السلام عليكم ورحمة الله
كنت أرى أني لاملك
القدرة على الوصف
شعرت بعجزحروفي
وشعري يكابر ويحاول
فكانت بيني وبين شعري
كما هي
[blink][glow1=000000]العاجز[/glow1][/blink]
[poem=font="Simplified Arabic,6,white,normal,normal" bkcolor="black" bkimage="" border="solid,2,burlywood" type=2 line=0 align=center use=ex num="0,black"]
كتبت الشعر لعيونك وليـت الشعـر وفّاهـا = بجنب احلى عيو ن ادري كلام الشعر ياشينه
بغى يوصف محاسنها خذا منهاولا اعطاهـا = تراجع يوم شاف إنه ورث من بعضها زينه
يموت الحرف بلسانه ويغرق لو شرب ماها = ومن كثر السواد اللي كساها ما درى وينـه
غروره ذاب في صمته ومن ضعفه ترجّاها = عساها تغفر الزلة وتعـذر رجفـة إيدينـه
تقدّر وقفة العاجز حزين ويطلـب رضاهـا = يقول إنه غلط مرّه وعذره ما قضـى دينـه
تحدّاني وطاوعتـه ولكـن مـا تحـدّا هـا = تعثّر بالرموش اللي غدت ما بينهـا وبينـه
رموش(ن) حدّها يذبح وسحر الكون يغشاها = وهو مسكين جا يحمل معاه أبيات مسكينـه
رجع لي يكسر الخاطر وكنّه بعـد ماجاهـا = عجوز(ن) ناهـز التسعيـن ماشالتـه رجلينـه
يقول ان الحروف اللي معه وبحور معناهـا = تلاشت جنبها وانهار ركن القاف في عينـه
حلف لي مايكرّرها ويكتب عـن مزاياهـا = تناسى عزّته مرغم وانـا طالبـك تنسينـه [/poem]