[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياطير ياللي زينتّك المسابيق=سلّم على اللي راح ديرة خواله
قدمك بتلقا الوجيه المطاليق=واليا لقيت سعود عطه الرساله
يقول من عوّد وفي صدره الضيق=خلا سعود وجاك راجع لحاله
من ضيقت(ن) فالصدر تشكِ المعاليق=والقلب من فرقاه واعزتاله
يفوح صدري مثل فوح الاباريق=كل ماذكرت سعود زاد اشتعاله
كنها بنتفجر الضلوع المغاليق=والهم وسط الصدر زاد أجتواله
كنه على صدري جبالً شواهيق=حسبي على الفرقا وبعض الحثاله
أغفى على صوته وافز وآفيق= وأشبّ فالدخان غبن وجهاله
يامحلا ضمه قبل فكة الريق=لاجاك يضحك والسعد في قباله
عن غيبته يومين والله ماآطيق=وعن غيره أسلا دوم والفكر داله [/poem]