[poem=font="Simplified Arabic,4,black,normal,normal" bkcolor="transparent" bkimage="backgrounds/6.gif" border="inset,4,burlywood" type=2 line=1 align=center use=ex num="0,black"]
الخوه الي ماتشيد على ساس=ودك عواصيف الزمان اتهدمها
ويامك الي ماتبين لك الناس=اخير منها يالبنادم عدمها
والمجلس الي مايجي فيه مجلاس =ربع(ن)سوالفهم معك تحترمها
خله ليا جا فيه واشي وبلاس=مالك بناس(ن) طيبها في لحمها
سج القدم و انصك لا ترخي الراس=الرازق الي جابها من عدمها
وبعض العرب لا يعجبك بشت ولباس=ماهو بكفو الي اتسرح غنمها
وانصحك عن عذراً تجيب الك الافلاس=في غيبتك للعود يقشر نسمها
للباب عن ضيفك تحط الف ترباس=تخاف تنقص لقمة(ن) من لقمها
والجار لاتنساه في ضيق الاتعاس=جميلة(ن)ترفعك معه اغتنمها
وصل القرابه لو بهم بعض الانجاس=ابن المواصل لو بهم من هدمها
وسجد ترى المعبود قطاف الانفاس=عنده نعيم ونار(ن) انته وضمها
قلته بعد دليت للجم الامراس=من وقتي الي حدب صدري حطمها
يلعبي الهوجاس واسوق وسواس=اسمع ظلوعي تنصرم من حدمها
لكن من لاقاس ماهوب غطاس=قولي وخطتبه يدي مع قلمها
من نضم راسي والطواريق نوماس=لازانت القيفان للي نضمها
تضحك لك السبحه ويرضاك قرطاس=ونقد(ن)على الي قالها ماعصمها
اخلط بها الريحان ونثر بها الماس=ورقص لها لاشفت سيفك قسمها
تطربك لا جا يمها كل عساس=وغنا ومن زين المعاني لزمهااااا[/poem]
تم تعديل مجالس بمجلاس بعد تنويه اختي مشاعر حالمه
مشكورة