من ضمن سلسلة فروعنا المجنونيه.... فتحنا فرع جديد أسمه
(تعرف على شخصيتك من أسمك)
وهذا القسم يعطي المتسائلين نبذه مختصره عن شخصياتهم من أسمائهم
أو نعرف شخصيته من طوله ووزنه أو لوحة سيارته
أو نعرف شخصيته من عدد شعر رأسه أو مقاس شباشب شغالتهم
أو من مجموع مشاركاته في المنتدى أو حتى من النك حقه بالمنتدى ....
ودراستي هذه مبنيه على أصول وقواعد ولا وش زود ماجي فرح ولا ماجي غدا
ولا الألوسي الحمد لله والشكر يلعبون على الناس وكل يوم طالعين بحكايه ...
وسوف استعرض هذه المره أسماء البنات وشخصياتهم من أسمائهن ::::
أول وحده أسم الوالده :
(نوره) هذي تحب النور ومرحه وعندها عادة تطليع اللسان في كل سالفه تقولها وتحب التميس ...
(غاده) تحب الأكل الخارجي وخاصة الغدا وفيها تورم في الغدة الدرقية عادة حاولي تنتحري بأقرب فرصه.
(موضي) تحب تتمضمض <<< صح كيذا ... كثير ولا تواطن المعجون وتحب تتمشى في أبو ريالين ولا تعقدك سمنتك
وخففي من الفصفص والكراث ...
(مشاعل) تحب إشعال الحرائق في غرفة النوم ... مستقبلك مشرق لكن إذا تزوجتي بيظلم هوايتك جميع الطوابع
والمصارخ بالليل...
(أمل) مالها أمل في أنها تكون غنيه بيوم من الأيام وتنوم عند مكيف صحراوي وتحب الزبادي وحواجبها حاته من الله ...
(مها) جميله ولكنها فديغه ومفهيه يعني بطه وغبيه لا تيأسي وأقرأي كثيراً ولا تعلقين صراويلك بالحمام.
(منال) جميله ومملوحه وست بيت بس إذا عصبت أبعد عنها المسدس هوايتها التمغط ... وترفيس اللي حولها.
(البندري) تحب البندوره (الطماط) وحولاء عاده وهوايتها تمطيخ (حبحبة) البزران (الأطفال).
(هيفاء / روبي / أليسا / ألين / زينب) كثيرات اللي يكرهونك من صديقاتك حاولي خنق نفسك أو رمي نفسك على
أقرب وايت مكيم .... يعني طاق الطبلون ومعبي مويه ولا ديزل أثقل شوي ...
(ريم) ربة بيت سنعه أحسن شي تصلحه الشاهي والبيض المسلوق خوافه ولكن حاولي أن ترمي نفسك بقفص الأسد
ودافعي عن نفسك لعل وعسى أن يزيدك هذا شجاعه...
(سلمى) مسلمه ومسالمه وتحب تسلم على كل الناس حتى الرجاجيل ... وتحب العدس والكمونيه...
(فاطمه) ما فيه أمل تنفطم وتقدر الحليب وتقدر أيضاً قرارة القدر حق الرز المحترق ...
(ساره) دايم مسروره وتحب تقول أسرار وفتحت سرها كبيره وتحب السراوه وتموت بالسوامر..
(سلوى) تحب الجح وتغني وهي تتروش وهوايتها التغاررررر يعني آآآآآآآآآآآآآععععععع ...
(منيره) هذي تحس أنها لمبه منوره وتحب تولع النور وعادة تكون طويله وهبيله وهوايتها جمع الجزم والشباصات.
(منى) تحب تتمنى أي شي صعب .. رومانسيه مع أن ريحتها شينه بس حاولي تتروشين بقاز.. لعلى وعسى
(الجوهره) ما شافت بحياتها عيشه ولا مجوهرات ولا نعمه وطفرانه ودايم أنتي عاله وبراطمك كبار...
(ليلى) تحب تنام النهار وتقوم الليل كنها بومه وعيونها ناعسه وتحب المطامر... حاولي تركدين...
(عبير) سبحان الله هذي مروحه وخايسه وتتروش بس بالمناسبات وبالواسطه ومعصقله وغبيه وتحب أكل الضبان..
(عايشه) تحب العيش وتكره الموت بس لا تفرحين ما فيه أمل ياصل عمرك (30) سنه ألا وتموتين أنشاء الله وأن وصلتيه
فبعد وصول هذه المعلومه لك بعد سبع دقائق أنشاء الله تموتين ...
(علياء) طموحك كبير وهو اللي بيوديك بداهيه .. دبا .. رجليك كلها يسار ... وكل محاولاتك لتخفيف وزنك سيترتب عليها
موت أحد أقاربك ..
(حصه) تحب الدراسة وخاصة حصة الجغرافيا بس مستقبلها مظلم وتسعبل كثير ... لا تتزوجين .. وإن كنتي متزوجه أطلبي
الطلاق ... لكي تعيشي بمستقبلك المظلم براحه .... ومن غير تنغيص على أحد ...
(لطيفه) مقروده مع أنها لطيفة التعامل لكن صادقي الحشرات وخاصة الصرصار فهو سينقذك من مصيبة ستقع على
رأسك .... وحاولي ألا يسبب الشعر اللي طالع بأذانك وعقده لك ... (يمدحون التشقير) ...
(شيخه / أميره / ملاك) طفرانات وشينات ومغرورات وبثرات رفيقهن الفكس والصعارير والديرمان ....
(فوزيه) تحب تفوز لكن لن تفوز بأي مسابقه تدخلها وإن فازت ففيها نهايتها ووفاتها لإنها ستصاب بأزمه قلبيه...
الموضوع مبني على دراسات سابقه وأكدته دراسة قمت بها بجامعة كامبريدج بمقديشو ...
وعلى الباحثين عن التعرف عن شخصياتهم أكثر بإستطاعتهم أن يكتبوا أسمائهن وأبراجهن سواء
(الجدي أو العناق أو الحوت أو الثور أو الدلو أو السطل)
لكي أنير لهم طريقهم ...
والسلام عليكم ورحمة الله وبركاته ....
في المره القادمه أسماء الرجال ...
ثم بعدها (أسماء الأعضاء)
وسوف يكون بالرغبه
ولا أحد ينصرع أو ينجلط من هول إسمه
وبالتوفيق للجميع
رد مع اقتباس
...الله يسامحك ياجدتي كانك وهقتيني بهالاسم:زعلان:
[/align]
المشاركة الأصلية كتبت بواسطة مجنووووونكـ
[/mark]
