نجود في متاهات قياسات الأرقام .. !!

[نجــود]

[align=center][align=center]سلخيـر .. يمين .. سلخيـر .. يسـار


سلخير لكم جميعاً ..


حكايتي مع متاهات الأرقام .. كانت حصرياً ..


أصبحت لكل القنوات ..









السنه إللي طافت .. قصدي إللي بتطوف ..


وإللي قبلها .. كنت أكتب بمقاس أربعه ..


وكان يازيني عاقله وكلي ركاده ..


وفي ليله من ليالي فاتونا .. عيني لو صحيح نسيونا ..


وأنا أتجرع مرّ الفراق .. وقف لي شي في بلعومي ..


شربت تنكر ماي .. وماشي فايده ..


وتغير صوتي .. جته بحه غريبه ..


مثل فحيح الأفاعي على كركرة الدجاج ..


طبعاً ماكان فيه مجال للتفكير ..


ركبت طيارتنا الخاصه إلى سويسرا ..


وحاروا الدخاتره هناك ..


ماعرفوا شو الأسباب .. لكن قرروا يشرحوني ..


ويقطعوا صوتي من لغاليغه .. :زعلان:


قعدت أفكر وافكر .. وقلت وش هالمصيبه إللي جتني .. :بفكر:


وأقول يارررررررربي من إللي دعي عليه ..


عشان انتقم منه إذا صحيت ..


وكان الجو بارد .. موت ..


وانا انتفض مثل ديايه ينزل عليها المطر .. ريشها مبلول .. وطريقها مسدود .. ياولدي ..


المهم كان نفسي في بلاليط ( شعيريه ) بالهيل والزعفران ..


واكتشفت انه ماجبنا معانا العدّه ..


قمت ودرت في حواري جنيف وشوارعها ..


ولفيت المطاعم الهنديه والعربيه .. ومالقيت ..


وفي طريق اليأس ..


شفت واحد شيبه لابس كندوره صوف لونها بني وشال بيج وبني


وحذاء ماركة بوصبع ..


وعليه بشت صوف لاسي .. أنيق جدا ..


حسيت انه من خليجنا العربي الأغر .. هيئته إماراتيه ..


تقدّمت منه بحياء .. بس مارمست .. خفته يزيغ ..


الشغاله الفلبينيه .. لزوم البريستيج .. قالت له بابا ..


قال مرحبا .. مرحبا الساع .. بج وبعمتج ..


اقربوا .. اقربوا .. بنسوارين .. يعرف فرنسي الوالد ..


قالت له الشغاله بابا فيه عندك هيل وزئفران ..


زكر - أي نادى بصوته الجهوري الذي لم تغيره السنين - السايق قال واش تقول هذي ..


المهم جاب لنا الهندي الهيل والزعفران ..


وعطانا الشيبه أرقامه .. وطلب رقمنا في الامارات ..


عطيناه رقم الوالد .. يمكن يخطبني لواحد من عياله .. قولوا آمين ..


المهم سوينا البلاليط وحليب بالزعفران ..


وفتحت النت .. إلا أشوف أمنية أحد الأخوه في تغيير خطي ..


غيرت الخط إلى مقاس سته وأكملت دلة الحليب المزعفر بالزعفران ..


وناديت الشغاله تجيب لي كاكاو .. لزوم الريجيم ..


يتني الشغاله تصارخ وتقول ..


الهمدلله .. الهمدلله ..


وتصيح .. ودموعها مغرقه ثيابها ..


عشان تعرفون اشكثر انا طيبه مع الشغالين ..


صوت مال إنتي رجع ..


فزيت من مكاني مثل الأسد إللي شاف فريسه ..


رحت عند المرايه وفتحت فمي .. شفت لسان الموت عاد لطبيعته وصوتي عاد لقواعده ..


صرخت وقلت جملتي المأثوره ..


ويلك ياللي تعادينا .. ياويلك ويل ..








السؤال ..


ماهو السبب في رجوع صوتي حليب بالزعفران أو مقاس سته ؟!






أنتظر إجاباتكم ..









عاش سته عاش .[/align].[/align]

[العجراء]

تصدقين مافهمت ولا شئ زعفران وحليب وشغاله فلبينيه اكيد شاربه منقا على الريق

[نجــود]

[align=center]العجراء ..


هنا الحبكه ..


انتظر ترجمتها قريباً إلى اللهجه السعوديه ومختلف اللهجات ..


الصراحه نسيت شو اتريقت ..


