البارحه وانا نايم تحلمت حلم >>>> تحلمت حلم ...بالله عليك .
تحلمت اني طفشان وجالس بلحالي ..
قلت ياولد ليش ماروح اسير ..عليّ انا..
المهم والبس واروح لي .. واطق الباب علي..
وافتح لي .. وارحب بي واهلي بي ..
ياهلا بي .. ويامرحبا بي والله ..
واقلطني .. واجلس قدامي .. واسولف معي ..
والله يانا وياي انبسطنا بسط .. وناسه من جد ..
ويطق الباب .. واروح افتح والقى ابو جاسم وابوجهل وتوني بلير ..
والله وادخلهم في المجلس .. واعرفهم عليّ ..
قلت حياالله ابو جهل.. قال عمت مساءً أيها السفسطي ..
قلت افاااااااااااااااااا ..
قالي بصوت متهدج ..هه هه هه هه.. هذة تحيه الصباح لدي .. ايها المعتوه.
قلت الشرهه على انا اللي مضيع وقتي معك ..اجل تحية الصباح عمت مساء.. انت وذا العيون اللي كنها نادي الرياض ..
قال :- واللات والعنزه .. لاذبحنك ذبح الدجاجه ..
قلت لاتخليني افكني عليك ... ثم اسويلك خربشه عينين ..خخخخخخخخخخخ
والتفت لتوني بلير .. قلت كيف حالك يابو بلير ..
قال زي مايقول ابو جهل انا معه ..
قلت :- افا ..انت مالك شخصيه ابد .. لازم تدرعم وراء واحد .. في العلم بوش.. وفي الحلم ابو جهل ..
قام يبكي .. قال مشكلتي .. ان طفولتي معذبه ..وابوي ماكان يحب امي ..
المشكله انه يبكي ويشكي وابو جاسم بيموت ضحك ..وكل مازاد بكاء ..زاد ابو جاسم ضحك ؟؟؟
قلت لحظه توني بالله ..
بو جاسم وش اللي يضحكك؟؟؟
قال :- ابو عدي .. طفولته العن من كذا مليون مره .. وقوي وصار حاكم العراق العظيم .. وهالرخمه ..عشان ابوه مايحب امه قاعد يبكي ..
قلت قوموااطلعوا برااا ..
وطراااااااااااااااااااااا ااااخ >>>لابو جهل
طرااااااااااااااااااااااا ااااخ>>>>> لتوني
طرااااااااااااااااااااااا ااااخ>>>>>>لابو جسوم .
وأشوتهم براااا..
واقعد اعتذر مني .. وأتأسف مني ..على اللي صار ..
واقول لي .. هالعيال ذولي .. لاتشرهه عليهم ..هذولي ((المهابيل الثلاثه ))... حقين الحاره ..
قلتلي .. بالله تعال شوفهم ..
واطلع انا وياي مباشره ..للشارع ..
واقعد اوريني الثلاثه يمشون ..
الشارع طويل وعريض ..
وهم يمشون جنب بعض ..
ابو جهل بدأ يحذف يمين ..
وبلير يحذف يسار ..
مثل الزوج اللي في موضوع الفيصل ..
وابو جسوم يمشي ويتمخطر بينهم ويضحك ..
وعلى نهايه الشارع ...صار كل واحد في وادي ..
عاد الباقي كملوه انتم
تحياتي
الوزير
رد مع اقتباس
