المشهد ..درامي حزين ..
الممثلون .. رجل مسلم .. جلاد خسيس .. حبل .. عيد النحر..
[poem=font="Simplified Arabic,5,black,bold,normal" bkcolor="white" bkimage="" border="solid,3,gray" type=0 line=0 align=center use=ex num="0,black"]
ياعرب والذيب يلعب في حماكم وشبلاكم = مابكم نخوة ولا فيكم بقايا من حميــــــــــه
اشربوا كاس المهانة لاجبر ربي عزاكم = وش بقا اللي ماوطاكم من صنوف العنجهيه
مالكم غير التوجد مثل ماتفعل نساكم = مجدكم تاريخ مظلم من بقايا الجاهليــــــــــــــه
لو كتبتوا وش كتبتوا يوم ربي ماهداكم = ماكتبتوا غير خيبه بالحروف الابجديــــــــه
ليت حبل المشنقه يمشي عليكم ذا جزاكم = ليت ماغابت عليكم شمس فيكم نفس حيه
خايبين الله يخيب من رفع صوته نخاكم = الله انه لايبيض وجه من خان القضـــــــيه
وينكم في كل موقف مايبين الا رداكم = مابكم غير النطيحه والهزيله والرديـــــــــــه
هرجكم واجد ولكن من بغاكم مالقاكم = وينكم وين العوايد والسلوم اليعربيــــــــــــه
شركم طال الصديق وخيركم يلعن ثواكم = ارتديتوا غالي الملبوس في عيد الضحيه
لو لكم قدر وحشيمه مانثر بالعيد ماكم = لكن الدعوى تحدي والوليمه شاذلــــــــــيه
اقضبوا صف الكراسي واحجزوها لعملاكم = سود الله ذا الوجيه الباردات العاطفيـــه
مثلكم مثل البهايم كل من جاكم وطاكم = الخناجر في يديكم مير بلواكم خفيــــــــــــــه
أعلنوا يوم الحداد وعلقوا صورة عصاكم = ياسلايل مجد هاشم وين روح الهاشميه
البسوا سود اللثايم وانتفوا معها لحاكم = والشوارب شذبوها مالها أية قابليــــــــــه
كان ربي ماحماكم بوش والله ماحماكم = النهاية للنهايه موتكم جاكم هديــــــــــــــه
مالكين الارض لكن من يغطيها سماكم = فوقكم رب الاراضي ياخذ حقوق الرعيــه
ياديار العرب قولي وينهم عشرين حاكم = كلهم شافوا خطيه ليه ماقالوا خطيـــــــه
انتهى الاول ضحيه علمونا وش وراكم= ماسمعنا في حماكم غير نوح الراعبيــــــــــه
ياعرب دارت عليكم جاكم الملعون جاكم = مشتهي عنز المراعي والتيوس العارضيه
ياكثر ماصاح صياح الظليمه واحتراكم = مابقي للورد شكوى عند كاس المزهريه
الغدا بالبيت الابيض مير من يضمن عشاكم = الوفا والود كله للعيون الرافضيــــــه
افطنوا للهيس الاربد والله انه مانساكم = كل ابوكم حنبليه شافعيه مالكيــــــــــــــــه
اسمعوني وافهموني واحقنوا باقي دماكم = قبل مايضحك عليكم بالعروض المسرحيه
إيه ياتاريخ سجل ماجرى وسط المحاكم = ياصباح العيد الاسود وانتحار القادسيه[/poem]
القصيدة بصوتي ..
[rams]http://www.electvillage.com/files/up10/naser2007.rm[/rams]
رد مع اقتباس
