,
,
,
,
بكل الحب ولأساتذة الشعر في غرابيل الحب وأعضائه مع كل المودة
جديدي لقلوبكم النقية...
.
.
[poem=font="Simplified Arabic,5,black,bold,normal" bkcolor="transparent" bkimage="backgrounds/43.gif" border="double,4,black" type=2 line=0 align=center use=ex num="0,black"]
قررت من بعد الجفا اترك الدار = واطير لقلوبٍ تقدّر وجودي
وأوعدك أنا ما بقى و لو جبت الأعذار=والله ما اخلف لجل عينك وعودي
كنت أحسب إن الحب تقدير وإيثار= وكنت أحسب إن الحب مثلي يجودي
وكنت احفظ العشرة وكنت أكتم أسرار = حتى حدودي ما تعدى حدودي
وكنت أتحمّل والصدر داخله نار =وأقول في نفسي يجيبك صمودي
لكن قتلت القلب مع سبق الإصرار=وما فادني في كسب قلبك برودي
الحب عندك لو حسبته بالأصفار= والحب عندي لو حسبته يزودي
محتار !! ؟ تستاهل تجي اليوم محتار= بهديك أنا من بعد حبي,, صدودي
لا تحسب أني بعد فرقاك بنهار = اشتد من زود المعاناة عودي
لا لا تناديني بعد كل ما صار=ولا لا تقول اليوم بالله عودي
ما عاد لك عندي معزة ومقدار = ألا أنك أنت إنسان مسلم سعودي
والله ما أبقى لو تحاصرني أسوار= حررت أنا من زود ظلمك قيودي
وقررت أغادر واترك الحب والدار =واطير لقلوبٍ تقدّر وجودي
وش تنفعك عشرة عصافير لا طار= عصفورك اللي في يدينك ودودي
[/poem]
رد مع اقتباس
