اقول تكفى خلها وسط الاعماق
الضيقة اللي جاوزت كل ضيقه
خل الهموم اللي احرقت قلبي احراق
تشعل بتالي مابقى به من حريقه
ماهي على ظنك مواعيد وعناق
هذي الحقيقة كان تبغى الحقيقه
السالفة طبع الزمن دوم بواق
يخلف ظنون اللي عهوده وثيقه
ما ضاع لي عهدن ولا خنت ميثاق
ولاني رفيقن خان خطوة رفيقه
ويمَ الظما ما شدني ضوح براق
مهما سطع في وسط عيني بريقه
جيتك عذر لمواجه اللوم سباق
باحساس صادق والمحاجر غريقه
كل الحياة غروب وبشوفك اشراق
شمسن لعمري غير شمس الخليقه
واقول تكفى خلها وسط الأعماق
فرحة عمر صارت بالاعماق ضيقه
