بسم الله الرحمن الرحيم
والصلاة والسلام على اشرف الانبياء والمرسلين... وبعد
ياجمهور الملكي يعلم الله اني احبكم جميعا لانه مهما اختلفنا في النهاية يجمعنا ( حب الاهلي ) ولكن هناك مقوله تقول ( اذا طاح الجمل ... كثرت سكاكينه) وانا من امس اتابع ردود الافعال بعد مباراة الشباب سواء صحافة - منتديات- برامج...الخ
الأغلب جالس يسن اقلامه على الاهلي وكأن الاهلي هبط للدرجة الاولى او خلاص راح عليه الدوري وانه لن يحقق اي بطوله ( ايش فيكم ) خير ان شاء الله . انا عندي سؤال بسيط لكم ( انت ايها المشجع الم يحصل لك ان بذلت جهد كبير وتعبت وسهرت وكافحت في حياتك من اجل موضوع ما في حياتك ولكنك لاتحصل على النتيجه التي تريدها) بالتأكيد فيه.طيب تعال نشوف ماهو الخطأ في الاهلي :
1/ هل تختلف معي ان الامير ( خالد بن عبدالله ) بذل كل مافي وسعه وقدم للاهلي مالم يقدمه غيره في الانديه الاخرى يعني هل الامير قصر في شئ؟
2/ هل تختلف معي ان المدرب ( بيريرا ) من افضل المدربين في اوروبا؟
3/ هل تختلف معي ان لاعبي الاهلي المحليين والاجانب من افضل اللاعبين الموجودين حاليا؟ نعم هناك بعض اللاعبين ليس على قدر الطموح ولكن الكمال لله وحده
4/ هل تختلف معي انه لا يوجد مشاكل ماليه في الاهلي مثل بقية الانديه الاخرى؟
5/ هل تختلف معي ان جمهور الاهلي دائما حاضر ويساند بقوه واصبح مثل يحتذى به على مستوى السعوديه والخليج في التشجيع والابداع ؟
6/ هل تختلف معي ان الاصابات هي ( قضاء وقدر )
7/ هل تختلف معي ان الاهلي يصل للمرمى وبسهوله ولكن يضيع الفرص حتى السهله؟ غريبه صح
8/ هل تختلف معي ان الاهلي يقدم كوره ممتعه وسهله افضل بكثير من سنوات مضت؟
طيب وين المشكله؟ لماذا لايحقق الفوز ؟
انا اقولكم وين ... ( انا اريد وانت تريد والله يفعل مايريد ) بمعنى اخر ( انت اجتهد وثابر واعمل كل مافي وسعك واذا لم تحقق النجاح فأعلم انه ( قضاء وقدر من الله عز وجل ) حاول ثم حاول ثم حاول وقبل الختام فريق مانشيستر سيتي ( حقق الدوري بعد 40 سنه عمل ) منتخب الارجنتين لم يحقق كأس العالم منذ عام 86م ويوجد لديه لاعبين على اعلى مستوى
بالله ياجمهور الملكي رجاء رجاء لاتشمتوا فينا الاعداء ارجوكم ساندوا فريقكم هو بحاجتكم اكثر من اي وقت مضى... هل ستساندوه ياملوك.
خاتمه ( اذا الاهلي اراد البطولات ... فلا بد ان يستجيب القدر ) بعون الله وقدرته... اعذروني على الاطاله ولكم حبي وعشقي ... اخوكم الصغير ابو محمد