][ ما الفرق بين التشات والمنتدى؟؟ ][

[][ الفيصل ][]

السلام عليكم ورحمة الله وبركاته



ما الفرق بين المنتدى والتشات ؟؟؟؟ أريد تفسيراً



تحياتي لكم

[قوت القلوب]

فرق وااااااااضح

اولا المنتدى هو طرح موضوع والناس ترد برأيها وعن طريق غير مباشر يعني مو محاوره اخذ وعطى في نفس الوقت


اما التشات هو محاورات وسوالف ومواضيع تافهه

هذا رأيي:(

يعطيك العافيه اخوي الفيصيل

تحياتي

[][ الفيصل ][]

أختي قوت القلوب شاكر لك مرورك


بالنسبه للمواضيع التافهه اللي في التشات



في كل مكان مواضيع تافهه وتعتمد على الشخص اللي يدخل فيها


يعني بنفسك تقدر ما تدخل في هالمواضيع التافهه



تحياتي لك

[مجروحة الزمن]

الفرق كبير بين المنتدي والشات

المنتدي فيه مواضيع كثيره ممكن الاستفاده منها ومناقشتها هذا غير انه في المنتدي كلنا نكون اخوه علي قلب واحد

اما الشات هو عباره عن محاورات نادرما تكون مفيده واغلب الوقت مامنها فايده

يعني اللي يبي يضيع وقته يدخل الشات

يسلمووو يا الفيصل

[منيف الشلهوب]

اخوي الفيصل

طرح رائع لموضوع شيق للغايه

طبعا الفرق غير محدود وكلا له رأي

ولكن تجتمع وجهات النظر في ان التشات كانت وسيله للفائده تم تغييرها لوسيله للغزل ومضيعة الوقت الا ماندر

المنتدى أرقى وأجمل لانك تضع موضوعك على طاولة النقاش يشترك فيها الجنسين ومن مختلف البلاد مما يجعلك تكسب وجهات وآرآء مختلفه

اما التشات اذا حاولت طرح قضيه او موضوع ستجد مالايسرك من الالفاظ والتهزئ لان أغلب من فيه هم من ذوي الفكر المحدود ممن يبحث عن المتعه اينما كانت

التشات عبارة عن كلام تجده امام عينك ينطوي كما تطوى الليالي اما المنتدى فيبقى ليقرأه الجميع وكم من كاتب مات وبصماته موجوده في المنتديات

هذا مافي جعبتي ولكن حتما سيكون لي عوده لان الموضوع راقي راقي راقي جدا

[][ الفيصل ][]

برضووو ما اشفيتي غليلي يامجمج


تحياتي لك ولقلمك الررررررررائع

[][ الفيصل ][]

بصراحه أخوي منيف الشلهوب ردك هو اللي جعل موضوعي راقي راقي راقي جداً



بس ممكن نسوي غرفه مقفله وننهل من العلوم فيها



تحياتي لك وانتظر رجعتك

[أمل عبدالعزيز]

أخي الفيصل سأرد عليك على عجالة من أمرى..........

الشات= ضحك, مزح, اختلاط غير مقنن , مجهود كبير على سائر الأعضاء..........+ خروج بفراغ فقط...

وقد يصل للشتم ............ وهدر الكرامة.................

المنتدى:


فكر , تبادل آراء , اتاحة فرصة للإطلاع على كل جديد وبعقلانية ........

تعلُم الأساليب الحوارية , ودعوة خيرية ,...........

قد يكون هناك ألعاب و و الخ ولكنها تعتبر ( شات× غير مكانه) أى لافائدة منها بتاتاً.......... ولكنها ورادة ولايمكن منعها....................

ويبقى المنتدى ذو خاصيَّة تميزه عن ماسواه ........

من صقل مواهب, وتعليم نتي بحت............

تدريب كتابي , تنفيس داخلى لما يكون قد تم خزله وعدوم وجود مساحة أخرى للبوح به.............

وأخيراً.............

تحية تليق بك ......... ومن يشارِك هنا يعلم الماهية الواقعية والحقيقية لأمر الشات , حتى أن الكثير جداً قد تخلى عن الشات تماماً.................................

