[poem=font="Simplified Arabic,7,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
( عـــــــجــــــــاجالــــ ـــوقـــــــت )
ياهل العرف عقب اليوم مالي صبر=ولا لعيني هناتن فـي لذيـذ المنـام
وقتنا يحسد المييـت بوسـط القبـر=وش يبي في حياتن كل ابوها عـدام
المريح الذي بـاع الحيـاة وظفـر=صار همه رضا ربه وصلى وصـام
ما حدن فكر بويـلاة يـوم الحشـر=استوت عندهم كلمة حـلال وحـرام
السروق امتهنـي والعفيـف بفقـر=والصدوق امتعني والكذوب ابسـلام
والنحييف يضيع بجنب واف الهبـر=الجهامه تضييع كـل قرمـن همـام
البس البشت يصبح لك مقام وقـدر=افصخ البشت ما يبقى لشخصك مقام
الغني لو هو اهبل قيل كلـك نظـر=اشهدوا في نبوغه واسعيـن الافـام
والمسن ايتبهـذل مـا لليلـه فجـر=وان شكى قيل له يكفيك كثر الكـلام
وفرقوا بين نسل ادم نظيـف وكـدر=تقل فيه ادم(ن) ثاني طلع عقب سـام
ومن مسك صنعتن تغنيه نززل حدر=ومن قعد ينطر الراتب له الاحتـرام
وين عصر الرجال اللي تفك الاسر=وين عهد الفحول الطيبيـن الكـرام
صابهم في عجاج الوقت ضيقة صدر=وخيلهم لين فككت ما يثور العسـام
كدرتهـم تهاويلـن بتـال العـمـر=اشهد ان الذي في وضعهم ما يـلام
من يلوم الذي باالفرش ماتـوا قهـر=شاقهم شيلة الشلفى ولبـس الحـزام
ذا زمانن حرام يعيش فيـه الصقـر=والرخم كرموهن في مكـب القمـام
والبدو مالهم هيبـه بسلـم الحضـر=وحاملين الاقامـه يعتلـون السنـام
والوفا عقب ماهـو جاريـن كاالنـهر=صار مثل الذهب نادر مقاسه غرام
اه واشيب حالي من صـروف الـدهر=ناشف الريق ملتاعن وروحي تضام
اكتب ابيات شعري والمحاني جمـر=انتخي با القصايد يوم طـال السقـام
شعر ما يشرح الواقع فلاهو شعـر=وشعر ما يوقف القاعد مجرد كـلام
[/poem]
رد مع اقتباس
