صدناك ياحلو....الحلقه الثانيه

[نبـض]

السسسسسسسسسلامو عليكوووووووووم


















المقدمه...آآآآآآه يالمقدمه
لولا المقدمه كان حنا بخير
يقول لك في عام 1893 توفّى كاتب بريطاني بسبب المقدمه
وفي عام 1947 اصيب رجل في الثلـ====يرحم امك اسكتي غثّيتينا بهالمعلومات

خلونا ندخل بالسالفه






بعد ان قمنا بأصطياد الفأره امل عبد العزيز===فأره تاكل راسك قولي آمين




على هذا الرابط

http://www.sfsaleh.com/vb/showthread.php?t=84103




اليوم جبنا لكم صيده جديده


صيده لسيت كـ كل الصيدات


صيده رهيبه



مين تتوقعون ياترى؟؟

مين مين؟؟




شو بكوون ملّبكين هالئد


ماتخافوا مش انتّوا




شوووو؟؟

ماسمعت...شو عم تحكووو؟؟؟


لأه مش هيّ


شوو؟؟


لا كمان مش هيّ

ماحزرتوا



شوووووو


زهئتوا؟؟

خلص مافيكون تحزّروا؟؟===نبض قسم بالله لاعت كبدي مهوب لايق عليتس لبناني


طيب بقول لكم مييييين


هالمره


راح نصيد





الاخ


الرائع


والمحترم


والخلوق


والمصرقع

والمرجوج

والخبل===وراك خربتيها



ص





ا






ل





ح




ا





ل





ر




و



ق




ي








صااااااالح الرووووووووقي


يالله كلنا بصوت واحد نقول





















































لا غلط مو صدناك ياحلو

تعالوا نقول

ياهلا وياغلا فيك ...


يالله كل واحد يستلمه اسأله

وانا اول وحده ببدأ






س1: بما انك طحت بيدينا..بالله ماتحس ان امك داعيتن عليك؟؟
س2.شائت الاقدار اني اصير زوجتك على سنه الله ورسوله...بالله ماتحس ان امك داعيتن عليك برضو؟؟
س3: اكشتفت عن طريق الصدفه اني صديقة اختك..وكل هبالك اللي بالنت منقول بالتفصيل عند اختك..بالله ماتحس ان امك داعيتن عليك للمره الثالثه==وش ذا الام اللي تمشي وتدعي
س4:س2:كم مره حسيت ان ودك تموت غير هالمره؟؟..ماتحس ان امك داعيتن عليك===خلاص عاد مصختيها
س5:كم شماغ عندك؟ وليه؟؟
س6: وش نوع سيارتك؟؟ وهل انت من محبّين ددسن ابو غماره والا غمارتين؟؟
س7: مين تحب اكثر؟ الفازلين والا الفكس؟؟مع الشرح بالتفصيل...
س8:اختار 3 من اعضاء المنتدى ووجّه لهم رسايل:mf_popean
س9: وش رايك فيني بالله:11retcher






راجعة لك بأسأله ثانيه كمان

بروح انوم الحين

يالله تصبحوون على خير

ط
ط
ط
طحياطي
نبووضه

[بنت الريف]

والله طحت يا صاااااااااااااااااااااااا االح ولاحد سمى عليك ....:هاها: :هاها:

بس احبيت اسلم عليكم ههههههههههههههههههههههههه هههههه



الله يعينك ياصااااااااااااااالح ياويلك بجيك اللي جاء للرهيبة وازود :هاها:

[صالح الروقي]

طبعاً الله يخااااااااااارجنا

وخلوها سهاااااااااااااله


والله يقدرنا عليكم

س1: بما انك طحت بيدينا..بالله ماتحس ان امك داعيتن عليك؟؟

لا لأني سألتها وقالت لا مادعيت

س2.شائت الاقدار اني اصير زوجتك على سنه الله ورسوله...بالله ماتحس ان امك داعيتن عليك برضو؟؟

