[align=center]مساء الخير ....
على الحلوين اللي زي الأمر
ودي اني اتكلم عن الحريم بس اخاف منهم
والله لو اطيح بلسان وحدة الله يعيني ماتخليني حتى تشرشحني
المرأة شي معقد في الحياة مجموعة اسلاك وخيوط متشابكة
اتحدى العباقرة يحلوها(اللي يحلها ابعطيه ريال)
تنقلب على اتفه شي ويرضيها شي بسيط (وردة أو باللبناني إنينة
عطر)
وبعدين اللي يقعد في جمعات النساء راح يجيه ارتجاج في الخ مع
بعض الكدمات في الدماغ
بسبب السواليف اللي بينهم الغير مركزة
والسالفة اتحداك تكمل عندهم كل وحده تقطع على الثانية(حوسه)
وخمس حريم تلقاهم يتكلون بوقت واحد وعشرين يتكلمن
ويستمعن بوقت واحد (يقولون ان المرأة اذا تكلمت تحب تستمع
واذا استمعت تحب تتكلم) يعني المخ شغال 24ساعة ول اهب
وطبعي اني احب اعاند الحريم فراح اذكر بعض صفاتها اللي
مايختلف عليها اثنين
فالمراة اذا مدحتها تقول أنـــك كـــــذاب وتجاملها
وإذاما مدحتهـــا تعتقد بأنك ماتعرف ولا تصلــح لشيء
وإذا وافقتها على كل اللي تبيه تعتقد أنك بلا شخصيـــة
وإذاماوافقتهـــا فأنت رجـــل ما يفهــم شي) والله بلشنا بهالحريم)
واذا سمعت لها وصرت حبيب وطيب _ مثلي _ تعتقد أنــك رجــل
غثيــث ودبشه
وإذاما سمعتها فانت قاسي ومطنش ولاتحترم المرأة وراح
تشتكيك عند برنامج كلام نواعم
واذا قعدت تستهبل عندها قصدك توسع صدرها تقول وش
هالمخفه الحمد لله والشكر واذاكنت رسمي فأنت شايف نفسك
على ايه يوائل كفوري وبالقصمنجي على وشوياهشام الهويش
وإذا كــنـــت تهتم بشكلك وكشختك (مثلي) فأنت رجـــل لعاب
وراعي بصبصه على النسوان وعيونك زايغه )والله ظلم أنا كذا)
وإذا ما تلبست ولاكشخت فانت تفشل ورجل اختها احسن منك
وتبدأتقول لو اني آخذه اجنبي احسلي كشخه ويدلعني
إذا صرت غيور وتخاف عليها من الهواء الطاير زي مايقولون
فـــأنت طبعك شين وكريه ولاتحب إلا نفسك
وعنك عقدة التملك وحب السيطرة وراح تدق على فوزية الدريع
تعطيها حل
وإذا ما كنت تغار عليها فأنت ماتحبها ولاتفكر فيها وتبي الفكه
منها ويقولون (غيرة المرأة على الرجل تزيد من غروره وغيرة
الرجل على المرأة تزيد من خبثها)
إذا تأخرت عليها دقيقــة تعصب وتخلي ليلتك( منيله بستين نيله(
وهي تتأخر على كيفها وتقعد تتمكيج وتتزين بالساعات والرجل
المسكين والبرائه نتقط مع خشمه ينتظرها ولايقدر يتكلم وتعرفون
انتم حكم القوي على الضعيف فالرجل يقول في المرأة مايريد
ولكن المرأة تفعل في الرجل ماتريد هي (شفتوا قوة الحريم)
وإذا كنت رايح للإستراحة عند الشباب ترفه عن نفسك شوي
تقول انك رجل منت قد المسؤلية واناني تخليها في البيت لحالها
وهي ماشاء الله عليها كل يوم عند اهلها وهو ماقال شي
واذا رحت معها للسوق وقعدت تحلت عيونك يسار ويمين
ومقصدك شريف فأنت تغازل وتناظر الحريم
