[poem=font="Simplified Arabic,7,purple,bold,italic" bkcolor="transparent" bkimage="" border="double,4,purple" type=2 line=0 align=center use=ex num="0,black"]
( لغز الكون )
تقدر تقول ان الغلى سبة اعجاب=وتقدر تقول ان المحبه مذله
الحب لغز الكون مجهول الاسباب=لغز(ن) جميع الناس عجزت تحله
يا اللي سلبتيني بتذبيل الاهداب=انا فدى ذيك الرموش المظله
ما كنت اظن اللي للالباب نهاب=ينهب حشاك وفوق ذا سامح(ن) له
يبرق ويرعد والمطر خارج الباب=وانا احسب انه غيمت(ن) مستهله
غرو(ن) غرير يهبل القلب سلاب=بنى له بوسط المعاليق فله
نصفه من الديره ونصفه من اجناب=يجرح وانا مستانس ومرخص(ن) له
لا جا يهرج بلهجتي تقل مرتاب=ولا جيت اعدل لهجته قلت خله
اليا ابتسم شفت الحلى بابيض الناب=وليا همس خل(ن) تلاقى بخله
ما يعرف الغيره ولا يبدي عتاب=واثق كاني واحد(ن) من هل(ن) له
غلاه تل القلب واهداه ترحاب =افرح ليا شفته لقلبي يتله
حلو اللعس يا ليتنا نصبح اقراب=ما دام قلبي سلمك كل كله
انا طلبتك والامل فيك ما خاب=اترك خواطر حبنا مسفهله
انا اشهد ان الشوق للروح غلاب=وان الحبيبه هي دواء كل عله
دنيا بليا حب ومعانق احباب= لو تنقلب فردوس لازم نمله[/poem]
رد مع اقتباس
-new.gif)
المشاركة الأصلية كتبت بواسطة احمد الجريفاني
