ذاكرة الأيام . .... .(Memory)
خلونا نرجع خمس طعش (( ياخي اكتب بالأرقام انت وخشتك )) سنة ورا ..
ناظر للساعة اللي بيدي ..
خل عينك عليها .
ورررررررررررررررر
ورررررررررررررررررررررررر ررررررررررررررررررررررر
ورررررررررررررررررررررررر ررررررررررررررررررررررررر رررررررررر
< === مسوي تنويم مغناطيسي
شكل مافيه احد نام .
ههههههههههههههههههههههههه هههه
قررررررررقبع .
وصلنا الحين لخمس طعش سنة وراء ..
الحين انت تدرس بصف ثالث إبتدائي ( ج )
ههههههههه
نبدأ بالبيت والمدرسة..
انت الحين نايم ..عشان المدرسة ..
شوي إلا امك وابوك ..
قم يامال الوجع اللي مدري وش يسوي بك .. قم للمدرسة ..
الولد هذا من هو صغير مايبي الدراسة ..والله الظاهر إنه ماهو بفالح بدراسته .
طبعا في اللحظة هذي الشايب يجي ويسوي نفسه مسيطر على الوضع .. ويبي يخرعك ..
يقوم يقول خلاص اصلا انا ابي افصله من المدرسة واخليه يجلس بالبيت ..
انت طبعا تتمنى إنك ماتدرس وتلعن ام ام اليوم اللي سجلوك فيه مدرسة .
< === يقوم بعد مطاق ..
تقوم تغسل وجهك . إلا اخوانك رازين خششهم على الفطور .. واللي يآكل قشطه واللي يآكل زيتونه وإلا طحينيه .
< == مالك نفس باي شئ .
تجي وتحط لقمتين بفمك . من دون نفس شوي إلا امك جايك تمشي مليوووووووون .
وين الفسحه حقتك .
طبعا انت مالك نفس تآكل...
تقول لها إنك ماتبي .
تقوم وتعطيك فسحتك . وهي عبارة عن خبزة صامولية .فيها مايسمى بالجبن او أي شئ ثاني .
بعدها تروح ترز خشتك عند الشايب عشان يعطيك فلوس .. يطقك بكم ريال . وتروح.
من هنا تبدأ المأساة .
الطابور .
تجي تدخل المدرسة . تقلى البواب .
عاد من اول نحسد عيال البواب .. لان ابوهم عندهم في المدرسة .
تصف الطابور وانواع التمارين بعد السلام الملكي .
اول ماتبدأ الحصة إلا المدرس المصري .جايك يمشي مليون .
طبعا من اول مافيه مدرسين سعوديين مافيه إلا المدير سعودي بس .
والبواب طبعا .
هههههههههه
يدخل الفصل ونفسه بطرف خشمه . وتلقاه مآكل خيار لين دايخ .
يقووم يدرسك ويقريك .
شوي إلا اهو يقول .. ياجزم ياحيوانات . اصلا انتوا عاوزين تربيه من جديد .
ماتدري إلا والطبشوره جاية في خشتك ..
وانواع التسطير والبقوس .
عاد تلقى في كل صف . 3 او اربعة اجانب يامصريين او أردنين .
وواحد سوداني ابوه مدرس رياضيات .
ههههههه
عاد انت انواع الحقد عليهم .. تقول لعنبوا عدوينهم شلون يطلعون دوافير .
< == ناجح بتقدير ممتاز والحمد لله .
من تجي الفسحه .
إلا يوم تروح تقعد بالساحه . انواع الطرد انت الطلاب . .وماتخلص الفسحه إلا وثوبك من عند ركبك .. متقطع من كثر ماجيت مجاوب على خشتك اكثر من مره .
لا وعاد من زين الطبايع . مانلعب بكوره . لانلعب بغطى بيبسي ..
< === فدغان اهم صغار .
المهم إن احلى حصه عندك اهي حصة الرياضة ..
ياويل قلبي . على الكوره .
واحسن مدرس عندنا كان مدرس الرياضة ..
نحبه موت .
المهم إنه من يطلعنا .. للملعب . ويفلتنا . .نصير زي ....... يوم تفك لها الحوش
والمصيبه إنا من نلعب لين ننتهي مانشوف بعض .. تدرون ليه ؟؟؟؟؟؟؟؟
من كثر الغبار والله ..
