كنت قاعد أنا وشوية من زمايلي في الجهاد في كافيتريا ( القفص الطائر )ههههههه
قصدي كافيتريا ( الطبق الطائر ) وكنا بنضرب شوية حاجات كده
...ويا دوب خلصت كام حتة الجاتوه بتاعتي ونص التورتة بتاعت الواد أيمن
والنسكافيه بتاع عماد والكيكه بتاعت خالد والدنش بتاع سعيد
ولساه هاشرب عصير الدووم بتاع سمير بصيت لقيت الساعه بقت حداشر
قولت يا نهار أسود أبويا زمانه هايطلق أمى بسببي لازم أراوح حالآ دلوقتى
معلش يا جماعه انا هاضطرأخد عصيرالبرتقان تيك اواي علي السريع
وأخدتها طيران لحد بيتنا
وفتحت باب الشقه بشويش خالص وروحت قافله بمنتهى خفه اليد ( ولا أجدعها حرامى شقق) هههههههه
من غير معمل صوت خالص
...وبلف ولقيت الحاج ( ميدو ) أبويا الحاج ( محمد بس أنا بدلعه شوية )
لقيته في وشي 00 ولقيته ماسك الكرسي ولسه بيرفعه من على الارض وهايهبدنى بيه علي نافوخى00
روحت بسرعه الصاروخ عامل شقلباظ أرض جو وروحت جاري علي أوضتى
وناطت فوق السرير ومن فوق السرير قفزه لولبيا إنتحاريه شقلباظية لفوق الدولاب
( وطبعآ عامل الخبره واللياقه البدنية وغريزه البقاء هما اللى لعبوا دور البطولة هنا )
( ونصيحه منى ماتجربوش الحكايه دي عشان تقريبا كده دراعي إتملخ وضهرى طق ورجلي إتلوحت هههههه )
[align=right]قولت لأبويا :معلش يا حاج أصل عربية خبطتنى في الشارع
الحاج : اللي عربيه تخبطه ده يموت ..يتنيل علي عنيه ويتعور لكن مايدخلش البيت الساعه واحده بالليل
أمي: يوه !! ايه يا بنى اللي طلعك فوق الدولاب كدا
قولتلها : أصل الخابطة أصرت عليا وخلتني أحس إني قرد
الحج :أنت هتنزل يالاه أنت ولا اكسر الدولاب على نفوخك
قولت لأمى: شوفتي عايز يكسر عفشك إزاى هو مش مكتوب عليه في القايمة إلحقي إشتكيه بسرعه
امي : يا بنى إحنا قعدنا مستنينك عالعشا ولما اتاخرت قلقنا عليك
قولتلها : طب إنا هنزلك بعد بكرة وإبقي إعمليلي ساندوتش بسطرمة
أمي : وهوا فيه قرود بتآكل بسطرمة برضه؟
قولتله : أمري لله طب إبقي إعمليلي ساندوتش موز ...ولا فول سوداني ...ولا فول بالزيت الحار 00
الحاج : إنا مش قلتلك معادك الساعة عشره وماتتأخرش لا أطين عيشتك ( هههههه عشم بس مش أكتر ) ؟
قولتله : ماهو بصراحة بقى يا حاج عشره دي بدري قوي يعني ما بلحقش أخرج ولا بالحق أتفسح مع أصحابي
الحاج : وكمان بترد عليا حد يجبلي سلم اطلع افتح دماغ الواد ده
قولتله : لا لا لا اوعوا تجيبوا السلم ..الساعه عشره ايه اللى بتقول عليها دى يا عم الحاج
بلاش كلام فارغ بلا قله أدب 00 هوه الساعه تسعه حلو قوي ولو تمانية يكون أحلي واحلي 00
خلي الواحد ينام بدرى طب ده حتى النوم بدري صحى 00
الحاج : وأدينى قعدلك لما نشوف إيه أخرتها ونشوف هاتنزل إمتى سيادتك من فوق الدولاب [/align]وطبعا أنا عايش ومتعايش أكل وشرب فوق الدولاب من أمبارح ومعايا اللاب توب بتاعي بس مسيري هنزل أروح أستحمى أو أدخل الحمام
...والحاج أجازه وقاعد اليومين دول في البيت وقاعدلي علي الكرسي تحت الدولاب....
اعمل إيه في المشكلة دي
وأنا عايز انزل باقصي سرعه
شوفولي حل بسرعه بدل ما أغرقلكم الدنيا وأبهدلكم المنتدى 00
ههههههههه
وأنا حذرتكم اهوه وماليش دعوة
وسلامو عليكو