[align=center]سلام عليكم ورحمة الله وبركاته
مسّيكم بالخير ..
قصيده جديده
,
,
إلا ذعذع الغربي وريح الغوالي هـبّ && يحرّك حطب قلبـي لياهـبّ وإيشبّـه
شبوب الوقايد بين عوج الضّلوع إتشبّ && وتلعب بقلـبٍ طـاري الحـبّ يلعبّـه
وقامت هواجيسي تصبّ الفرايد صـبّ && وتقرى شقى وجـه المشقّـى وتكتبّـه
قصيد النّبط وإلا الحداثـه تكبّـه كـبّ && تجنّـب خثاريـد المهابيـل وإتكـبّـه
ألا ياوجودي وجد من جاته أمّ إركـبّ && يحاول يقوم وعجـزت إتشلّـه إركبّـه
على طيف من حبّه خطا فالضمير ودبّ && عشيقٍ علـى عشّاقـه إيـدوّر السبّـه
يقولون:خلّك كان عذّبـكْ سبّـه سـبّ && عشان إيتسنّـع كـلّ ماعذّبك..سبّـه!!
وأنا أقول:مقدر والله إنّي أحبّـه حـبّ && علي نذر محدٍ من هل الحبّ قد حبّه!!
ألا يالله إنّك تكتـب إمواجهـه يـاربّ && تقـرّب ديـاره كـلّ ماجيـت بنـبّـه
أنا حالف إنّي كـلّ مانـبّ داره نـبّ && تعشّيـت رمّانـه وقهوانـي إعنـبّـه
صحيح إنّ: من حبّ إيتوهقّ وماله طبّ && يكود إنّه إيواجه على طول من حبّـه!!
,
,
وسلامتكم[/align]