عفواً جزء من النص مفقوووووووووود

س3: اكشتفت عن طريق الصدفه اني صديقة اختك..وكل هبالك اللي بالنت منقول بالتفصيل عند اختك..بالله ماتحس ان امك داعيتن عليك للمره الثالثه

ربما تكون الاجابه هناء نعم ويلزمني رضاء والدتي لكي لاتدعي علي ويتحقق ذلك

س4:كم مره حسيت ان ودك تموت غير هالمره؟؟..ماتحس ان امك داعيتن عليك

مره ونصف

س5:كم شماغ عندك؟ وليه؟؟

ثنتين والسبب من شان لما تكون وحده بالمغسله تكون الثانيه قيد الاستعمال واحياناً يتسلفها اخوي يوم ويرجعها

س6: وش نوع سيارتك؟؟ وهل انت من محبّين ددسن ابو غماره والا غمارتين؟؟

وكيلها عبداللطيف جميل

لا طبعاً غمارتين لأنها غماره وغماااااااااره

س7: مين تحب اكثر؟ الفازلين والا الفكس؟؟مع الشرح بالتفصيل...

الفازلين طبعاً لاني اكره النيفيا ولانه اسم مركب من فاز ولين هههههههههههه

س8:اختار 3 من اعضاء المنتدى ووجّه لهم رسايل

اولا : حضرتي

ثانياً : نبض القصيد
ثالثاً: كل عضوا في هذا المنتدى الراقي

ورسالتي هي اسأل الله العظيم اللذي جمعنا في هذا المتصفح ان يجمعنا في جنات النعيم

س9: وش رايك فيني بالله

المنتدى بدونك كالجوااااااااااال بدون ابراااااااااج

راجعة لك بأسأله ثانيه كمان

بروح انوم الحين

خليها خيارات وصح وخطاء افضل ههههههههههههههههههههههههه هه

[صالح الروقي]

والله طحت يا صاااااااااااااااااااااااا االح ولاحد سمى عليك ....:هاها: :هاها:

بس احبيت اسلم عليكم ههههههههههههههههههههههههه هههههه



الله يعينك ياصااااااااااااااالح ياويلك بجيك اللي جاء للرهيبة وازود :هاها:

وعليكم السلام بنت الريف

والله يعين الجميع

وبارك الله في من زاار وخفف ههههههههههههههه

[النجلاء]

أهلاً ومرحباً الاخ القدير صالح الروقي





وعندي سؤال واحد فقط


ماهو رأيك الشخصي عن الحب ؟


وشكراً لحضورك عزيزي

[سيف العدالة]

السلام عليكم ورحمة الله وبركاته


السؤال الأول\

157*3546=

جاوب بدون ماترجع للألة الحاسبة

السؤال الثاني

كم عمرك الآن بالثواني والدقايق والساعات


السؤال الثالث

كم مرة تعشيت وأنت مالك نفس


السؤال الرابع

هل حمل النملة 9اشهر ولاخمسة اشهر ؟

إذا الناموسة هجمت عليك هل تعتقد انها تتجرأ وتشرب من دمك ولاتقول لا...لا .....


حزر وش المسلسل الي انا جالسة اتابعه الآن ..........
إذا رأيت طيراً يطير وشربت جريش وجاك ضيوف فكم مرة تنام في اليوم


تسمع باأم سليمان صح الي لما نشوفها نمسكها ونغي لها ياأم سليمان ورينا ثوب سليمان

هي متى جابته ومتى فصلت له ثوب وعند أي خياط

ممنوع الغش لاتروح تصد لك أم سليمان وتسألها

[النجلاء]

خخخخخخخخخخخخخ لاتكون صدقت ياضيفنا العزيز



خخخخخخخخخ ماش ابو طبيع مايخلي طبعه حاولت في الرد السابق اني اكون آدميه رومانسيه خفيفة ظل بس تاتي الرماح بما لاتشتهي الثمامه هههههههههههههههه ,,,,

صدناك ياحلوووووووووو

ههههههههههههه الله جابك ونحمد الله الذي مكننا منك ياصويلح

واشكر نبووووضه على هالضيف المنتاز خخخخخخخخخخ راح فيها وبعد هالموضوع بيغير اسمه من صالح لمنتهي الصلاحيه ههههههههههههههههههههههههه


