[align=center]احبتي في منتديات غرابيل.
السلام عليكم ورحمة الله وبركاته
يشرفني ان انضم اليكم في هذا المنتدى الشامخ..!!
واتمنى ان اجد لي مكانا بينكم..
مصافحتي الاولى لكم (( قصيدة )) ...!
اتمنى ان تتسع لها قلوبكم وتنال ميسور رضاكم
اخوكم الشاعر/ عطاالله ممدوح المضياني
لقطـــــــــــة غلـــيس !![/align].
[poem=font="Simplified Arabic,4,blue,normal,normal" bkcolor="transparent" bkimage="backgrounds/2.gif" border="none,4,gray" type=2 line=0 align=center use=ex num="0,black"]
البارحة للنـــــوم مالله هدانـــــــــي=تزاحمت عندي جميع الاحاسيس
في خاطري هم وقصيد ومعانــــي=وفي محجر عيوني دموع محابيس
فرحت بالدنيا وجتني تهانـــــــــــي=وحزنت فيها واتعبتني الهواجيس
عانيت بالدنيا ولازلت اعانــــــي=الله يكافينا من الشر وابليس
والحمد للخالق على ماعطانـــــــي=لامن عطا يعطي بلياّ مقاييس
يارب تغفر زلّتي وتحمانــــــــــــي=من الضلال ومن عيون المناحيس
يارب جنبني دروب الهوانـــــــــي=جنبني دروب اهلها مفاليس
ناس تبيع الغـــالي بشي فانـــــــــي=وتبدل الدرب السهل بالتضاريس
اللي تعرض كل قاصي ودانــــــي=اللي معرفتهم مثل(لقطة غليس)
ناس تحسب المرجلة بالتمانـــــــي=والكذب واللي يدور خلف الكواليس
وانا بعون الله بحفظ اتزانـــــــــــي=واترك دروب اهل الوجيه المعابيس
وأمشي مع اللي فيهم الله كفانـــــي=اهل الوفا واهل الكرم والمحاميس
اللي معزتهم معزة اخوانــــــــــــي=يسعون للعليا وكسب النواميس
الله على وقت مضى له زمانــــــي=تحتار في وصفه جميع القواميس
معهم حياتي طعمها طعم ثانـــــــي=تنام عيني ماتعرف الكوابيس
نبعد عن الازعاج وسط المبانــــي=لديار ما تنشاف فيها القراطيس
وأن صرت معهم طيبين المجانــي=في روضة تطرق عليه النسانيس
بين النفل والشيح والقحويانــــــــي=مانغبط اللي وسط لندن وباريس[/poem]