناحل]

راح يزعل يوم شفته ليه ما اعطيته يمينـي
ما درى اني يوم شفته شفت روحي في يدينه
أرتبكت وقلت سترك لا أجيـه ولا يجينـي
ولا إني ما أجيـه الا ذبيـح لرمـش عينـه
يوم جاني وشفت زوله قلت لا والله يبينـي
كنـه الديـان يمـي جـا يطالبنـي بدينـه
مدري إن قصده يعاتب أو يحاول يحتوينـي
تسبق الكلمات سالت فـوق خـده دمعتينـه
يوم سلم ( قلت والله ) قال بالله محترينـي؟
عندها الدنيا بعينـي دارت ووينـي ووينـه
قلت لا بالله دخيلـك يالهنـوف لتسمعينـي
غير يا ذيك النواعس وين درب رضاك وينه
ما عرفت اجمع كلامي وقتها قلت اسمعيني
ردت وقالت حبيبي أقبـل بزينـه و .......
قلت طالب منك خدمه طالبك مـا تمنعينـي
غير هذا النور كله ودي اقطـف وردتينـه
إسمحي لخلك يجيلك كان مـا ودك تجينـي
وافضحت خافي خجلها حمرة ٍ في وجنتينـه
اندمجت بروح خلي واندمج برضـاه فينـي
التقينـا وارتوينـا وراح مـا بينـي وبينـه

صح لسانك اخوي فايز قصيده رائعه بكل ماتعنيه هذه الكلمه