صويلح ,,, صلوووحي ,,, صلحلح تعال ابيك بكلمة راس

شف قسمن عظمن لو ماتجاوب كل الاسئله لاعاقبك على كل سؤال تطنشه بعشره غيره واللي اوله شرط آخره بقدونس اتفقنا ,, يله نبدا مع بعض رحله خفيفه في رحاب الاسئله خخخخخخخخخخ <<<<< ضحكه صفرا ووحده تفرك يديها ههههههههههههههههه


1 اذا افترضنا انك تشخر وانت نايم وهذا شكله صحيح اشرح متى كانت بداياتك مع الشخير ومن اول من اكتشفك وقدمك للجمهور ووش الطب والسواة فيك يامزعج مع ذكر موقف من مواقف شخيرك ماتنساه

2 النت ماذا قدم لصالح وماذا اخذ منه

3 مطربك المفضل واغنيتك المفضله وانشودتك المفضله يوم كنت نونو بزر يعني ولو تكرمت تكتب اللي حافظه منها وكم مره انضربت عليها ومن اللي ضربك عسى يديه ماتعرض على النار

4 مؤهلك التعليمي وشو بتعمل بالحياه لو كنت فارقت مقاعد الدراسه

5 من أقرب 3 اشخاص الى قلب صالح

6 من رفيق سفرك الدائم ومن الذي لاتستغني عن سماع صوته بشكل يومي مهما كانت الظرووووووف

7 اذا كنت متزوج اشرح ماهو الزواج في نظر صالح وهل ندمت على الزواج او هل تمنيت ان تكون قد تاخرت فيه ولماذا

8 كم مره طبخت الغدا بصراحه ونظفت البيت ولاتقول ولا مره ازعل عليك

9 هوايه يحبها صالح ولايمكن ان يتنازل عنها

10 ا كلنا نعرف بلد المليون شهيد الجزائر ههههههههه لا ماحزرت ما ابي اساميهم ,,, ابي ياطويل العمر ارقام فنايلهم الداخليه واحد واحد ووش كانت الوانها

11 لو كنت متزوج نبووووضه هل تحس ان امك داعيه عليك بليلة قدر وربي استجاب لدعاها <<< فيه فرق بالسؤال هنا عن سؤال نبوضه بليلة القدر

12 اقرب شخص لصالح الروقي بالمنتدى شخصياً ونفسياً

13 هل كنت تنام بالصف وفي اي ماده كنت تنام ومن المدرس او الدكتور اللي عمرك ماهضمته ولاهضمت مادته ووش الماده اللي تحس ان مال امها داعي ومضيعه للوقت بس ووش الماده اللي كنت تحبها من كل قلبك وتتحسف لو فاتتك حصه منها وهل كنت متفوق دراسياً او من جنبها

14 هل حسيت بانزعاج من اسئلتي ؟؟ ارجوك كوون صريح لاتستحي ,,, طيب نكمل الاسئله

15 تخيل انك ليلة زواجك دخلت تتروش وانقفل عليك باب الحمام وانكسر المفتاح في الباب ولا احد يدري عن مكانك والجوال برا يدق كل ثانيه والمسجات كل نص ثانيه وماعندك وسيله تكسر ام الباب فيها وملابسك برا ومافيه الا دريشه صغيره تطل على المنور من خامس طابق وطلعت معها ووصلت للسطح وانت ملط وكان برد مررررره ولقيت باب السطح مقفول ولايمديك ترجع للحمام مع المنور والشارع فاضي مافيه احد يسمعك لو صحت للصبح وش لووووون تتصرف عشان توصل للعرس اللي قرب ينتهي وحضرة جنابك ماشرفت للحين ؟؟؟

16 كم كان عمرك يوم صمت اول رمضان وكم يوم صمت منه والايام اللي صمتها متى تفطر الظهر ولا المغرب ومن اللي كان يغطي عليك ومن اللي كان يحرضك على الافطار ومن كان يشجعك تصوم لكن مانفع معاك ومن اللي كفشك وانت تاكل بنهار رمضان ياعاصي وين تروح من ربي بس ؟؟

ارجو عدم اغفال الاسئله المتفرعه من كل سؤال ولا قسمن عظمن ,,, الخ

امممممممممم لي عووووده بس خلني اروح افتح لي كم مرجع وادور لك كم سؤال

سي يوووو

[طيف]

:كلوش: :كلوش: :كلوش: :كلوش:


صالح الروقي ...


