السلام عليكم ورحمة الله وبركاته
مصافحه من قلبي لقلوبكم الطاهره النقية.
[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سوالف ليل تطربهم وانا يدي على خدي=لئيمه هالاماكن يافهد وا عزي لحالي
انا اذكر قبل خمس اسنين مابه واحدٍ قدي=يكود سهيل يوم اني سهرت الليل و اومالي
سريته ماحسبت حساب لأسراري هي و سدي=ابيح اللي كتمته بالخفوق لبعض الاشكالي
وانا مالي ببعض الناس دامه شخص متردي=يعيش الهامش المركون لاجيته ولاجالي
ولكن شرهتي تكبر وانا ياخوك ماودي= تموت احسن من الواقع ولا ابي شئ يبقالي
تعال اعطيك من عندي سوالف ياخلف جدي=مواويلٍ مرتبها على مر وعلى حالي
انا جرحي علاجه ياسنادي ماهو بيدي=قديم ولاله مداوي سوى صمتي و غربالي
وترى كبيت فنجال الغدر عن مزحي وجدي=واعرف الناس كلٍ في مقامه طامن وعالي
مشيت مخاوي الطيّب ولا خاويت متعدي= حدود الله عارفها واخاف الباري الوالي
واذا كانوا يبوني للنميمه جايب مودي= فأنا عن ماوطت رجلي كبير ودوم متعالي
يميني لاعطت تعطي ولاتاخذ من مقدي= وعلى كثر العطا زادو حواسيدي وعذالي
تعودنا على مبدأ سحابة صيف وتعدي=ويروح الصيف في حضن الشتاء والغيم يبرالي
سواد قلوب يجمعهم وانا ادري كلهم ضدي=ومسافات الكرم تفصل منازلهم ومنزالي[/poem]
تقديري للجميع
رد مع اقتباس
المشاركة الأصلية كتبت بواسطة بن عامر صلاح الاحمدي
[/align]
