[poem=font="Simplified Arabic,5,red,normal,normal" bkcolor="transparent" bkimage="backgrounds/21.gif" border="inset,10,darkred" type=1 line=0 align=center use=ex num="0,black"]
آسف على قطعتي والبعد والغيبه = وآسف على كل لحظه عنك تبعدني
يحدني وقت كاثرةٍ مطاليبه = وساعة لقاي إبك هذا الشي يسعدني
ودي غثي الزمن تصفي مشاريبه = وعن غيبتي ياحسين الدل تنشدني
لاشفت طيفك بعز النوم اهليبه = طيفك ليا مر من نومي يقعدني
لو كنت في صحصح قفر عوى ذيبه = البال مشغول والتفكير يجهدني
ياغاليٍ يشرح الخاطر بترحيبه = اوعدك وابي على وعدي تواعدني
انك تبرد على صدري لواهيبه = مدام قربك ياعز الناس يسعدني
وآسف على قطعتي والبعد والغيبه = وآسف على كل لحظه عنك تبعدني[/poem]
رد مع اقتباس
