[align=center]مشاركه اولى ومتواضعه بين يديكم
ولا نستغني عن نصايحكم[/align]
[poem=font="Simplified Arabic,4,darkred,bold,normal" bkcolor="transparent" bkimage="" border="double,3,gray" type=2 line=0 align=center use=ex num="0,black"]
عندك خبر اني من البعد مليت =عندك خبر اني اعاني واعاني
على جمرك وطيت ولاما توطيت=الا على وردي وشيحي وريحاني!!
حبك زرعته داخل الروح واسقيت=بذرة غلاك وكل عرق(ن) سقاني
غالي الامن رحت وغالي الا جيت=متربع(ن) وسط الحشا والمحاني
ازريت عنك ابعد الفكر وازريت= أنسى كلام(ن) حـلو قلته عشاني
لامن ذكرت اللي مضا وراح هليت=دمعن تحجر وسط عيني عماني
نهيت دمعي لا يتــّحدّر وعييت = لكّن دمعي لا تجبــّر عصاني
لولا الحيا عند العرب كان شقيت=جيبي وقمت العن حظوظ الزماني
ما كنت اضن الحب لامني حبيت =يذل رجل(ن) يزبنه كـّل جاني
اكبر خطا يوم اني حبيت واوفيت=نسيت نفسي والزمن والمكاني
وصيتي لك واسمع اسمع اذا اوصيت=فتــّح أذانيك وركــّز ثواني
ماهوب في صالحك لامن تعزويت=يهتز وادينا ويسبيك ودعاني
.
.
سعد الفيصل[/poem]
رد مع اقتباس