بس لو يناظرها رجل مايهمها وتقول شفت اني جميلة والرجال
يحسدونك علي
شفتوا الحريم وش لون صعبات انا اقترح ان كل بنت تتزوج
يطلعون لها كاتلوج حتى يعرف الرجل وشلون يتعامل معها )وش
رايكم بلإقتراح)
شفتوا وشلون التعقيد والصعوبة يقولون عن الحريم
إنهم بسيطـــــــــــــــات ومعقــــدات
ضعيفات, لكنهن قويات
متناقضات بس منطقيـــــات
صعب تعيــش معهم
وماتقدر تعيش بدونهـــم
اي والله مانقدر نعيش بدونهم لو مافيه
حريم كان ماناظرنا الفديو كلبات ولا ستار اكاديمي ولاتمشينا
بالأسواق (مو انا الشباب)
يقولون (ثلاثة أصناف من البشر
لايستطيعون فهم المرأة الأطفال والشباب والشيوخ) بالله عليكم
من بقي
وبعدين فيه سر ابقوله عن الحريم ويعتبر تهديد لمسيرتهم وهو
العمر فيقولون إن أعظم أعداء المرأة العمر والسمنة فالسمنة
الكابوس المخيف للمرأة الأنيقة واكثر دليل على هذا كثرة الكتب
عن الرجيم واذا جت البنت تتزوج اول شي تسويه بالمهر إشتراك
في نادي رياضي حتى تطيح بعض الشحيمات اللي على البطن ولا
تقول للمرة شكلك سامنه راح تبلش بها راح تلبس كل ثيابها
وتقول شفت اني ماسمنت لو إني سمنت كان مادخل الثوب علي
والثوب المسكين راح يتقطع من السمن أما العمر وما أدراك ما
العمر فإذا قالت لك المرأة عمري 23 وهي عمرها 40 فقلها صح
عليك لابعد شكلك اصغر لأنك لو قلت تكذبين راح يجيك الكعب مع
الراس فالحريم تحسب عمرها بالطرح وليس بالجمع
يقولون من يتذكر عيد ميلاد المرأة وينسى كم أصبح عمرها هو
الرجل الرومنسي
ويقولون اذا اردت المرأة ان تكذب فسألها عن عمرها (اتحداكم
وحدة في المنتدى تقول عمرها الحقيقي)
وكلمت حق اخيره نعطر فيها الموضوع إن الحريم والزوجات
طيبات حنونات المفروض مانقصر معهم ونقدر لهم المعروف
ونحس فيهم وندللهم والله المرأة من تقوم من الصبح حتى تنام
وهي تكرف في المطبخ للغسيل للبزران والبيت على راسها
والرجل قاعد يشوف نفسه عليها ولايقدر لها المعروف الله يعينهم
بس حتى ولو سوت بعض الحركات الخبيثة فهذا من زود الحب
الله يجيركم وحب معرفة مقدار حبك لها اذا دخلت البيت تبدأ آه
واي بطني رجلي توجعني وهي مافيها شي تبي تشوف ردت فعلك
إذاقربت لمها وقلت بسم الله عليك سلامات راح تقوم وهي تضحك
وتقول الحمد لله تحبني اما اذا طنشتها راح تقوم وتقول انا عارفه
من زمان انك ماتحبني ولاتحس فيني (تعقيد رياضيات هذي
اتحداكم فيه حرمه ماسوتها)
بس الله يخليهم لنا( ومثل مايقول عبد الله رويشد ابيك بعيوبك
ابيك بحلوك وبمرك ابيك)
وهذا في كوم والمرأة المصابة بالعادة الشهرية كوم ثاني
تكون معقدة جدا سريعة التقلب وهذا شي صعب (زي
الفيزياء)ماأقدر أتكلم عنه
أخيرا أرجو انه مااحد يزعل علي وان كان اخطيت فسامحوني
**الـــمــســـــــافــــــ ـــــر؟**[/align]
$$$جيتك وقلبي فوق كفي لك هدية$$$
رد مع اقتباس
