في زمن قل من يعترف بأخطائه تجاه الاخرين
اعترف بخطأ اكبر من ذلك وهو الذنب ومعصية الله
الندم صاحبي من كثرة ذنوب
فعلت ذنوب(ن)كثيره في حياتي
والحين قلبي من الذنب مرعوب
خايف من حساب(ن) بعد مماتي
امشي خطاوي(ن)والوجه مشحوب
باين عليه الــخطــا وحسراتي
حسبي على شيطان(ن)كذوب
سبب كل الخطا وعثراتي
ياليتني ما اخطي والخطا محسوب
مـلـك يـــدوّن كـل زلاتـــي
بن باز حظّه من الناس محبوب
ليتني مثله في كل خطواتي
امامن فاضل(ن)علمه مرغوب
علمه نـهـر كـنّــه فــراتي
يالله ياقابل التوبه لك اتوب
ياجعل مغفره منّك جزاتي
ويالله ياللي ماترد مطلوب
اقبل دمعت(ن)هللت في صلاتي
بقلم كاتب الحب
انتظر وجهات نظركم بصدر رحب