[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سبع ساعات ٍ ادور لي على مطلع قصيده=سبع ساعات ٍ ولا بيت ٍ تجمـّل ياجماعه
حالة ٍ قشرا مابين بيوت تتوارد عديده=بيت يشطبني وبيت ٍ اشطبه في كل ساعه
يارد البيت الجميل وكل مااحبل له بصيده=طار ماكنه وردني ضاع واورثني ضياعه
قمت افكر لي بخطه لكن الخطه بليده=قلت ابصنع بيت واثر البيت ما يصنع صناعه
لين جتني هالقصيده فالمساء تمشي وحيده=مشية ٍ فيها معزة نفس وشوية مياعه
قلت يسعد هالمساء قالت هلا ليله سعيده=قلت من وين السعاده وشوف عينك هالبضاعه
قالت امرني تدلل وابشر بكل ما تريده=قلت بالله الحقيني هاجسي بارضه مجاعه
قالت اسمع ياعنيد الشعر انا راسي عنيده=المعاني ياحبيبي تطلب اقدام وشجاعه
كان تقدر تسحب الذرات من بطن الحديده=وكان تقدر تاقف بوجه النهر ساع اندفاعه
او فريحني وريح نفسك وراسل جريده=كل شي ٍ يقبلونه كان جاء قبل الطباعه
او تدوّر منتدى وتصير واحد من عبيده=شيّخ شيوخ وتعلم كل اساليب اللكاعه
قلت لا بالله انا عيني وهقواتي بعيده=الوغى عندي سيوفه والبحر عندي شراعه
شاعر ٍ لا تلها لك تلها لك من وريده=لا تقيشر قالت السجات له سمع ٍ وطاعه
كنت انا اول بستفيد الان انتي مستفيده=اتبعيني والله اني غير اوريك الفضاعه
صرت انا طلاب ملك وعرش ملكي باستعيده=لين تسقط لي حصون الشعر وتسلــّم قلاعه
مااتــّبع خطه قديمه واضع ٍ خطه جديده=خطة ٍ ما تعترف فالشعر بحدود القناعه
لين اخلي هالشعر عندي اسير ٍ وسط قيده=ولين يناديني بتكفى يااخوي من الرضاعه
عندها ممكن اوقـّـف ثم افكه ثم ازيده=بالعفو واعطيه عفو المقتدر وقت استطاعه
قالت الان انتهينا قلت بدري ياقصيده=قالت اصلا جيت احرك فيك تيار البراعه
كنت انا احبك لي مكيده وانتهى حبك المكيده=هاجسك عود كما هو وكلها كانت اشاعه[/poem]
رد مع اقتباس
المشاركة الأصلية كتبت بواسطة مهدي بن مسفر بن عليان
