[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابتدت مع هاجسي حالة صراع=وفجر الي وسط نفسي كابته
هجس سبب لي ارق فوق الصداع=من يناحر له اسد في غابته
باتبع الهاجس بقدر المستطاع=للمكان اللي كثير ٍ هابته
يا محيط الشعر فليت الشراع=والبحور اللي معي ما جابته
والله اني ما احب الاندفاع=لكن براسي اثر نشابته
الشعر ما به براءة اختراع=ولاحد ٍ قاضب على مقضابته
بالجهاز او بالقلم او بالشعاع=ما يهمك في اداة كتابته
ولا تقول السيف لكن الذراع=هي تحدد ضربته واصابته
مااشتهر عنتر وهو ماهو شجاع=الشجاعه عند عنتر ثابته
البكاء غير التباكي فالوداع=ذا يحب وذا عرض حبابته
ولوها بالحق ما تلقا جياع=شف كثير الرزق مع نهابته
والخبايث ما تحسنها الطباع=ولو تمدّح فالتتن شرابته
ما سهرت اكتب عن عيون ٍ وساع=ولا شغلني فالشعر عنـّـابته
وما علي من وصف محبوبه مشاع=ولا اقول ان من وصفها عابته
المهم ان قال يالحاضر سماع=صار لي حق ٍ على اسهابته
كان ضاع الحق في شتى البقاع=خان قاضينا عهد سبّابته
والشعر يبقى مجال ٍ للنزاع=بس حلاة الشعر في شبّابته
الشعر ماادوره في كل قاع=شجرته في وسط صدري نابته
فيه بدع الشعر وفالشعر ابتداع=وانت قل للشعر ينادي لابته
وشف من الي وقتها سند وضاع=وشف من الي جاء على دبابته
ما ترده لاحصون ولا قلاع=شف جنازيره وشف مسحابته
ان رفعها قلت يازين الرفاع=وان حدرها جت على مطلابته
عضد في عضد وكراع ٍ في كراع=ان لعب بالسيف والا طابته
التمر في هجر قالوا مايباع=والخطا يصبح خطا جلابته[/poem]
رد مع اقتباس
-new.gif)