بعد كذا نروح نغسل ,,ونصلي بالمسجد .. وبعدها كل واحد يناقز من كرسيه بالحصه السادسة . نبي الطلعة باللي اهي به .
من يوم يدق الجرس ..إلا المطاق على الباب .
عاد المشكله إن فيه من اول حركة نسويها واهي الطلعة بسرعه يعني من يوم يدق الجرس وانت تركض لين توصل للباب .مادري وش الحكمة منها مع إنك لما تطلع تحس إنك ماسويت شئ مفيد .
المهم . تروح للبيت ..
تلقى الغدى والم . سلمك الله . تطقها غدوه . .وتتنح
تتنح ..
تتنح . لين يجي العصر ..
بعدها تروح ترز وجهك على التلفزيون ..
تستنى قرينديزر ..
أو ماوكلي . او عدنان ولينا . او هايدي .وإلا فلونه ..
< == ميت مع هايدي وحاقد على بيتر مايدانيه .
واول ما تبدأ انواع التتنيح . والله لو ينفجر بجنبك لغم ارضي مضاد للأفراد ماتحرك رمش منك .
تلقاك منبطح على بطنك .. ومتابع من قلب . ورجولك قاعد تصقع ببعض .
ومن تنتهي ..
تزبن الشارع . لان فيه هناك الدوري الاسباني ينتظرك..
تقوم تحوس نفسك بالغبار وانواع التكسير . وصفق السيقان ..
لا والمشكله الكبيره لما تنرفع كوره .
تسمع صقع الصلعات ببعض ..
((طبعا من اول ممنوع تطول شعرك.. لازم رقم 3 ... يعني مافيه تواليت ..))
ههههههههههههههههههه
قديم صح .
المهم إنه يوم يأذن المغرب إلا ابوك جاي يدورك بالسيارة ..
واول مايلقاك .. يمحطك بكفين .. ويركبك بالسيارة .
وانت ماغير( تناشق) من كثر مانت تراكض طول عصرك .
تجي بعدها . وتتسبح .. وتغسل كراعينك .. وتلقى انواع القزاز مشلخها .
تروح للصالة ..وتجلس .. تناظر صلاة المغرب بالمدينة المنوره .
بعدها يجيك مسلسل بدوي .. يمرضك مرض .. .. وودك إنه ينتهي .
واللي يخوفك منه كله إنك تتخرع من صوت الذيابة اللي بالمسلسل .,...., ..,
ينتهي المسلسل .
تجي للوقت الميت اللي بين المغرب والعشاء ...
وانت جالس ماعندك من الشيطان طاري .. إلا ابوك واقف عندك ..
قم ياقايم عصبك .. وراك ماتروح تجيب خبز.؟؟
<= == انت وعلامة إستفهام فوق راسك ..
طيب ماحد قال لي ..
يقول لك يالله الحين انا قلت لك ..
< == تصير اخلاقك بنص ريال .. وماتلقى احد تنفخ عليه إلا الهندي حق البقالة ..
تجيب 2 خبز عادي و 1 صامولي . وتآخذ لك بيبسي بريال .
وتقعد تتجغمه شوي شوي عشان مايخلص بسرعه .
تجي للبيت .. إلا صلاة العشاء بمكه .
<= -=== انت باللحظه هذي ودك تحل واجباتك . بس مالك خاطر . تقول ماهي مشكله . بكره بفترة الـ 5 دقائق بين الحصص . احله .
طبعا تشاور نفسك وتعطي نفسك القرار وانت واقف تناظر للشنطه حقتك . .
تذب الشنطه بالكبت ..
تجي للصالة تلقى الأهل مجتمعين والشاي موجود ..
انت سعبولتك تقطر عليه ودك تشرب بس من يوم تطري انك تبي شاي ..
تقوم الدنيا ولا تقعد .. انت ماغير تشرب شاي ولا تذاكر .. والشاي يخليك تسهر والشاي يضر صحتك .
لين تطفش من هدومك وودك إنك قاعد باحترامك بدل ماتتهزئ التهزيئه هذي .
بعدها تروح تحط راسك وتنخمد وانت تفكر ..
تفكر
تفكر .. ..
كيف تلقى وقت تحل الواجب بالـــ 5 دقائق بين الحصص..
ويبدا بعدها يوم جديد والحالة نفس الحالة والمعاناة نفسها .
وإلى يوم آخر من ايام الدجة الخبال في المتوسطه والثانوي ومابعد الثانوي .. .
بدوووووووووووووووووري