المشاركة الأصلية كتبت بواسطة نياف العتيبي
جديده أتمنى أن ترتقي لذائقتكم..
[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="solid,4,black" type=2 line=0 align=center use=ex num="0,black"]
ناديتها واقفت تعاند زمانها = تخفي عذاب الروح تخفي هوانها
تشيل كبر طويق هم ٍ وضيقه = وتكف عبرات ٍ تزايد هتانها
أتكفكف العبرات باطراف شالها = وضاعت حروف السالفه بلسانها
تقول يانياف ضاعت دلايلي = الروح بين المطرقه وسندانها
حاولت اهديها واهدي لروعها = آخذ بخاطرها وخفف احزانها
لكنها مسترسله في همومها = من هول روعتها تزايد جنانها
تقول ابوي اليوم قرر مصيرنا = كلّ الاماني مغلق ٍ بيبانها
يقول مالك بالبشر غير واحد = تقفي بك الدنيا او اقبل زمانها
وانا سوى نياف ماني بعاشقه = حتى لو إن الروح تجلب كفانها
قلت اسمعيني زين طيعي لشوري = خلّي هزال الهرج واخذي سمانها
بالصبر والحكمه نحقق مرادنا =نقضي على الفتنه قبل عنفوانها
وهذي مقادير ٍ وربك يحلها = ولاغير رب الكون يقضي لشانها
ولو إن كل الناس توقف بصفنا =ياصعبها لاصار مالله زانها
ولو إن كل الناس تغلق طريقنا = اليا كتبها الله تمت وهانها
وقبل انهي الموضوع بقول كلمه =انت الغلا للروح وانته حنانها
وناديتها واقفت تعاند زمانها = تخفي عذاب الروح تخفي هوانها
ومديت كفي للغلا واتركتني = وفزيت من نومي ولا ذا مكانها
يقطعك ياحلم ٍ تكدر مشاعري = عزفت ناي الحزن ماهو كمانها[/poem]