.
.
.
على رصيف اللقاء ..
هناااااااااك أنتظرك ..
.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على هدوء الصمت طوعت روحي=وعلى ظلام الليل غضيت الأعيان
أحاول أخفي مابقى من طموحي=خوفي كفوفك تجعله (كان ماكان)
ياللي قتلتي فيني أنسام بوحي=ماهو حرام (ن) كتم الأفواه يافلان ؟
جزيت من قلبي تعاليل نوحي=وأسامر الورقى على جر الألحان
إلى غفت عيني في حلمي تلوحي=وليا صحت شفتك على كل الأركان
أواجهك لوّك بعيد ونزوحـي=مير البلا طيفك سكنّي ولاهان
تجيني الذكرى والأخرى تروحي=غديت لك نوتة تعابير وألوان
على قفر قلبي بنيتي صروحي=وشفتك أمل يروي معاليق ضميان
ياغيمة لاحت في عالي سفوحي=هلت وشحت ونزحت والبعد حان
ناديت لك ياهييييه تكفى سموحي=حطيتني غلطان ومانيب غلطان
مير أنك أقفيتي وقلبي يفوحي=وصوتي توارى بين صمت وخذلان
يامبعده شوفي تعابير لوحي=خطيتها بدمي والأحزان قيفان
في ذمتي ماكنك ألا جروحي=لاهي الذي راحت ولانزفها بان[/poem]
وداعا ..