السلام عليكم ورحمة الله وبركاته
اليكم وتراها بغبار الوكاله وقراطيس المراتب عليها للحين .
[poem=font="Simplified Arabic,5,purple,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
غاب نور القمر واخذني الهاجوس =بين جمعٍ غفير وضعت فالطوشه
فيه ناسٍ تحوس وفيه ناس تدوس = مير انا رحت ماقد قامت الهوشه
رحت من واهجٍ جوى الحشا محسوس = اوجده حبٍ تحاصرني جيوشه
خش للقلب سيده حرفنت جاسوس = شيّد البيت واسس قاعدة حوشه
حط له في هوامش مهجتي قاموس = ذكرياته على الأضلاع منقوشه
واعلن انه ملك قلبي وحاسه حوس = واسكنه مهرةٍ بالطيب مرشوشه
اوقدت بالغلا في قلبي الفانوس = فاتنة زين جذابة وفرفوشه
كونت من تجارب ماكتبت دروس = اكتب التجربه والصبح ملطوشه
واعلنت شرشحة قلبي بحد الموس = بعد ماكان في جنات معروشه
تشعره بالحنان وتنبله بالقوس = جفنها صوبتني حدة رموشه
بعد خلت سعد في حبها مهووس = ارسلت وجهها الثاني بشاكوشه
جددت قصة الريس مع المريوس = بعد صارت فصول العرض مغشوشه
واخسرت قلب ماسام الذمم بفلوس = طيبته للقلوب البيض مفروشه
من تظنون حظه فالحدث منحوس = صاحب القلب والا صاحب الشوشه [/poem]
رد مع اقتباس