بس ولايهمك بكره أشرب منقا .. على الريق ..


حياك أخي ..


ومرحبا الساع ..[/align]

[العجراء]

نجود ترى المنقا انواع احسنها ////الفونسا/////مع تحيات اخوك العجراء////

[نجــود]

[align=center]هلا والله يا أخي ..

عدلت ردي الأول ..

معليش .. السموحه ..

أنا اعرف المنجه المصريه .. بلونين ..




مرحبا بك من جديد ..[/align]

[النجلاء]

هلا بنجوووووود القمررررر

السنه إللي طافت .. قصدي إللي بتطوف ..
وإللي قبلها .. كنت أكتب بمقاس أربعه ..

الله يستر السنه الجايه يبغالنا نوسّع المنتدى شوي بتوصلين لمقاس 8 هههههههههههههههههه

مثل فحيح الأفاعي على كركرة الدجاج ..

شكلك لاعبين عليك ومفطرينك بيض حيايا هههههههههههههههههه وتلخبطت معلمواتك بيض على دجاج على تمر هندي ,,, التمر هندي زياده من عندي لزوم اللخبطه

وانا انتفض مثل ديايه ينزل عليها المطر .. ريشها مبلول .. وطريقها مسدود .. ياولدي ..

هههههههههههههههه ياعيني ياشاربة الفنجان

واكتشفت انه ماجبنا معانا العدّه ..

صعبه اصدقها هذي ,,,, خليجيه تطلع برا من غير عدتها من قهوه وبهارات وكيسين رز بسمتي وهيل وزعفران ومعاميل قهوه وشاهي ,,, يعني باختصار محل عطاره صغيرووون ههههههههههههههههههه

شفت واحد شيبه لابس كندوره صوف لونها بني وشال بيج وبني


وحذاء ماركة بوصبع ..


وعليه بشت صوف لاسي .. أنيق جدا ..

ههههههههههههههههه نجود على وصفك هذا الاخ بواب على فندق في جنيف هههههههههههههههههه




شوفي ياقمر انا اعلمك وش الحل ,,,,,


سوي ريجيم الله يوفقك شكلك تتمددين بالطول والعرض والخط يتمدد معاك هههههههههههههههههه ابعدي عن الرز والنشويات عموما لين ترجعين لمقاس اربعه بالخط واللبس



نجووووود العسل ,,,,


تسلمين على هيك موضوع خفيف دم


ويعطيك العافيه

[نجــود]

[align=center]النجلاء ..


ودي أسوي ريجيم ..


لكن غرفتي عباره عن سوبرماركت كله فواكه وحلويات ..


أفطر شوكولاته ..


وأتغدى تين بالمكسرات ..


وأتعشى بطاطا ..


وآخر الليل ترمس حليب بالزعفران ..


الصراحه صايره دبببببببببببببببببببببببب بببه واااااااااااااااااااااااا اااااااايد ..


لكن ناويه أضعف .. لما تخلص الأشياء إللي في غرفتي ..


أوعدك ماأشتري شي يديد ..


أخاف يشوتوني من المنتدى ..


وآجي هدف في الوقت الضايع ..


وحيووووووووووووا الأبيض حيووووووووووووووه ..










النجلاء ..


مرحبا الساع ..[/align]

[فوووووشي]

[mark=CCFF66]أموووووووووووووووت انا بالكلام الاماراتي ...

يا لبى قلبك يشيخه ..فديتك وفديت كلامك وفديت مقاسك السته انا

ههههههههههههههههههههههههه هه

يا بنت اهم ي انك سمينه مو انا لحالي المتينه بالمنتدى ..وربي اموت بالسمان

اقووول ليه اخلاق حلووووه ومرحه اثاريك من اكل الكاكاو ..سمعت يقولون يعدل النفسيه

عز الله ما جمع الا كمل..

شووفي اذا تتريين نصيحتي ..مالك الا انك تاكلين عشان تزين نفسيتك

وخلي خطك سته ..كل واحد يكتب على مقاسه <<ما تبغى تحطمه اثمن تجيها حاله نفسيه

ههههههههههههههههههههههههه ههههههههههههه

اما على رمستك والله فهمناها زين ...بس جبتني كلمة

زكر=زقر يعني نادى..

ومشكوووره حبيبيتي على الموضع الناااايس والله لا يحرمنا من طلاتك علانا

اختك فش فاشه[/mark]

[ابو تبله]

مشكووووووووور