ما يخفى أبداً أنك شاعر ...


يالله يالله يا ابو عبدالله..

علمني الشعر من طاطا الى السلام عليكم ؟؟



لا تخطىء ثم اللقط وجهي بالشعر النبطي ...

[مي العقيلي]

حيالله صالح والله وجاك الموت ياتارك الصلاة
شوف ياصالح أخوي والله كان في بالي أسئلة كثيررررررررررة بس وربي سدت نفسي نجلاء يارب لك الحمد وش تاكل هالبنت؟؟<<<<مبققة عيونها
فالرحمة في الموقف هذي واجبة وأنا ياخوي ورحمة بحالك مابسالك غير سؤال وياليتك تكون فيه صريح معي عشان مارجع مرة ثانية لاسمح الله وسألك هههههههههه<<<<تعلمت النذالة من مشرفات الصرقعة


ص1- يقال أن صالح الروقي بعد ماتوفق في عمره وتزوج صار مايسهر والسؤال اللي يفر براسي الحين هل سبب سهرك في الزمن الماضي أنك كنت تشعر بالوحدة والإضمحلال والإنكسار على طريق خريص؟ أم أنك حينما كنت في هذذاك الزمن تسهر عشان السهر كان يخص الناس الفاضية وأنت الحين مشغول(بزي ) على طول ؟ أم أنك يوم سهرت ذيك السهرات كان سببها وجود ثغرة في طبقة الأوزون في دماغ حضرتك وبمجرد مارتبطت بشريكة عمرك تم سد الثغرات وكل الفجوات وصار مافيه طريق للتهريب<<<وين صار انبوب مو انسان ههههههه
وحيث أن الأطباء النفساوييون قد قالوا من زمن ليس بطويل ولابقصير أن الإرتباط بالرباط المقدس يجعل المرء يرقد مبكرا ولايستطيع السهر مطلقا لما يلاقيه من غسل وكنس وتعب وعلوم كبيرة يصعب حصرها في زمن العولمة البوشيي ؟
فلذالك أتمنى منك تفصيل كل نقطة وفصلها عن أختها عشان بكذا تكون حليت اللغز الكبير الذي لازال للحين ولبكرة يتدحرج في مخي وهو لماذا الشباب قبل الزواج يسهرون وبعد الزواج يرقدون؟؟



مع تحياتي إيمان بنورة من قناة الجزيرة:خجل:

[صالح الروقي]

هلا بالنجلاء مشرفتنا العزيزه

المهلي مايولي

تفضلي المحل محلك بس لا تطولين خخخخخخ

مااقدر اسوي شي معك خايف تحذفيني من الوجود :هاها

ماهو رأيك الشخصي عن الحب ؟

الحب هو شعور غريب لا يشعر به إلا من يحب
الحب كلمة تحمل حرفين ولكنها تتضمن الكثير من المعاني فهو الشوق واللهفة والحنان والعطاء والتضحية والتفاؤل والأمل الذي لا حدود له
فهو ينمو بالتواصل والاخلاص ويموت بالصد والهجران

ورائي الشخصي لاحياة بلا فصفص قصدي بلا حب ههههههههههههههههه

[صالح الروقي]

هلا بغدااااااااااد الامجاااااااااد منوره الحته

السؤال الأول\

157*3546=

جاوب بدون ماترجع للألة الحاسبة

النتيجه = فااااااااااي لان الضرب ممنووووع من قبل إدارة التعليم
خخخخخخخخخخخخخخخخخخخخخخخخخ