[السيف]

اخي الحبيب الفيصل

الفروقات تختلف

عندما يكون التشات او غرف الدردشه تتضمن مواضيع مهمه يكون كما المنتدى

و المنتدى يكون كالتشات اذا كانت اساسه رث و مواضيعه تشابه السكوت بمعناها

فبعض المنتديات للأسف تكون سبب للدمار والخراب الفكري و الفسد الأخلاقي اكثر من التشات

فقبل التحيه و التقدير اخي الحبيب وانت مميز كما هي عادتك

اخوك / السيف

[فالح الشلوي]

السلام عليكم اخوي الغالي الفيصل

اسمحلي برد موجوز عن وقت طويل بين الشات والمنتدى

صحيح ان كل منا يعرف ماهو الشات وماهو المنتدى بس السؤال اللي محد يتوقعه

ان يجيك احد يقول وش الفرق ؟؟؟؟؟؟؟؟؟؟ بينهم

اخوي فيصل الفرق مثل السما عن الارض يعني شي واضح ومعقول

اخوي الغالي المنتدى مكان كل واحد يقدر يطرح فيه فكره وآراءه دون اي احراج او ناس تاخذه بمأخذ الهزل

اما الشات ابيك تجرب انت او اي عضو يدخل اي شات ويقول ياشباب عندي موضوع ودي اطرحه ونتناقش فيه

راح تشوف انك بتروح في الرحله والكل يستلمك ويطق طق على راسك

يعني الشات ادخل واضحك وله اغراض ثانيه وهي واضحه وضوح الشمس

والاغلبيه يدخلون باسماء مزيفه او يغيرها من كل فتره لفتره عشان يسب هذا ويشتم هذا

وزين بعد اذا ماتلحق سيرته خارج اطار النت كله وهذا اللي شفناه كلنا اكثر من مره

ام المنتدى كل واحد له اسم معين ويعرف ان اي كلمه محسوبه عليه وانها راح تبقى امامه

والاغلبيه يعرف هذا الشخص من يكون ووش تفكيره وهدافه وطريقه تعامله مع الناس

وتلقاه يجتهد عشان الناس تاخذ عنه فكره غير0000

ويظهر بصوره ممتازه لانه مجال تبادل افكار وآراء

مو مثل الشات كل من هب ودب في غرفه وهذا قليل حيا وهذا صاحي وهذا مجنون

المنتدى محدد قسم للهبال والخبال وقسم للجد والكلام الواعي مقسم بحيث مايجي موضوع في قسم

الى وهو في مكانه الصحيح

اتمنى اني قدر اعبرلك باللي اقدر عليه مع ان صعب نقارن بين هذا وهذا وشتان ببين الاثنين

تقبل تحياتي

اخوك عذووووب

[الهُمامْ]

الفرق بين التشات والمنتدى ، فرق واضح وبين وجلي .
فالذين يرتادون التشات غالبا يكون للتسلية واضاعة الوقت وتكوين علاقات بغض النظر عن ماهية العلاقة .
ايضا التشات غالبا مرتادوه يكون في كلامهم الكذب . ويكون احيانا مسرحا للالفاظ البذيئة التي يترفع الانسان عن نطقها او ان يوصف بها . وهذا مشاهد لمن ارتاد التشات حتى لو لم يكن من المفتونين فيه .
اما المنتدى فغالبا يكون للفائدة والكلام المنمق الذي يبرز شخصية ذلك الشخص الذي يقوم بالكتابة .
ايضا المنتدى يجعل الشخص يعتاد على صياغة الخطابات الجميلة بالكلمات المنمقة والمرتبة .
مواضيع المنتدى غالبا يكون لها عمق وتحتاج ان يفكر الشخص قبل ان يكتب ، اما التشات فالرد يكون مباشر ولو تاخر احد في الرد قالوا انقطع الاتصال عنه .
فكرتي عن الشات هي:

الثرثرة واهم مضيعة للوقت في النت ومن محاسنها اتقان الكتابة على الكي بورد0

اما المنتديات :

فهي طريقة جميلة لمشاركة الآخرين الأفكار والمواضيع .. وتعلم ابجديات الكتابة ..
ومن مساوئها ان بعض المنتديات تعطي الحرية لبث الآفكار المسمومة والهدامة000 وسهولة تنكر من يدعي الاصلاح بعبارات تضم بين حناياها الكثير من السموم وتمر على الاغلبية مرور الكرام ..

تحياتي ,,