الزمان : الساعة 11في الليل قبل خمسين سنة ^^^^^ اقعد يالشايب الحين .
المكان: في احدي احياء منفوحة القديمة .يوم كانت الناس تتسبح حدر البرازيم .لان الدشوش كانت ممنوعة في ذاك الوقت لانها تجمع القطاوة حولها...
الابطال حسب ظهورهم في القصة : زولية 4x6 ام هدب . جدار نصة طايح من المطر .خزان موية ماعلية غطاء. مقطية ملابس . رادو dvd . ترمس شاهي . بيالة بادريق . كورة مشقوقة مدري وشي لة ......
في ليلة قمرا قمت وطلعت السطح كالعادة اشم النسيم والمعذر . وفرشت زوليتي وقمت افرفر بالردوا حقي ادور اغنية فيروز . حبيتك في الصيف حبيتك في الشتاء .. ومن قوتة جاب لي سواليف الجيران الى حولنا ...لان هالاغنية اذا سمعتها تخنقني العبرة واقوم وادنق براسي واحطة بين رجولى . واتذكر حصيص ام قذيلة ..
كانت حولى مؤثرات صوتية تخلي الواحد ينقطع قلبة .. صوت ذكر حمام جالس يهدل في العشة . وارنب من الفضاوة جالس يقرمض لة كسرة خبزة يابسة .......
كانت عيني على نجم سهيل واحسب الوقت عشان اشوف حصيص في سطح بيتهم وانا جالس ادور في السطح
تقول واحد موسخ على نفسة وخايف يدخل بيتهم .. سمعت صوت تنكة طاحت وقلت بس جاءت جاءت حصيص
واجيك طاير وارتز على جدار السطح واتربع تقول واحد جالس على صحن جح بارد .. الا يوم اقبلت بس اللة يلعن بليسها من قصرها قامت تنطط تبي تتربع مثلي على السطح ..جلسنا نسولف بصوت واطي تقول قطاوة مجتمعين على قوطي تونة صفراء ..قمنا نبني احلامنا في شمال الرياض ووين بنسوى عرسنا وكلن منا فاتح خشتة للثاني ؟^^^^ من زين الطبايع عاد . كنت مرتبك وقتها ابي اقولها كلمة من زمان تقرقع في بطني بس
خايف ماتفهمها . لانها ماهيب كفوا ذا الكلام ..كانت تقول بعيونها قلها يارشدي اباظة وريح البئ اللة يريح البئك
وانا قلبي يخفق واشاهق ماني متعود على الكلام النظيف والمعطر بكسرة عود جاوي ..قلت خلاص ابقولها والى يصير يصير وشني خسران الحين كأس اسيا على غفلة ... وانا الى اقلب عيوني وامسح جفوني بتفال والوي وجهي واقولها احبك ياحصيص ..الا واسمع تصفيق ورمي عقل وشمغ وواحد يقول بصوت قوي هلال هلال
بعد ماخذتنا السوالف الاونسمع صوت في السطوح الى حولنا وارتبكنا . وقلت وش رايك نقلبها تلفون قالت ياللة
بس اللة يخلف ماكانت فية تلفونات ذاك الوقت واقوم والتفت من حولى والقي (مقاط) حق بنت اختي والقي قوطي (تيم) واخرقة واربط فية المقاط وا رمي عليها واحط القوطي في اذني وهاك ياسوالف ودق حنك باللة لحظة شوي جاني مسج خلوني اشوفة قالب القوطي وجالس اظغط اوةةةة وش عندهم الاتصالات مرسلين لي افاااااا
سدد وصلت لحدك الائتماني .. عاد قلت حصيص قالت سم قلت ابي اغني لك اغنية بس ابي زيت خروع قالت ليش قلت ابي اغني وانا ماسك بطني عشان يقولون الولد يغني من جوا ...وعندة احساس قوي ..
المهم وانا اغني الا واسمع صوت حصيص وهي تقول ماسمع صوتك يقطع ياشرقاوي قلت اصبري خليني اطمر على الجدار يمكن القى ارسال قالت بسرعة .وانا ارقى الا الجدار غرقان من المطر وخامر كنة بسكوت غاطة في شاهي .اول ماحطيت رجلى على الجدار الا ذا البقرة سمعت صوت امها تناديها حصيص حصيص .
البقرة سحبت سلك التلفون معها وانا الى اجيك مجاوب من على السطح متجة شرق ..
اثر فية شيبان اثنين جالس يتقهون اخر الليل في زاوية الشارع الا واحد منهم يقول ابو عزوز شف ذا الى جانا
مهوب كنة زورو .. ممداة يكمل كلمتة الا رجلى في فمة وعلى الاهو ميت في محلة اية جاي على سرعتي..
الا الثاني قام يركض في الحارة وهو يقول ياربي رباة ..جاكم زورو جاكم زورو .....
الموضوع هذا بمناسبة الاختبارات لانة بيجي علية اسئلة في مادة القواعد