السؤال الثاني

كم عمرك الآن بالثواني والدقايق والساعات

عمري ماادري بالضبط لاني عملت Reset اي اعادة تشغيل للساعه وانمسح العداد

السؤال الثالث

كم مرة تعشيت وأنت مالك نفس

ثلاث مرات يومياً بعد الأكل

وصفه صارت

ههههههههه هههههههههههه

السؤال الرابع

هل حمل النملة 9اشهر ولاخمسة اشهر ؟

لا هذا ولا ذي ولكن حملها سنه ونصف

إذا الناموسة هجمت عليك هل تعتقد انها تتجرأ وتشرب من دمك ولاتقول لا...لا .....

اذا صلح لها دمي اوكيه ماعندي مشكله هي الخسرانه هههههههههه

حزر وش المسلسل الي انا جالسة اتابعه الآن ..........

اشواك نااااااااعمه

إذا رأيت طيراً يطير وشربت جريش وجاك ضيوف فكم مرة تنام في اليوم

ساعه انام وساعه اصحصح حتى يطسوووون الضيوف ولا اجي قبالهم واقعد انعس عشان يفهمونها ويطسوون


ام سليمااااااااان لااسمع بها وليست موجوده في القاموس

وهلا بك وخففي ثاني مره ترى دورك جااااااااااااي

[سيف العدالة]

الحين أسئلتي ماكانت خفيفة يعني

بالعكس كانت مثل رشة العطر يعني أعتبرها رشة عطر لتعطير الموضوع

وبعدين أم سليمان من مايعرفها

أتمنى عدم تطنيش السؤال وين خيطت ثوب ولدها سليمان مصرة على الأجابة عشان

نبي نخيط عند نفس الخياط

وبعدين

حزر وش بغيت أقول

والله لايجعل الدور يجي علي

وبعدين نبض تحبني صح يانبض وماترضى علي

من اجلي كلوا تونة بالجبنة

[صالح الروقي]

خخخخخخخخخخخخخ لاتكون صدقت ياضيفنا العزيز

كان يقول مامثلها احد اخف انساااااااانه على قلبه لكن عقب ذي هين هين دورك جاي ياسعيداان خخخخخخخخخخخخخخخخخخخخخ

خخخخخخخخخ ماش ابو طبيع مايخلي طبعه حاولت في الرد السابق اني اكون آدميه رومانسيه خفيفة ظل بس تاتي الرماح بما لاتشتهي الثمامه

مادام هذه المشرفه الله يستر من البقيه خخخخخخخخخخخخخخخخ

واشكر نبووووضه على هالضيف المنتاز خخخخخخخخخخ راح فيها وبعد هالموضوع بيغير اسمه من صالح لمنتهي الصلاحيه

ايه هين جاي دورك انتي ونبووووووضه ثمن ابري غليلي خخخخخخخخخخ
اصلاً انا ماركه عالميه ماتنتهي الصلاحيه خخخخخخخخخ

صويلح ,,, صلوووحي ,,, صلحلح تعال ابيك بكلمة راس

بسررررررعه اخلصي وش عندك

شف قسمن عظمن لو ماتجاوب كل الاسئله لاعاقبك على كل سؤال تطنشه بعشره غيره واللي اوله شرط آخره بقدونس اتفقنا

تهديد عينك عينك طيب سمي
<<<<خوووواااااااااف

اذا افترضنا انك تشخر وانت نايم وهذا شكله صحيح اش........الخ

لله الحمد والمنه معافى من الشخيرررر

2 النت ماذا قدم لصالح وماذا اخذ منه

قدم لي الكثير من العلوم والثقافه ومعرفة ناساً نبلاء واخذ مني الوقت كم ترون جالس ساعه اجاوب اسئلتك خخخخخخخخخخخخخخ

مطربي المفضل جاري البحث عنه

اغنيتي المفضله : تحت الانشاء
ولم يضربني احد مادمت ماشي الطريق السريع قصدي المستقيم خخخخخخخخخخخخ

