اغنام - ابل - دواجن - طيور
أعزائي أعضاء منتديات أغنام تحية طيبة للجميع و أهلاً و سهلاً بكم ، ومبروك هالمطرة الطيبة الي جت الرياض الله يطرح فيها الخير و البركة ويجعلها سقيا رحمة لا عذاب وينفع بها البلاد و العباد ، اللهم امين .
اليوم سألني صديق لي وهو عنده مراح قريب مني قالي كم كلفتك الغرفة الي بنيتها ، طبعا انا بنيت غرفة مسقوفة مقاسها 12 في 8 بالخشب و الحديد وارتفاعها متر و اربعين سم والحمد الله الرزاق ما دفعت فيها ريال واحد ، طبعا قلت له ما ادري كم تكلف لاني ما دفعت ريال واحد فيها لكن اذا تبي نحسبها حسبناها ، المهم حسبناها حسبة اي كلام طلعت معنا 1800 وكسور واتوقع انها اكثر من كذا لاننا في الحسبة حسبناها على اساس كلها خشب دون الحديد ، طبعا بعد الحسبه سالني كيف بنيتها بدون ما تدفع فيها ريال واحد .
وهنا السر الي حبيت اشاركم فيه لتعم الفائدة .
طبعا لا يخفاكم الكم الهائل من المواد الي تقدر تستخدمها في تأسيس مراح الموجودة في الاراضي (البرح) وفي الطرقات و في اماكن المشاريع المنتهية ، الخشب بانواعة ، بلاكاش ، مرابيع ، رفوف ، والحديد بانواعة ، شينكو ، عمدان ، مواصير ، براويز ، ومنها الاشرعة الي تستخدم ذراء و تستخدم واقية من المطر ، وطبعا هالاشياء متوفرة وكثير منها صالح للاستخدام كل الي يبي لك اذا طلعت لاي مكان او مشوار اجلس تشوف للشغلات هذي خخخخخخخخ واذا لقيتها جيب الحوض و حمل والله راح تنفعك كثير وتقلل عليك تكاليف باهظة لان فيه ناس اعرفهم والله مخلي حلاله كذا لا ذراء ولا مضلة عن المطر ولا شي شبك وحلال بس الله يسهل امرنا وامرهم وهذي الطريقة تساعد الشخص على فعل اشياء كثيرة بدون ما تكلفة شي و الشي الي تسوية لا هو غلط ولا هو عيب مع مراعاة ان في اشياء موجودة بالاراضي ولكن تكون للاستخدام يعني مثلا الي مرصوصة رص مرتب هذي لا تلمسها اكيد راعيها بيرجع لها او تكون عند مشاريع او عماير عظم هذي لا تاخذها اما غيرها لا والله خذه لانها بتنفعك ، حبيت اشاركم بهذي المعلومة إن شاء الله يكون فيها مساعدة وتخفيف على بعض الاخوان والله من ورى القصد ، اتمنى للجميع التوفيق .
المصدر: منـتـديات أغـــنـام - من قسم: افكار وحلول وآراء مربي الحلال
kwdpm gg[ldu KK ,fhgow,w gglfj]z td jHsds hglvhp
رد مع اقتباس
