[align=center]ابيات في وصف الجيب[/align]
[poem=font="Simplified Arabic,6,white,normal,italic" bkcolor="sienna" bkimage="" border="double,5,blue" type=1 line=0 align=center use=ex num="0,black"]
الجيب خطه تقول جناح طياره=ابيض مذهب وفيه الوان فضيه
يا زين رسمة جناح الصقر بشعاره=ما كنه الاّ من السفن الفضائيه
جكسه وفكسه وجي اله وفكساره=مهوب مثل الهوندا والشروكيه
ما ناقصه غير عباره وعباره=اوصافه الباقيه ميه على ميه
برواز وجهه تقول ايطار نظاره=البدي مبروم واصطبات مخفيه
اذا تأملت في الطبلون وايطاره=تشوف جو الفخامه والرومنسيه
واذا تواسيت للتعشيق والطاره=مراتب الكشن مركب كل شخصيه
انشهد انه تمام وخوش سياره=ومواصفاته قياسيه قياسيه
منوة صبياًً ليا جهّز لمشواره=يبغى شمال الوطن والاّ جنوبيه
والاّ يبي شرق والاّ غرب محداره=لنحا مع المنخفض من راس قديه
ان كانه اشمل يمر اجاء وسنجاره=وان كانه اجنب وطاء تثليث في الجيه
وان كان شرق الى الدمام مسياره=وان كان غرب مسك خط القويعيه
وليا غطاه الظلام وشبت انواره=مغير شعلة زنن واكباس غازيه
يا زين مسراه والموال مختاره=وتبدله بين كاسيته وسيديه
والا حديثٍ يخص الدين واذكاره=وفي بعض الاحيان نظم ابيات شعريه
وان سج مع صيهدٍ يزها بنواره=قفرٍ نبت عشبها من بعد سيليه
مثل انطلاق اشقرٍ من كف صقاره=لاشاف له في مدار الحوم قمريه
بيض الدساتن تبطح خلف معصاره=لا عانقه في الطريق عروق رمليه
مع المطبات ما يهتز مسماره=يمشي على الارض كنه فوق زوليه
فوقه يموح يمين البوش ويساره=في شف عربٍ من الذيدان منقيه
خيال صفراً لسد الحد طمّاره=ايام خوض المعارك والفروسيه
في وقت وقفة قبايل نجد واحراره=مع من حذف باشة البابا بكرسيه
قوّم تحالف رجال الدين وانصاره=لحماية اللي من الباشات مغزيه
لعيون من يسترن الجسم بخماره=والكل منهن بعزوتها قبيليه
ننذر ولد بوش لن الروم غدّاره=حنا رجالٍ عقيدتنا سماويه
بسم العقيده نقود جيوش جراره=عمودها الشعب والدوله سعوديه[/poem]
رد مع اقتباس
-new.gif)
المشاركة الأصلية كتبت بواسطة مسعود الرشيدي