مؤهلك التعليمي وشو بتعمل بالحياه لو كنت فارقت مقاعد الدراسه

مؤهلي التعليمي لم يتحدد بعد ولكن لي 18 سنه وانا اسير مقاعد الدراسه ولا زلت مواصلاً للمؤهل
وعملي موظف اكاديمي اعلم واتعلم

من أقرب 3 اشخاص الى قلب صالح

1 - الصالح
2- الوفي
3-المتسامح

من رفيق سفرك الدائم ومن الذي لاتستغني عن سماع صوته بشكل يومي مهما كانت الظرووووووف

مثلي في الحياه والدي اطال الله في عمره

7 اذا كنت متزوج اشرح ماهو الزواج في نظر صالح وهل ندمت على الزواج او هل تمنيت ان تكون قد تاخرت فيه ولماذا

الزواج ميثاق تراض وترابط شرعي بين رجل وامرأة على وجه الدوام،غايته الإحصان والعفاف وإنشاء أسرة مستقرة، برعاية الزوجين...
لم اندم ولله الحمد بالعكس لو علمت لعجلت به

كم مره طبخت الغدا بصراحه ونظفت البيت ولاتقول ولا مره ازعل عليك

مدة ثلاثة اشهر عندما كنت خارج السعوديه بسبب الدراسه

هوايه يحبها صالح ولايمكن ان يتنازل عنها

المقناص وطلعات البر
ج 10- عدي من 1الى المليون
ج11-اعتقد الجواب لا يمكن حظ ونصيب وليس للوالده دخل

اقرب شخص لصالح الروقي بالمنتدى شخصياً ونفسياً

كل عضو /عضوه يبادلني نفس الشعور

ج12- ابداً ماكنت انام كنت دااافور ولو تفوتني محاضره ادقها هاشميه هههههههه مصري الاخ

هل حسيت بانزعاج من اسئلتي ؟؟ ارجوك كوون صريح لاتستحي ,,, طيب نكمل الاسئله

لو كان الاخير لجاوبتك بالصراحه
ج15-الحمد لله فاتت تلك الليله
ج16 : مخلص خمس سنوات وداخل التاسعه ههههههههههههههه وكان صيامي للضهر وبعدها يثور المدفع الخاص بي
واول من كفشني جدتي وعطتني ريال اشتري من البقاله من شان مااحوس المطبخ خخخخخخخخخ

ارجو عدم اغفال الاسئله المتفرعه من كل سؤال ولا قسمن عظمن ,,, الخ

اضني ماقصرت ولا تركت شي كله خوف منك خخخخخخخخخخخخخ

امممممممممم لي عووووده بس خلني اروح افتح لي كم مرجع وادور لك كم سؤال

يقول فكه منك
وبعد على هذا كله تبي ترجعين الا يمدحون الراااااااااحه هههههههههههههههههههههه

النجلاء بسرررررررعه انا باانتظااااااااااارك خخخخخخخخخخخخخخ

تحاتي

[صالح الروقي]

صالح الروقي ...


ما يخفى أبداً أنك شاعر ...


يالله يالله يا ابو عبدالله..

علمني الشعر من طاطا الى السلام عليكم ؟؟

هلا جوري بريده تبين تكوني شاعره

احفظي الف بيت شعر وتصبحي شاعره

شفتي كيف الشعر ببسااااااطه

[صالح الروقي]

هلا مي العقيلي

منوره باطلتك

ورحم الله من رحم الناااااس هههههههههههههه

تفضلي بسؤالك على العين والراس

ج :::
من قال ان صالح مايسهر اكبر دليل هذا انا توي جلست معكم
فالسهر ليس لأحد دون احد السهر هوايه يحبها من يتلذذ بها ولكن السعيد من سهر في غير معصيه

بالنسبه لكلام الاطباء النفساويون اللي تقوليه يالبقااااااااشه خخخخخخخخخ ماله اي اساااااااس ولا قاعده ولا اتقيد به شخصياً

خخخخخخخخخخ

ولك تحياتي