[poem=font="Arial,5,black,bold,italic" bkcolor="transparent" bkimage="backgrounds/18.gif" border="outset,8,gray" type=2 line=0 align=center use=ex num="0,black"]
جـــانــا الخبــر ياليتــنا ما سمعـنــاه =خلي حزيــن ويشتكـي جــور عمـــه
ابوهــا ميًـت ماترك غيــر ذكــراه= والنــاس تــلدغ مالــها اليوم ذمـــه
صاحت يتيمــه قلــت يابــنت عــزاه =قــالــت شربت المــر وياشين سمـــه
وابــوي لامنــي تذكــرت حليــاه =افــز واركــض يــم ثوبــه واشمـــه
والموقــف الي تــل قــلبــي من اقــصـاه =شفـت الاوادم للمــقابر تزمــه
منهــو يسلــي خاطــري عقـب فرقــاه = ومنــهو عقــب فرقــاه حزنــي يلمــه
قلــت اصبري ...يابنــت ورجــواك بااللــه =ربــك عليــم بجــور قلبــك وغمــه
كــل ٍ يمـوت ومع شـقــا الوقــت ننســاه =ودرب القــدر يابنــت ماشيـن يمـــه
انا عويــنـك لاتقوليــن ....ويــلاه =وحــب الشــرف يانوف مـاحــدٍ يذمـــه
قلــبي على قلبــك ومــبداك مــبداه =وحــبك يضــخ الــدم بعــروق دمـــه
يابنـت انا قلبــي من اردى مــزايــاه =لاحــب مخــلوقٍ يســاويه بمــــه
جيــتك باشيــل الحزن واخفــي بقــايــاه =والله يقدرنــي على شيــل همـــه
عنــيــت انا للي خبيــثه نوايــاه =وأهنت قلــبٍ مسكـــنه راس قمـــه
وفــزًعت انا الجـاهــات والنـاس تنخــاه =وجبــت المشايــخ والعرب والأئــمه
وعيــا ..يلبي مطلبــي كيــف ابرجــاه =وكــل الوســايل اصبحــت ماتهمـــه
ضــاقت عليــنا ضيًـــق اللــه دنيـــاه=وش حالــنا وارواحنـا مستهمـــه
وعــذب غلانــا واتعــب الحــال بقضــاه=والقلــب يصرخ يرتجــي منــه ضمـــه
ان مــت روحـي لريًــش العــيــن مـهــداه = صــرنا ضحايــا والسبــب جور عمــــه ......[/poem]
رد مع اقتباس
المشاركة الأصلية كتبت بواسطة عبدالمجيدالعنزي
[/align]
