[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ترى النشاما ان قلت تكفىى يدوخون = بس انتبه لاتقول تكفى على خبال
يابوك انا لامن تحمست مجنووون=أنسف هدوئي وانقلب طيش وهبال
ماكني الا كالهمر في ماراثون=لكن افكر فكر رجلٍ على دلال
أدرس طقوس السالفه كيف وشلون= واجيبها من قبل لاتشف فنجال
وان قلت راسي بالمجانين مسكون = شيوخ جن ولا بهم مثلك سفال
لاتحسبني يوم اجاملك مغبون =أنا كذا طبعي مؤدب ورجال
أن جيتني طيبه انا اجيك ممنون = وان جيتني ضايق انا جيتك امال امال امال
وان جيتني ظلما انا جيتك عيون =اكشف دواسيسك واقيدك بحبال
وان جيتني ريبه انا جيتك ظنون = ما امنك لو ترمي وسط حضني عقال
ولا تقول تكفى ياعسىى مالك سنون = ماعاد باقي غير نفزع مع اطفال
تدري النشاما ان قلت تكفىى يدوخون = بس انتبه لاتقول تكفى على خبال [/poem]