بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بكل خير
معكم اخوكم / سياف العتيبي ( ابن مرشد )
عضو جديد وان شاء الله ماتلقون مني الا اللي يسركم ويبيض وجهي معكم
وهذه اول مصافحة لي معكم وهي عن البر والمكاشيت وهي حلم لراعي الدوام في وقتنا هذا
اتمنى ان تقبلوا هذا المتواضعه وامل ان تنال على استحسانكم واعجابكم
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا ضاق صدري شلت عزبه على الجيب=دلــة وبــراد ٍ فـراشـي عـلاهـا
وأعطيـت درب ٍ مايبـا عنـه تجنيـب=يـم الفيـاض اللـي عليـل ٍ هـواهـا
فوق الذي نزهت دربـه عـن الريـب=ولايـا صـل ديـار ٍ تبيـن رداهــا
لامـن نخيتـه فـز مابـه عـذاريـب=قـرم ٍ تحمـل مـن حياتـه شقـاهـا
مثل الخوّي اللي لزمني علـى الطيـب=يدمـح خطـاي وكـل زلـة نسـاهـا
وليا مشـى حـرّك سكـون الهباهيـب=اعصـار يضـرب كـل دار ٍ وطاهـا
ممشـاه يوقـد بالخطـوط اللواهـيـب=حوف الحديـد اللـي تسعـر شواهـا
صوت المكينة صوت ضرب المشاعيب=يـا كـن بـه قـوم ٍ مثـوّر بـلاهـا
وألا التوايـر تخـرب القـار تخريـب=تطوي فجـاج الارض لا ابعـد مداهـا
وليا وصلت الفيضة اللي بهـا شعيـب=حوّلـت مسـرع ثـم تذوقـت مـاهـا
وانزلـت قشـي قلـت والآن ترتيـب=منّـا دلالـي والحطـب مـن وراهـا
وأشعلت ناري ليـن شبـت يابوهديـب=واونسـت صلـو نويفعـه مـع دفاهـا
واركيت فوق الجمر صاف المشاريـب=الدلـة اللـي نومسـت مـن قنـاهـا
من صنعة الرسلان, قـدم الشواريـب=صفـرا ً تـلالا ,والزمتنـي غـلاهـا
وطيّرت فكري في فضا عالـم الغيـب=وعاينـت فالدنيـا مـن أعلـى سماهـا
وبرّقـت بـأرض الله وزاد التعاجيـب=حكـم البحـر بـالارض كنـه طماهـا
وشفت الجبال الشمخ مثـل المناسيـب=أرسن بالأرض وربـي اللـي رساهـا
وشفت الشجر والطير مثل الصواحيـب=وشفت الدبش نبـت المراعـي رعاهـا
دنيا ولـيّ الكـون تنـزه عـن العيـب=ميـر البشـر سبـة ظـلام ٍ غشـاهـا
ناس ٍ تشيّب راضـع الديـس تشييـب=عقالـهـا جـهّـال تتـبـع عمـاهـا
غاروا علـى الدنيـا الفنيّـة نواهيـب=كـل ٍ ثبـت بأرضـه وجـوّد يبـاهـا
ماكن بـه يـوم ٍ يشقـق بـه الجيـب=ولاكـن بـه نـار ٍ تلضـى لضـاهـا
مـا يفلـح إلا فاهـم العقـل ولبـيـب=اللـي حيـاتـه ماتحـصـل غثـاهـا
مطلـوبـه الجـنـه ياعزالمطالـيـب=يرفـع يدينـه مـع دمــوع ٍ بكـاهـا
والله فوقـه يسمـع دعــاه ويجـيـب=رب ٍ كـريـم ٍ والعطـايـا عطـاهـا [/poem]
[align=center]وسلامتكم واعذرونا على القصور[/align]