السلام عليك ورحمة الله وبركاته
بعد الغياب حبيت ان انزل لكم قصيده
عن مزااين حرب ...,,,...
واتمنى من الجميع ان كان فيه نقد ولاحاجه يوضحهااا
تقول .
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهجوسي هاتي المعنى على وزنٍ ثمين=ابمدح اللي بالمواقف عارفين افعالها
اما اجيب المدح وافي بالرجال الوافيين=ولابلاش من العلوم اللي خفيف ضلالها
ياسلام الله عليكم يالرجال الطيبين=بعداد مابالأرض ناس وعد حب رمالها
لما تجمعتو على خير وشرف ياحاضرين=جيت وسعيت ابمدح اهل العرف واتعنالها
اهل الكرم والجود واهل الطيب ذربين اليمين=اهل الحميه والعرب تعرف كبر منزالها
حنا هل التاريخ واهل المجد من قدم السنين=يشهد على قولي جنوب الارض لين شمالها
منهو يعادينيا يذوق المر من عرض اليدين=ويصبح على ماقيل حاله عقبنا يرثالها
ياكم مره في قبايل حرب جونا طامعين=من فعلنا ردوا وحتى النوم مايبرالها
واللي يخاوينا ليامن طاح صرنا له عوين=ماهيب حرب اللي على الشده تشد رحالها
ليابغى حاجه على الشده لقانا صاملين=واليا بغى حاجه توسع خاطره حنالها
حتى الردي فينا بوقت الضيق افعاله تبين=مثل البعير اللي يشيل حمول محدٍ شالها
وفينا الشجاع ان ثار قاسي من طبوعه مايلين=ومن قسوته كن الاراضي زلزلت زلزالها
وفينا الفقير ان جيت بيته مالك الا كلمتين=تقول من طيبه ملك دنيا بكل اموالها
وشيوخنا اهل الاوله وانتم رجال وخابرين=يوم المعارك والليال العوج كيف احوالها
حبل الشجاعه والمروه والكرم فيهم متين=واليا بغوا حاجه ترى الحاجه قصير حبالها
وان رحت يم شوخنا هالحين ولا الاولين=من طيبهم حتى العرب فيهم تقول امثالها
لو فيه في كل الدول مثل مشايخنا ثنين=كان الاوادم للمشاكل ماتلقي بالها
ياهجوسي صغتي المعنى على وزنٍ ثمين=وانا ادري ان الشعر مايوفي قليل افعالها
قلت الكلام اللي فبالي مير باقي حاجتين=اذا الفناجيل الوفى والطيب حرب دلالها[/poem]
وسلامتكم